You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
dr. nico van der merwe<br />
37. Hoe moet ek lewe?<br />
Lees in jou Bybel Filippense 1:27-30 (vs. 27)<br />
Omdat jy nog in die laerskool is, weet jy nie altyd wat die<br />
regte ding is om te doen nie. Terwyl ’n kind grootword,<br />
leer jy al meer en meer van die lewe. Dit is hoe jy agterkom op<br />
watter manier jy elke dag moet lewe. Soms is dit nodig om ’n<br />
voorbeeld te kry van wat gedoen moet word. As Mamma en<br />
Pappa soms instrumente vir die huis koop, is daar gewoonlik<br />
’n pamfl et by wat sê hoe jy dit aan mekaar moet sit en hoe<br />
dit werk.<br />
<strong>Die</strong> Here het vir jou so ’n voorbeeld gegee as dit kom by<br />
jou godsdienstige lewe. In Filippense 1:27 hoor jy van dié<br />
voorbeeld. <strong>Die</strong> Here sê as jy wil weet hoe om as ’n kind van<br />
die Here te lewe, moet jy die Bybel gebruik. In die Bybel sê<br />
die Here vir jou wat nodig is.<br />
Daarom moet jy gereeld elke dag jou Bybel lees en baie<br />
goed oplet wat die Here van jou verwag.<br />
39. Jy moet jou ou, vuil klere uitt rek<br />
Lees in jou Bybel Galasiërs 5:19-21 (vs. 21)<br />
As jy aan sport deelneem of sommer net lekker saam met<br />
jou maats speel, word jy vuil. As Mamma die huis skoonmaak<br />
of Pappa werk aan die kar, word hulle ook vuil. Daarom<br />
moet ’n mens daarna bad of stort sodat jou liggaam skoon<br />
is, en dan jy trek skoon klere aan. Dan voel en lyk jy baie<br />
beter.<br />
<strong>Die</strong> Here leer ons in die Bybel dat dit geestelik net so met<br />
jou gaan. Elke dag leef jy in ’n wêreld wat vol is van sonde en<br />
lelike dinge. Dan word jou hart, jou gedagtes en jou dade vuil.<br />
As jy só is, is jy nie vir die Here aanvaarbaar nie. Gelukkig het<br />
Jesus Christus gekom en jou van jou sonde gered. Daarom<br />
moet jy die ou, vuil en sondige dinge van die lewe “uittrek”<br />
en jy moet die verlossing soos skoon klere aantrek en dan<br />
soos ’n verloste kind van die Here lewe. God het dit vir jou<br />
gedoen, jy moet net gehoorsaam wees en Hom dien.<br />
41. ’n Gelukkige huisgesin<br />
Lees in jou Bybel 2 Timoteus 3:14-17 (vs. 14)<br />
Iemand het dalk vir jou gesê jy moet soet en gehoorsaam<br />
wees dat jy ’n kindjie van die Here kan word. Iemand het<br />
dalk ook vir jou gesê dat jy gereeld die katkisasieklasse moet<br />
bywoon, gereeld en getrou jou katkisasie leerwerk moet<br />
voorberei sodat jy ’n kind van die Here kan word.<br />
En nou dink jy dat jy jouself ’n kind van die Here moet<br />
maak. Jy sê vir jouself: as ek soet en gehoorsaam is by die<br />
huis en die skool, en as ek gereeld my Bybel lees en bid, en<br />
as ek al my aandag aan die katkisasiewerk gee sal ek ’n kind<br />
van die Here word.<br />
Dis nie waar nie! Van jou geboorte af is jy ’n kind van die<br />
Here. Vra vir jou ouers om jou te vertel watter beloftes die<br />
Here aan jou gemaak het toe jy gedoop is. Toe het die Here<br />
vir jou gesê: “Jy is my kind!” Daarom moet jy geleer word om<br />
soos ’n kind van die Here te lewe.<br />
38. Jy is ’n nuwe mens<br />
Lees in jou Bybel 2 Kor. 5:16-21 (vs. 17-18)<br />
Alle mense hou van nuwe dinge. Jy is ook so. Dink maar<br />
aan die begin van die jaar as jy vir die skool nuwe klere en<br />
nuwe boeke kry, of met jou verjaardag as jy nuwe geskenke<br />
kry.<br />
Dit maak ’n mens opgewonde. Alle dinge op aarde word<br />
oud. Mamma en Pappa koop ’n nuwe motor, maar na ’n paar<br />
jaar is dit oud en hulle moet weer ’n nuwe een koop.<br />
<strong>Die</strong> Here sê met jou as mens is dit net so. Omdat daar<br />
baie sonde in die lewe is, lewe die mense verkeerd. Maar God<br />
maak jou nuut! Omdat jy aan die Here Jesus behoort, kan die<br />
Here jou nuut maak, want Jesus neem die sonde weg en die<br />
Gees van God, wat in jou hart bly, neem die ou lelike dinge<br />
uit jou lewe weg en maak jou ’n splinternuwe mens.<br />
Dis nou jou plig en voorreg om soos ’n nuutgemaakte<br />
mens te lewe in gehoorsaamheid aan die Here.<br />
40. Vryheid vra verantwoordelikheid<br />
Lees in jou Bybel 1 Petrus 2:11-17 (vs. 16)<br />
Jy weet baie goed dat as ’n hond met ’n ketting aan ’n paal<br />
vas is, kan hy nie loop en gaan waar hy wil nie, want hy<br />
is vasgemaak en is nie vry nie. As ’n misdadiger in die tronk<br />
is, het hy ook nie vryheid om te doen wat hy wil nie. As een<br />
land ’n ander land se mense slawe maak, is hulle nie meer<br />
vry nie.<br />
Sondige mense is ook nie vry nie, want hulle is slawe van<br />
Satan. As jy in jou sonde bly voortleef, is jy ook ’n slaaf van<br />
Satan en het jy nie vryheid nie. Omdat Christus aan die kruis<br />
vir jou sonde betaal het, het Hy jou van die slawerny van die<br />
sonde bevry. Petrus skryf dat jy jou vryheid moet gebruik om<br />
die Here te dien (vs. 16).<br />
Dit is jou opdrag as ’n verloste kind van die Here. Deur<br />
die Here elke dag te dien en aan Hom gehoorsaam te wees,<br />
is die lewe wat van jou verwag word, vry van die sonde.<br />
42. <strong>Die</strong> Here ken jou op jou naam<br />
Lees in jou Bybel Jesaja 43:1-4 (vs. 1)<br />
Jy weet nou dat jy ’n kind van die Here is en nie ’n kind van<br />
die Here moet word nie.<br />
Net soos mammas en pappas ken die Here ook jou naam.<br />
Toe jy gedoop is, het die Here op jou naam vir jou gesê dat jy<br />
sy kind is. God sê deur die pen van Jesaja: “Ek het jou op jou<br />
naam geroep, jy is myne.”<br />
Daar is duisende der duisende mense en kinders wie se<br />
name jy nie ken nie. Daarom speel hulle nie ’n rol in jou lewe<br />
nie. Maar as jy iemand se naam ken en jy kan hom op sy<br />
naam noem, dan het die persoon betekenis in jou lewe.<br />
Dit is presies wat die Here hier vir jou sê. God sê dat<br />
Hy jou Vader in die hemel is, wat jou op jou naam ken. Op<br />
jou naam het Jesus Christus vir jou sondes betaal en op jou<br />
naam bly God se Gees in jou en help jou om soos ’n kind van<br />
die Here te lewe. Jy moet luister wat God hieroor vir jou sê.<br />
12 slingervel l l maart 2012