Die - CJBF

More documents

Recommendations

Info

dr. nico van der merwe 49. Redding uit die slawerny Lees: Eksodus 3:8a Teks: Psalm 105:1-22 Die woord van belang in vers 8a is “bevry”. Om iemand te bevry, is om iemand uit ’n bedreiging te verlos. Vir Israel was die slawerny baie swaar en hulle het daaronder gely. God het nou besluit dat die oomblik van Israel se bevryding, verlossing aangebreek het. Letterlik staan daar in vers 8 dat die Here gaan kom om die Israeliete uit die hand van die Egiptenare te ruk. Daar sit iets in dat krag gebruik word vir hierdie daad. Uit die mag van Egipte weg te ruk! Israel was nie in staat om hulleself te red nie. Hulle kon hulleself nie van die slawerny verlos nie, net so min as wat jy vandag jouself van die sonde kan verlos. Om dit te kon doen, moes God na die aarde toe kom. God kom na ons toe nie in ’n brandende doringbos nie, maar Hy kom na ons toe in Christus, jou Verlosser. 51. Hoe sal ons voor God verskyn? Lees: Eks. 19:1-25 & Ps. 43:1-5 Teks: Eks. 19:17a Israel het by Sinaiberg aangekom en kamp opgeslaan. God beveel dat die volk hulleself moet reinig voordat hulle voor Hom kom staan. “Toe het Moses hulle uit die kamp laat uitgaan om voor God te gaan verskyn” (vs. 17a). Let daarop dat Moses die volk gelei het. God het met Moses gepraat en Moses weer met die volk. Toe hulle gereed was, het Moses voor hulle uitgestap. Die vraag is, hoe sal ons voor God verskyn? Ons hoef ons nie ui terlik te reinig nie, maar innerlik moet ons gereed wees om God te ontmoet. Dit gebeur as die gemeente saamkom in die erediens. As hulle saamkom in die gebed. As gelowiges saamkom vir Bybelstudie. As sondige mense kom ons voor God te staan in Christus. Hy is ons Middelaar wat vir ons by die Vader ingetree het. Hy lei ons na God toe. 53. ’n Altaar vir die Here Lees: Genesis 13:14-18 Teks: Genesis 13:18 Lot is persoonlik die belangrike skakel in die besluite wat hy neem (Gen. 13:11). Abraham maak sy keuses uit God. Vir hom is God die belangrikste faset van sy besluite (vs. 18). Nadat Lot die Jordaanriviervallei gekies het om te gaan woon, vestig hy hom in die sondige Sodom (vs. 12). Abraham het tent opgeslaan by Hebron en die eerste ding wat hy daar doen, is om ’n altaar vir die Here te bou (vs. 18). Lot se lewensuitkyk word die sondige lewe van die mense in Sodom. Abraham se lewensuitkyk is gesetel in die altaar vir die Here. ’n Lewe vanuit die altaar is ’n lewe volgens God se wil. Wat jou betref, is dit ’n lewe as Christentiener vanuit die Woord van God. As God se Woord die middelpunt van jou lewe is, sal dit ’n invloed uitoefen in alles wat jy beplan en besluit. 55. God se verbond met Abraham Lees: Genesis 15:7-21 Teks: Genesis 15:18 Abraham wonder wat van God se beloftes geword het. Die nageslagsbelofte en die landsbelofte. Jare het verbygegaan en hy het nog nie ’n nageslag nie of ’n eie land nie. God kom om sy verhouding met Abraham in ’n verbond vas te lê. Abraham moes diere middeldeur sny en die helftes teenoor mekaar op die grond neersit. Abraham glo dat God sal kom en met hom ’n verbond sluit. Dit is die hart van die Bybelse boodskap. Gód sluit met die mens sý verbond. God gaan tussen die stukke van die diere deur (vs. 17). Dit wys op genade én oordeel. God beloof sy trou en liefde en daarop moet die mens in die verbond met gehoorsaamheid antwoord. Toe jy gedoop is, het God gesê hy maak ’n verbond met jou. God gee genade. Jy moet daarop antwoord met gehoorsaamheid. 