Create successful ePaper yourself
Turn your PDF publications into a flip-book with our unique Google optimized e-Paper software.
57. God se plan met Sodom en Gomorra<br />
Lees: Genesis 18:16-22 Teks: Genesis 18:17<br />
Toe Lot die vrugbare Jordaanvallei gekies het, is gesê “die inwoners<br />
van Sodom was sleg: hulle het baie gesondig teen die Here” (Gen.<br />
13:13). God maak aan Abraham bekend dat Hy Sodom en Gomorra<br />
gaan straf. ’n Mens wonder hoekom het God sy besluit eers aan<br />
Abra ham bekend gemaak. Abraham is God se uitverkore kind, nie<br />
omdat hy beter was as ander mense nie. God het Abraham verkies<br />
om uit hom ’n eie nasie te maak waaruit later Christus gebore kan<br />
word. Daarom het God sy plan met Sodom en Gomorra nie vir Abraham<br />
weggesteek nie. God se geduld met die sondige mense het ’n<br />
eindpunt bereik. God se oordeel oor hulle moet die heidene onder<br />
die besef bring wat die konsekwensies is as die Here geïgnoreer<br />
word. Wees waaksaam hoe jy God gehoorsaam.<br />
59. Abraham se pleit vir Sodom<br />
Lees: Genesis 18:22-33 Teks: Genesis 18:22<br />
Net soos op die Sinarvlakte in Noag se tyd, het God Hom nou ook<br />
vertoorn oor die sondes in Sodom en Gomorra (vs. 20-21). By<br />
Noag het God die mense met die watervloed verdelg, maar by Sodom<br />
en Gomorra doen God dit met swael en vuur (Gen. 19:24). Abram pleit<br />
dat God die oordeel sal wegkeer ter wille van 50 gelowiges. God sê<br />
die oordeel moet voortgaan: daar is nie 50 regverdiges in Sodom nie<br />
... of 40, of 30, of 20, of 10. God was bereid om vir slegs 10 gelowiges<br />
Sodom en sy inwoners te spaar ... maar daar was nie eens 10 nie.<br />
Voorbidding is ’n wesenlike deel van ’n Christen se geloofslewe.<br />
Abram doen hier ’n beroep op God se barmhartigheid.<br />
Hoe nader ’n gelowige aan God leef, des te dringender sal sy<br />
voor bidding word.<br />
61. ’n Ruk na die vorige gebeure<br />
Lees: Genesis 22:1-6 Teks: Genesis 22:1<br />
Op ’n paar plekke in Kanaän het Abraham altare gebou om tot<br />
God te offer. Nou beveel God hom om ’n altaar te bou waarop<br />
hy sy seun, Isak, moet offer. Vir Abraham was dit gewis ’n geweldige<br />
skok. Meer as 25 jaar het hy en Sara gewag vir die geboorte van ’n<br />
erfgenaam. En nou wil die Here hê dat hy vir Isak moet offer. God het<br />
daar mee ’n doel: “God het vir Abraham op die proef gestel” (vs. 1b).<br />
God wil toets of Abraham se geloof sterk staan. God wil vasstel of<br />
Abraham onwrikbaar in Hom glo. Deur hierdie opdrag sal God kan<br />
vasstel of Abraham Hom meer liefhet as vir Isak. God sal kan vasstel<br />
of Abraham sonder die minste twyfel aan Hom gehoorsaam sal wees.<br />
God het op so ’n wyse vir Job ook getoets. Op een of ander manier<br />
kan die Here ook vasstel of jou geloof eg is.<br />
63. <strong>Die</strong> lam vir die brandoff er<br />
Lees: Genesis 22:1-8 Teks: Genesis 22:7<br />
Sonder teëpraat maak Abraham aanstaltes om God se opdrag uit te<br />
voer en sy seun Isak te gaan offer. Nog die volgende môre vertrek<br />
hy en Isak (vs. 3). Na drie dae kom hulle by die plek aan wat God vir<br />
Abraham gewys het (vs. 4). Hy het die hout op Isak se rug gesit en<br />
hulle twee klim teen Moriaberg uit – Isak wat die offerhout self dra,<br />
amper soos Christus wat sy eie kruis moes dra (vs. 6). Doelgerig stap<br />
Abraham met Isak na die offerplek. Dan vra Isak vir Abraham waar<br />
die offerdier is. Moet Abraham vir hom sê dat hý die offerlam is? Ten<br />
spyte daarvan dat Abraham géén uitkoms kan sien nie, sê hy vir Isak<br />
dat God die offerlam sal voorsien. Abraham se geloof wankel nie.<br />
