Die - CJBF

As ’n mens van die sterre hoor of lees, kan dit
nie anders nie as dat jy, as dit donker is, opkyk
in die lug en kyk na die ontelbare sterretjies
wat skitter teen die nagdonker hemel. Vir iemand wat
in God glo, is dit nie sommer maar net ligspikkeltjies
wat jy sien nie. Die sterrehemel waarna jy kyk, is deur
God geskep (Gen. 1:14-19; Jes. 66: 2; Kol. 1:16; Spr.
8:22-31; Gen. 14:19; Jes. 40:28; Ps. 8). Christene
twyfel nie daaraan dat God die ganse heelal geskep
het nie. Van die grootste son tot die kleinste atoompie
is deur God gemaak. Van die skepping van alle dinge
lees ons in Genesis 1 en 2 en ook in Job 38-41. Daar
is verdere verskillende teksgedeeltes wat aantoon dat
God die Skepper is van alle dinge. Ons noem net ’n
paar:
Jesaja 66: 2 – “Ek het alles gemaak en so het
alles ontstaan, sê die Here.”
Kolossense 1:16 – “God het deur Hom alles
geskep wat in die hemel en op die aarde is, alles
wat gesien kan word en alles wat nie gesien kan
word nie.”
Lees ook Spreuke 8:22-31, Genesis 14:19 en
Psalm 8.
Planete van ons sterrestelsel
In die ruimte is daar miljoene sterrestelsels wat
galaksies genoem word wat elkeen bestaan uit
miljoene der miljoene sterre of sonne. Die sterrestelsel
waarvan ons son deel is, word die Melkweg
genoem. Ons son het agt planete wat om hom wentel.
Dié planete is: Mercurius, die planeet naaste aan
die son. Dan volg Venus, die Aarde, Mars, Jupiter,
Saturnus, Uranus en Neptunus.
Wetenskaplikes het met inisiatief en verbeterde
tegnieke al meer en meer van die planete van ons
son te wete gekom. Verskillende planete soos Mars,
Jupiter en Saturnus is al met ruimtetuie besoek en
wetenskaplik ondersoek. Tot dusver is gedink dat
nét ons son planete het en nie ander sonne ook nie.
Omdat die verskillende sterrestelsels en sterre ’n
tellie skoop
aantal ligjare van mekaar verwyder is, was dit nie
moontlik om met teleskope van die aarde af tot daar
waar te neem nie.
Planete van ander verre sterrestelsels
Planeetkundiges het egter metingmetodes
ontwikkel wat dit vir hulle moontlik maak om te kan
vasstel of verre sonne ook planete het. Wat was die
verrassing groot toe hulle tot die ontdekking kom
dat daar wél planete om ander sonne wentel. Die
wetenskaplikes was baie opgewonde toe hulle ’n
planeet, ongeveer soos Neptunus, om die ster Gliese
436 ontdek het.
Navorsers in Europa het bekendgemaak dat hulle
drie “super-aardes” om ’n nabye ster ontdek het,
as ook twee ander sonnestelsels met aarde-agtige
planete. Die drie “super-aardes” wentel om ’n ster wat
effens kleiner is as ons son, sowat 42 ligjare van die
aarde af. Al drie die planete is groter as die aarde –
een is 4,2 keer swaarder as die aarde, een 6,7 keer
swaarder, en die grootste een 9,4 keer die aarde se
massa. Die ontdekking van die “ekso-planete” het ’n
hele nuwe veld van ondersoek oopgemaak vir die
astronomie. SV
(Bronne: Astronomy, August 2008 [Special 35th Anniversary
Issue]; Sterrekunde Woordeboek, JH de Klerk;
http://exoplanets.org, Atlas of the Universe, 1994)
24 slingervel maart 2012