You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
oom attie venter<br />
bakterieë,<br />
& kie<br />
GROOT GETALLE<br />
In die volksmond ken ons bakterieë, giste en virusse<br />
alles as kieme. Mense wonder partykeer hoekom<br />
ons so baie kieme in ons monde het. <strong>Die</strong> interessante<br />
antwoord is dat groot dele van jou liggaam kieme bevat.<br />
Eerstens: jou vel is met kieme oortrek – spesifi ek, bakterieë.<br />
Ook swamme, maar baie bakterieë. So ook<br />
jou spysverteringstelsel, beginnende by die mond en<br />
eindigende by die anus. ’n Bioloog beweer selfs dat<br />
die liggaam uit sowat 15 triljoen (15 miljoen miljoen)<br />
selle bestaan, waarvan maar 10% menslik is. <strong>Die</strong> res<br />
is hoofsaaklik bakterieë.<br />
Gelukkig vir ons is hierdie bakterieë baie kleiner as<br />
die normale liggaamsel. En gelukkig is daar nie ’n verkiesing<br />
in die liggaam nie – hoewel, as jy ’n maagkwaal<br />
het, jy terdeë daarvan sal weet dat daar bakterieë in<br />
jou liggaam is! Onthou dat jy ook maagaandoenings<br />
van virusse kan kry. Daar is ook protosoë (eensellige<br />
diertjies) in jou spysverteringskanaal wat jou amoebiese<br />
disenterie kan besorg. Protosoë sal seker ook maar in<br />
die volksmond as kieme bekend staan.<br />
HOU HOM OP SY PLEK<br />
MOND – In baie gevalle is die kieme waarvan ons<br />
nou gepraat het, onskadelike bakterieë, dit wil sê as<br />
hulle bly waar hulle behoort te bly, sal hulle niks aan<br />
’n mens doen nie. Daar is maar net bakterieë in jou<br />
liggaam omdat daar maar oral bakterieë is – in die<br />
grond, in die kos wat jy eet, in die water wat jy drink.<br />
Dus sal daar ook van hierdie goedjies in jou mond<br />
wees.<br />
Wat baie interessant is, is dat, as daardie bakterieë<br />
is waar hulle nie veronderstel is om te wees nie, dit<br />
groot skade kan veroorsaak. Byvoorbeeld: ’n mens<br />
kry ’n vleisvretende bakterie, soos die geval van ’n<br />
kind wat ’n paar jaar gelede eers sy arm verloor<br />
het en toe sy skouer. Later is hy toe dood. Hierdie<br />
bak terieë het eenvoudig vanaf sy mond deur sy lig-<br />
gaam versprei! Gewone mondbakterieë kan onder<br />
normale omstandighede nie enige skade aan jou<br />
be rokken nie, maar as dinge êrens ’n verkeerde<br />
wending neem, kan dit op die dood uitloop.<br />
NEUS – <strong>Die</strong>selfde met die baie virusse en bakterieë<br />
wat in jou neusholte leef – dié van julle wat verkoue<br />
is, weet daarvan! Hulle is redelik onskadelik, maar<br />
as jy een van daardie mense is wat jou nies “smoor”<br />
deur dit te onderdruk, dan is dit baie gevaarlik. Van<br />
daardie virusse kan dan deur die kribriformplaat<br />
tot binne jou breinholte ingeforseer word. <strong>Die</strong> kribri<br />
formplaat is ’n plaat wat die neusholte van die<br />
breinholte skei met fyn porieë waardeur die reuksenuwees<br />
strek. Hierdie porieë is ook vir kieme<br />
deur laatbaar, sodat, as jy deur jou nies te smoor<br />
groot druk op die neusholte toepas, virusse en<br />
bak terieë deur die porieë tot in jou brein beweeg.<br />
Bakterieë kan meningitis veroorsaak, wat natuurlik<br />
ook lewensgevaarlik kan wees.<br />
Jou eie liggaamsbakterieë kan dus dodelik wees<br />
– vir jouself en ook vir ander mense. As jy een of<br />
ander siekte het en jy slordig en morsig werk, kan<br />
siektes van een persoon na die ander oorgedra<br />
word.<br />
MUTUALISME<br />
Onthou ook: jou hele spysverteringstelsel is vol<br />
bak terieë. Baie daarvan doen eintlik ’n baie belangrike<br />
werk. Hulle breek byvoorbeeld van die kosse af wat jy<br />
inneem, met ander woorde: hulle help met vertering!<br />
In die geval van herkouende diere gaan hulle nog ’n<br />
stap verder. Laasgenoemde het verskeie mae (word<br />
ook die vierkantmaag genoem) waarin vertering dan<br />
plaasvind. Dit vind ons veral by diere wat grasse moet<br />
vreet, maar nie by diere wat blare van struike en bome<br />
vreet nie. By jou grasvretendes vind ons dat hierdie<br />
ekstrae mae groot massas bakterieë, giste en protosoë<br />
(eensellige diertjies) bevat.<br />
16 slingervel maart 2012