Die - CJBF

More documents

Recommendations

Info

dr. nico van der merwe 37. Hoe moet ek lewe? Lees in jou Bybel Filippense 1:27-30 (vs. 27) Omdat jy nog in die laerskool is, weet jy nie altyd wat die regte ding is om te doen nie. Terwyl ’n kind grootword, leer jy al meer en meer van die lewe. Dit is hoe jy agterkom op watter manier jy elke dag moet lewe. Soms is dit nodig om ’n voorbeeld te kry van wat gedoen moet word. As Mamma en Pappa soms instrumente vir die huis koop, is daar gewoonlik ’n pamfl et by wat sê hoe jy dit aan mekaar moet sit en hoe dit werk. Die Here het vir jou so ’n voorbeeld gegee as dit kom by jou godsdienstige lewe. In Filippense 1:27 hoor jy van dié voorbeeld. Die Here sê as jy wil weet hoe om as ’n kind van die Here te lewe, moet jy die Bybel gebruik. In die Bybel sê die Here vir jou wat nodig is. Daarom moet jy gereeld elke dag jou Bybel lees en baie goed oplet wat die Here van jou verwag. 39. Jy moet jou ou, vuil klere uitt rek Lees in jou Bybel Galasiërs 5:19-21 (vs. 21) As jy aan sport deelneem of sommer net lekker saam met jou maats speel, word jy vuil. As Mamma die huis skoonmaak of Pappa werk aan die kar, word hulle ook vuil. Daarom moet ’n mens daarna bad of stort sodat jou liggaam skoon is, en dan jy trek skoon klere aan. Dan voel en lyk jy baie beter. Die Here leer ons in die Bybel dat dit geestelik net so met jou gaan. Elke dag leef jy in ’n wêreld wat vol is van sonde en lelike dinge. Dan word jou hart, jou gedagtes en jou dade vuil. As jy só is, is jy nie vir die Here aanvaarbaar nie. Gelukkig het Jesus Christus gekom en jou van jou sonde gered. Daarom moet jy die ou, vuil en sondige dinge van die lewe “uittrek” en jy moet die verlossing soos skoon klere aantrek en dan soos ’n verloste kind van die Here lewe. God het dit vir jou gedoen, jy moet net gehoorsaam wees en Hom dien. 41. ’n Gelukkige huisgesin Lees in jou Bybel 2 Timoteus 3:14-17 (vs. 14) Iemand het dalk vir jou gesê jy moet soet en gehoorsaam wees dat jy ’n kindjie van die Here kan word. Iemand het dalk ook vir jou gesê dat jy gereeld die katkisasieklasse moet bywoon, gereeld en getrou jou katkisasie leerwerk moet voorberei sodat jy ’n kind van die Here kan word. En nou dink jy dat jy jouself ’n kind van die Here moet maak. Jy sê vir jouself: as ek soet en gehoorsaam is by die huis en die skool, en as ek gereeld my Bybel lees en bid, en as ek al my aandag aan die katkisasiewerk gee sal ek ’n kind van die Here word. Dis nie waar nie! Van jou geboorte af is jy ’n kind van die Here. Vra vir jou ouers om jou te vertel watter beloftes die Here aan jou gemaak het toe jy gedoop is. Toe het die Here vir jou gesê: “Jy is my kind!” Daarom moet jy geleer word om soos ’n kind van die Here te lewe. 38. Jy is ’n nuwe mens Lees in jou Bybel 2 Kor. 5:16-21 (vs. 17-18) Alle mense hou van nuwe dinge. Jy is ook so. Dink maar aan die begin van die jaar as jy vir die skool nuwe klere en nuwe boeke kry, of met jou verjaardag as jy nuwe geskenke kry. Dit maak ’n mens opgewonde. Alle dinge op aarde word oud. Mamma en Pappa koop ’n nuwe motor, maar na ’n paar jaar is dit oud en hulle moet weer ’n nuwe een koop. Die Here sê met jou as mens is dit net so. Omdat daar baie sonde in die lewe is, lewe die mense verkeerd. Maar God maak jou nuut! Omdat jy aan die Here Jesus behoort, kan die Here jou nuut maak, want Jesus neem die sonde weg en die Gees van God, wat in jou hart bly, neem die ou lelike dinge uit jou lewe weg en maak jou ’n splinternuwe mens. Dis nou jou plig en voorreg om soos ’n nuutgemaakte mens te lewe in gehoorsaamheid aan die Here. 40. Vryheid vra verantwoordelikheid Lees in jou Bybel 1 Petrus 2:11-17 (vs. 16) Jy weet baie goed dat as ’n hond met ’n ketting aan ’n paal vas is, kan hy nie loop en gaan waar hy wil nie, want hy is vasgemaak en is nie