50. Trek nie sonder God nie Lees: Eksodus 33:7-23 Teks: Eksodus 33:15 Die begrip “wegtrek” of “optrek” kom 41 keer in die Ou Testament voor om die saak van bevryding aan te toon, meestal in verband met Kanaän. God het belowe om die volk uit die slawerny van Egipte te verlos en tot in Kanaän te lei, maar dan moet die volk deur geloof gehoorsaam wees aan God. Eksodus 32 vertel van Israel se sonde met die goue kalf. God sê toe vir Moses om die volk verder te laat trek Kanaän toe, maar God gaan nie meer saam met hulle nie, Hy sal ’n engel gee om hulle te lei. Moses pleit by God dat as Hy nie saamgaan nie, hulle nie verder gaan trek nie. Het jy al gedink dat God, vanweë jou ongehoorsaamheid, nie met jou op jou lewenspad verder sal wil gaan nie? Bely jou sonde en bid om die teenwoordigheid van God se Gees. 52. Van bitt er water na soet water Lees: Eksodus 15:22-27 Teks: Eks. 15:23a & 27a Met ’n volk wat deur die woestyn trek, kan dit die een oomblik goed gaan en die volgende oomblik weer sleg. Die een oomblik is daar voorspoed en die volgende oomblik ’n groot krisis. Die lewe van elke mens het sulke dieptepunte en hoogtepunte. Israel het tydens hulle trek deur die woestyn dit telkens ervaar. Water is in die woestyn baie skaars. Israel kom by water, maar toe is die water bitter. Hulle noem die plek Mara (“bitterheid”). God maak die water drinkbaar deur Moses ’n stuk hout daarin te laat gooi. God toets die volk se geloof. Toe kom die volk by Elim aan met sy 12 fonteine en 70 palmbome en kon hulle hul dors les. In tye van teenspoed en voorspoed moet elke gelowige op weg deur die woestyn van die lewe volkome op God vertrou en alles van Hom verwag. 54. God se beskerming Lees: Gen. 15:1-21 & Jes. 41:8-14 Teks: Gen. 15:1 Toe God Abraham beveel om uit Ur weg te trek na Kanaän (Gen. 12:1), het Abraham deur die geloof onmiddellik God se opdrag uitgevoer. In dié proses het baie beproewinge oor Abraham gekom. Maar Abraham het voortgegaan deur die geloof en nie afgewyk van God se bevel nie. Hierin was God Abraham se Beskermer. Abraham glo dit wat God het gesê: “Moenie bang wees nie” (vs. 1). God sê dit nie vir Abraham op ’n veraf manier soos ’n radio wat iewers speel nie. God sê dit direk vir hom en daarmee bedoel die Here dit ook vir elke gelowige wat uit Abraham gebore is. Dit is ook jý, gedoopte verbondskind van God. God belowe aan sy uitverkore kinders sy beskerming. Niemand, nie eers Satan nie, kan jou uit die hande van God ruk nie. 56. Die roofvoëls sak op die karkasse toe Lees: Psalm 103:1-18 Teks: Genesis 15:11 Abraham hou wag by die diere wat hy middeldeur gesny het. Die roofvoëls sak op die dooie diere toe, maar Abraham verjaag hulle. Abraham hou wag by die tekens van die verbond. In ons tyd is die tekens van die verbond die doop en die nagmaal. Omdat ons in ’n bose tyd lewe, waarin Satan die gelowiges van God afvallig wil maak, sal ons ook oor die tekens van die verbond moet waak. Wat jou as Christentiener betref, is die doop in jou lewe baie belangrik. Dit is die teken van jou verlossing in Christus. Ma en Pa sal ook moet waak oor die teken van die doop en daarmee saam die teken van die nagmaal. Die doop en die nagmaal moet vir die gelowiges só belangrik wees dat niks en niemand hulle kan wegneem nie. Die teken van die doop is jou waarborg vir die verlossing. 20 slingervel maart 2012