Deur die geloof verwag hy die onmoontlike wat juis deur die geloof<br />
moontlik gaan word!<br />
58. God kom om te kyk<br />
Lees: Matt eus 11:20-24 Teks: Genesis 18:21<br />
God is liefde (Eks. 34:6-7; 1 Joh. 4:8 & 16). Tog lees ons dat God<br />
Sodom en Gomorra straf. God se liefde beteken nie dat die<br />
mens maar in ongebondenheid en sonde kan voortleef nie. God se<br />
lief de is teenoor die sonde ’n vuur wat uitdelg. God tree ook nie<br />
on willekeurig op nie. God se optrede is nie ’n skielike opwelling nie.<br />
God gaan kyk eers wat in Sodom aangaan (vs. 21). “<strong>Die</strong> inwoners<br />
van Sodom was sleg: hulle het baie gesondig teen die Here” (Gen.<br />
13:13). <strong>Die</strong> geskiedenis van Sodom staan as ’n waarskuwing in die<br />
Bybel dat die mens nie straffeloos teenoor God oortree nie. God vind<br />
nie plesier daarin om die sondaars te straf nie. Maar wat God in die<br />
lewe van die goddelose sien, kan nie geïgnoreer word nie. God se<br />
geregtigheid eis dat die mens gestraf sal word.<br />
60. Abraham probeer nog net eenmaal<br />
Lees: 1 Timoteus 2:1-6 Teks: Genesis 18:32<br />
Dit is duidelik dat God ’n verskil maak tussen opregtes en goddeloses.<br />
Meer nog: God is bereid om bose mense genadig te<br />
wees ter wille van die gelowiges. Dit wys dat gelowige mense ’n baie<br />
belangrike rol te speel het in die samelewing.<br />
Toe dit duidelik is dat daar nie eers 10 regverdiges in Sodom is<br />
nie, gee Abraham die saak gewonne. Kenmerkend is dat Abraham<br />
niks vir homself vra nie. Hy vra iets vir Lot. Hy vra iets vir Sodom.<br />
Abra ham hou aan God vas en die wêreld en hy bid by God om<br />
genade vir die wêreld. Dit is ook elke gelowige se priesterlike opdrag<br />
om vir die wêreld te bid dat die Woord van God mense sal bereik en<br />
tot geloof en bekering bring.<br />
62. <strong>Die</strong> off er van Abraham gevra<br />
Lees: Matt eus 10:34-39 Teks: Genesis 22:2<br />
Geloof beteken dat jy God, wat jy ken, ten volle vertrou. God se<br />
pad met jou gaan soms in ’n rigting wat jy nie wil hê nie. Moses<br />
en Paulus is hierin twee goeie voorbeelde. So gaan God nou met<br />
Abraham ’n pad wat hy sou wou vermy, dit is om sy seun Isak te<br />
gaan offer. Abraham kon seker voel dat God met hom ’n wrede pad<br />
stap. Dit is asof God die waar word van sy beloftes in Isak nou wil<br />
terugtrek. As hy vir Isak offer, is die belofte van God daarmee heen.<br />
God se belofte en God se opdrag staan hier teenoor mekaar. As dit<br />
in jou lewe gebeur het, sou dit vir jou ook die swaarste beproewing<br />
gewees het. Kan ’n mens daaronder staande bly? Abraham kon<br />
staan de bly omdat sy geloof eg en sterk was. Jy moet tot God bid vir<br />
’n sterk en onwankelbare geloof.<br />
64. God sal die lam voorsien<br />
Lees: Genesis 22:9-14 Teks: Genesis 22:14<br />
Op Moriaberg is die altaar gebou, die hout reggemaak en Isak<br />
as die “offerdier” op die altaar vasgemaak (vs. 9). Nou moet die<br />
“offerdier” geslag word. Abraham se hand met die mes was al klaar<br />
in die lug toe God hom keer. God het Abraham se onvoorwaardelike<br />
geloof gesien. Toe gee God die offer soos Abraham gesê het, die<br />
skaapram wat in die bos vassit. Abraham se antwoord aan Isak oor<br />
die offerdier word waar. Hy noem die plek “op die berg van die Here<br />
word voorsien” (vs. 14). Dit tref ’n mens dat toe God se enigste Seun,<br />
Jesus Christus, aan die altaar van die kruis gehang het, was daar nie ’n<br />
offerdier om in sy plek te sterf nie. Christus sterf sélf om daarmee jou<br />
sondeskuld te betaal en jou sondestraf te dra en jou met die Vader te<br />
versoen tot in ewigheid.<br />
slingervel maart 2012 21