vry nie. As ’n misdadiger in die tronk is, het hy ook nie vryheid om te doen wat hy wil nie. As een land ’n ander land se mense slawe maak, is hulle nie meer vry nie. Sondige mense is ook nie vry nie, want hulle is slawe van Satan. As jy in jou sonde bly voortleef, is jy ook ’n slaaf van Satan en het jy nie vryheid nie. Omdat Christus aan die kruis vir jou sonde betaal het, het Hy jou van die slawerny van die sonde bevry. Petrus skryf dat jy jou vryheid moet gebruik om die Here te dien (vs. 16). Dit is jou opdrag as ’n verloste kind van die Here. Deur die Here elke dag te dien en aan Hom gehoorsaam te wees, is die lewe wat van jou verwag word, vry van die sonde. 42. Die Here ken jou op jou naam Lees in jou Bybel Jesaja 43:1-4 (vs. 1) Jy weet nou dat jy ’n kind van die Here is en nie ’n kind van die Here moet word nie. Net soos mammas en pappas ken die Here ook jou naam. Toe jy gedoop is, het die Here op jou naam vir jou gesê dat jy sy kind is. God sê deur die pen van Jesaja: “Ek het jou op jou naam geroep, jy is myne.” Daar is duisende der duisende mense en kinders wie se name jy nie ken nie. Daarom speel hulle nie ’n rol in jou lewe nie. Maar as jy iemand se naam ken en jy kan hom op sy naam noem, dan het die persoon betekenis in jou lewe. Dit is presies wat die Here hier vir jou sê. God sê dat Hy jou Vader in die hemel is, wat jou op jou naam ken. Op jou naam het Jesus Christus vir jou sondes betaal en op jou naam bly God se Gees in jou en help jou om soos ’n kind van die Here te lewe. Jy moet luister wat God hieroor vir jou sê. 12 slingervel l l maart 2012
43. God die Here slaap nooit nie Lees in jou Bybel Psalm 121:1-8 (vs. 3-4) Ons as mense moet elke 24 uur ten minste 6 tot 8 ure slaap. As kind slaap jy dalk ’n bietjie meer as 8 uur per nag. As ’n mens slaap, weet jy nie wat rondom jou aangaan nie. As jy slaap, kan mense in jou omgewing baie dinge aanvang. Ongelukkig is dit so dat die skelms, die boewe en die skurke al hulle bose dade die meeste in die nag verrig as mense slaap. Ek is seker jou ouers maak dubbeld seker dat julle huis beveilig is vir die nagte wanneer julle slaap. God kom sê vir ons in die Bybel dat die mens gereeld moet slaap, maar Hy, as ons ewige God, sluimer nie in nie en slaap nie. Dit gee aan ons die sekerheid dat God ons beskerm. Die grootste van alle skelms en skurke is Satan. Hom kan jy nie met aardse middele keer nie. Daarom keer God dat Satan elke gelowige kind nie van Hom afvallig maak nie. 45. Jesus het vir sondaars gekom Lees in jou Bybel Matt eus 9:9-13 (vs. 13) Een keer het 'n laerskoolseun vir my gesê dat hy nie dink die Here gee vir hom om nie, want hy is verskriklik stout. Hy weet dat hy baie stout is, maar hy sê dit is al manier waarop hy mense se aandag op hom kan trek. Hy weet God hou nie van stout kinders nie, daarom dink hy God wil niks met hom te doen hê nie. Jy moet onthou, daar is nie een mens op aarde wat nie in sonde leef nie. Dit is juis die rede hoekom Christus na die aarde gekom het. Hy het gekom om mense van die straf op die sonde te red. Jesus sê vir die Fariseërs in Matteus 9:12 dat Hy juis gekom het na die mense toe wat Hom nodig het, en dit is die sondaars. Nou weet jy dat die Here Jesus Christus ook vir jou na die aarde toe gekom het om aan die kruis vir jou sondeskuld te betaal. Jy moet vir Hom baie dankie sê daarvoor deur gehoorsaam te lewe. 47. Kinderlike sponsies en die Bybel Lees in jou Bybel Deut. 11:13-23 (vs. 19) Jy weet wat met ’n spons gebeur as jy dit in die water druk. Die spons suig water op en bêre dit binne-in hom. Dink aan jou sponsie waarmee jy jou in die bad was. Gee dit een druk en dit suig homself vol water. So ’n sponsie laat ons aan kinders dink. Net soos die spons, suig kinders kennis en lewensfeite in hulleself op. God het vir ouers geleer wat die