57. God se plan met Sodom en Gomorra Lees: Genesis 18:16-22 Teks: Genesis 18:17 Toe Lot die vrugbare Jordaanvallei gekies het, is gesê “die inwoners van Sodom was sleg: hulle het baie gesondig teen die Here” (Gen. 13:13). God maak aan Abraham bekend dat Hy Sodom en Gomorra gaan straf. ’n Mens wonder hoekom het God sy besluit eers aan Abra ham bekend gemaak. Abraham is God se uitverkore kind, nie omdat hy beter was as ander mense nie. God het Abraham verkies om uit hom ’n eie nasie te maak waaruit later Christus gebore kan word. Daarom het God sy plan met Sodom en Gomorra nie vir Abraham weggesteek nie. God se geduld met die sondige mense het ’n eindpunt bereik. God se oordeel oor hulle moet die heidene onder die besef bring wat die konsekwensies is as die Here geïgnoreer word. Wees waaksaam hoe jy God gehoorsaam. 59. Abraham se pleit vir Sodom Lees: Genesis 18:22-33 Teks: Genesis 18:22 Net soos op die Sinarvlakte in Noag se tyd, het God Hom nou ook vertoorn oor die sondes in Sodom en Gomorra (vs. 20-21). By Noag het God die mense met die watervloed verdelg, maar by Sodom en Gomorra doen God dit met swael en vuur (Gen. 19:24). Abram pleit dat God die oordeel sal wegkeer ter wille van 50 gelowiges. God sê die oordeel moet voortgaan: daar is nie 50 regverdiges in Sodom nie ... of 40, of 30, of 20, of 10. God was bereid om vir slegs 10 gelowiges Sodom en sy inwoners te spaar ... maar daar was nie eens 10 nie. Voorbidding is ’n wesenlike deel van ’n Christen se geloofslewe. Abram doen hier ’n beroep op God se barmhartigheid. Hoe nader ’n gelowige aan God leef, des te dringender sal sy voor bidding word. 61. ’n Ruk na die vorige gebeure Lees: Genesis 22:1-6 Teks: Genesis 22:1 Op ’n paar plekke in Kanaän het Abraham altare gebou om tot God te offer. Nou beveel God hom om ’n altaar te bou waarop hy sy seun, Isak, moet offer. Vir Abraham was dit gewis ’n geweldige skok. Meer as 25 jaar het hy en Sara gewag vir die geboorte van ’n erfgenaam. En nou wil die Here hê dat hy vir Isak moet offer. God het daar mee ’n doel: “God het vir Abraham op die proef gestel” (vs. 1b). God wil toets of Abraham se geloof sterk staan. God wil vasstel of Abraham onwrikbaar in Hom glo. Deur hierdie opdrag sal God kan vasstel of Abraham Hom meer liefhet as vir Isak. God sal kan vasstel of Abraham sonder die minste twyfel aan Hom gehoorsaam sal wees. God het op so ’n wyse vir Job ook getoets. Op een of ander manier kan die Here ook vasstel of jou geloof eg is. 63. Die lam vir die brandoff er Lees: Genesis 22:1-8 Teks: Genesis 22:7 Sonder teëpraat maak Abraham aanstaltes om God se opdrag uit te voer en sy seun Isak te gaan offer. Nog die volgende môre vertrek hy en Isak (vs. 3). Na drie dae kom hulle by die plek aan wat God vir Abraham gewys het (vs. 4). Hy het die hout op Isak se rug gesit en hulle twee klim teen Moriaberg uit – Isak wat die offerhout self dra, amper soos Christus wat sy eie kruis moes dra (vs. 6). Doelgerig stap Abraham met Isak na die offerplek. Dan vra Isak vir Abraham waar die offerdier is. Moet Abraham vir hom sê dat hý die offerlam is? Ten spyte daarvan dat Abraham géén uitkoms kan sien nie, sê hy vir Isak dat God die offerlam sal voorsien. Abraham se geloof wankel nie. Deur die geloof verwag hy die onmoontlike wat juis deur die geloof moontlik gaan word! 58. God kom om te kyk Lees: Matt eus 11:20-24 Teks: Genesis 18:21 God is liefde (Eks. 34:6-7; 1 Joh. 4:8 & 16). Tog lees ons dat God Sodom en Gomorra straf. God se liefde beteken nie dat die mens maar in ongebondenheid en sonde kan voortleef nie. God se lief de is teenoor die sonde ’n vuur wat uitdelg. God tree ook nie on willekeurig op nie. God se optrede is nie ’n skielike opwelling nie. God gaan