belangrikste ding is wat kinders moet opsuig. Dit is die Woord van God. As jy met die Bybel in aanraking kom, suig jy dit wat God vir jou in die Bybel sê, op. Wat suig jy op in jou ouerhuis of by die skool? Wat suig jy op deur televisie te kyk en in die fl iek? As menslike “sponsie” moet jy die dinge van die Here opsuig saam met al die kennis wat jy inneem. Die kennis in die Bybel is die belangrikste en jy moet daaraan voorkeur gee. 44. God vergeet jou nooit nie Lees in jou Bybel Jesaja 49:14-18 (vs. 15-16) As daar ’n babatjie in ’n gesin is, moet hy in alle opsigte opgepas en versorg word. Op gereelde tye moet die baba kos kry. Sy doeke moet gereeld vervang word. Mamma moet die baba ook gereeld bad en skoon klere aantrek. ’n Mamma kan onder geen omstandighede van haar baba vergeet nie, want as dit gebeur is die babatjie in groot gevaar, want self kan die klein kindjie niks doen nie. In Jesaja 49 sê God dat ’n mamma nie haar baba vergeet nie (vs. 15). Maar as dit moet gebeur dat ’n vrou haar baba vergeet (“selfs al sou so iets kon gebeur”), “Ek sal jou nie vergeet nie”. Dit is God se belofte aan elke kind van Hom. Daar is nie een gelowige mens wat hoef te vrees dat God van hom sal vergeet nie. So, as dit met jou sleg gaan in die lewe en jy verduur baie hartseer, vergeet God jou nie en sal Hy jou help. 46. Jesus beteken vir jou baie Lees in jou Bybel Matt eus 26:6-13 (vs 8) Jy lees hier van ’n vrou wat ’n baie duur fl es met olie wat baie lekker ruik, op Jesus se kop gegooi het. Die dissipels het hulle vir die vrou vererg, want hulle dink dat sy baie geld gemors het. Hulle kon die baie duur fl essie met olie aan iemand verkoop het en dan kon hulle die geld geneem het om arm mense te help. Jesus sien dit heeltemal anders. Hy sê: “Sy het ’n goeie daad aan My gedoen.” Jesus sien dat Hy soveel vir hierdie vrou beteken dat sy nie gehuiwer het om Hom te vereer deur die duur olie op sy kop uit te gooi nie. Só baie het Jesus vir haar beteken. Hoeveel is Jesus vir jóú werd? Jy kan baie maklik ure voor die TV sit, maar jy het nie 5 minute om Bybel te lees en te bid nie. Jy kan ure aan sport afstaan, maar jy het nie ’n halfuur om katkisasie toe te gaan nie. Jy moet vir jouself sê wat Jesus vir jou beteken! 48. Om God alleen te dien, is die beste Lees in jou Bybel 2 Kronieke 12:1-12 Al was Rehabeam Salomo se seun, was hy baie goddeloos (vs. 14). Hy het dit sy doel gemaak om nie na die wil van die Here te vra nie. Hy wou nie God se raad verneem nie, maar het op homself en ander mense vertrou. Hy het ook afgo de aanbid. Die Here kon nie die sonde van Rehabeam en die volk sommer net so oorsien nie. God laat toe dat die Egiptenaars hulle land inval en oor hulle heers. Hulle het selfs die skatte van die tempel en die koning se paleis as buit weggeneem. God maak dit baie duidelik vir sy volk dat hulle Hom alleen moet dien. Hulle moet weet godsdiens is diens aan die enigste ware God wat Hom in die Bybel aan mense bekend maak. Dit is ’n waarheid wat vir alle mense van alle tye geld, dus ook vir jou. Wees versigtig as jy jou diens aan die Here afskeep of dalk nalaat. Luister na God en dien Hom in opregtheid. slingervel l l maart 2012 13
Page 2 and 3: in hierdie uitgawe ... 2 Die redakt
Page 4 and 5: Die ontstaan van die Bybel deur die
Page 6 and 7: Benoud staan Johan, Hanlie en Neels
Page 8 and 9: Tannie Rika du Plessis Kalbas en Sn
Page 10 and 11: Bybelleesrooster vir Mei Spreuke is
Page 14 and 15: 1 verjaardaghoekie Die volgende Vel
Page 16 and 17: oom attie venter bakterieë, & kie
Page 18 and 19: DWARS 1. Die veld en alles daarop m
Page 20 and 21: dr. nico van der merwe 49. Redding
Page 22 and 23: tannie susan Wat kan ek lees? Dirks
Page 24: As ’n mens van die sterre hoor of

Die - CJBF

Create successful ePaper yourself

Delete template?

Save as template?