kyk eers wat in Sodom aangaan (vs. 21). “Die inwoners van Sodom was sleg: hulle het baie gesondig teen die Here” (Gen. 13:13). Die geskiedenis van Sodom staan as ’n waarskuwing in die Bybel dat die mens nie straffeloos teenoor God oortree nie. God vind nie plesier daarin om die sondaars te straf nie. Maar wat God in die lewe van die goddelose sien, kan nie geïgnoreer word nie. God se geregtigheid eis dat die mens gestraf sal word. 60. Abraham probeer nog net eenmaal Lees: 1 Timoteus 2:1-6 Teks: Genesis 18:32 Dit is duidelik dat God ’n verskil maak tussen opregtes en goddeloses. Meer nog: God is bereid om bose mense genadig te wees ter wille van die gelowiges. Dit wys dat gelowige mense ’n baie belangrike rol te speel het in die samelewing. Toe dit duidelik is dat daar nie eers 10 regverdiges in Sodom is nie, gee Abraham die saak gewonne. Kenmerkend is dat Abraham niks vir homself vra nie. Hy vra iets vir Lot. Hy vra iets vir Sodom. Abra ham hou aan God vas en die wêreld en hy bid by God om genade vir die wêreld. Dit is ook elke gelowige se priesterlike opdrag om vir die wêreld te bid dat die Woord van God mense sal bereik en tot geloof en bekering bring. 62. Die off er van Abraham gevra Lees: Matt eus 10:34-39 Teks: Genesis 22:2 Geloof beteken dat jy God, wat jy ken, ten volle vertrou. God se pad met jou gaan soms in ’n rigting wat jy nie wil hê nie. Moses en Paulus is hierin twee goeie voorbeelde. So gaan God nou met Abraham ’n pad wat hy sou wou vermy, dit is om sy seun Isak te gaan offer. Abraham kon seker voel dat God met hom ’n wrede pad stap. Dit is asof God die waar word van sy beloftes in Isak nou wil terugtrek. As hy vir Isak offer, is die belofte van God daarmee heen. God se belofte en God se opdrag staan hier teenoor mekaar. As dit in jou lewe gebeur het, sou dit vir jou ook die swaarste beproewing gewees het. Kan ’n mens daaronder staande bly? Abraham kon staan de bly omdat sy geloof eg en sterk was. Jy moet tot God bid vir ’n sterk en onwankelbare geloof. 64. God sal die lam voorsien Lees: Genesis 22:9-14 Teks: Genesis 22:14 Op Moriaberg is die altaar gebou, die hout reggemaak en Isak as die “offerdier” op die altaar vasgemaak (vs. 9). Nou moet die “offerdier” geslag word. Abraham se hand met die mes was al klaar in die lug toe God hom keer. God het Abraham se onvoorwaardelike geloof gesien. Toe gee God die offer soos Abraham gesê het, die skaapram wat in die bos vassit. Abraham se antwoord aan Isak oor die offerdier word waar. Hy noem die plek “op die berg van die Here word voorsien” (vs. 14). Dit tref ’n mens dat toe God se enigste Seun, Jesus Christus, aan die altaar van die kruis gehang het, was daar nie ’n offerdier om in sy plek te sterf nie. Christus sterf sélf om daarmee jou sondeskuld te betaal en jou sondestraf te dra en jou met die Vader te versoen tot in ewigheid. slingervel maart 2012 21
Page 2 and 3: in hierdie uitgawe ... 2 Die redakt
Page 4 and 5: Die ontstaan van die Bybel deur die
Page 6 and 7: Benoud staan Johan, Hanlie en Neels
Page 8 and 9: Tannie Rika du Plessis Kalbas en Sn
Page 10 and 11: Bybelleesrooster vir Mei Spreuke is
Page 12 and 13: dr. nico van der merwe 37. Hoe moet
Page 14 and 15: 1 verjaardaghoekie Die volgende Vel
Page 16 and 17: oom attie venter bakterieë, & kie
Page 18 and 19: DWARS 1. Die veld en alles daarop m
Page 22 and 23: tannie susan Wat kan ek lees? Dirks
Page 24: As ’n mens van die sterre hoor of

Die - CJBF

Create successful ePaper yourself

Delete template?

Save as template?