You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
dr. nico van der merwe<br />
49. Redding uit die slawerny<br />
Lees: Eksodus 3:8a Teks: Psalm 105:1-22<br />
<strong>Die</strong> woord van belang in vers 8a is “bevry”. Om iemand te bevry, is<br />
om iemand uit ’n bedreiging te verlos. Vir Israel was die slawerny<br />
baie swaar en hulle het daaronder gely. God het nou besluit dat die<br />
oomblik van Israel se bevryding, verlossing aangebreek het. Letterlik<br />
staan daar in vers 8 dat die Here gaan kom om die Israeliete uit die<br />
hand van die Egiptenare te ruk. Daar sit iets in dat krag gebruik word<br />
vir hierdie daad. Uit die mag van Egipte weg te ruk!<br />
Israel was nie in staat om hulleself te red nie. Hulle kon hulleself<br />
nie van die slawerny verlos nie, net so min as wat jy vandag jouself<br />
van die sonde kan verlos. Om dit te kon doen, moes God na die<br />
aarde toe kom. God kom na ons toe nie in ’n brandende doringbos<br />
nie, maar Hy kom na ons toe in Christus, jou Verlosser.<br />
51. Hoe sal ons voor God verskyn?<br />
Lees: Eks. 19:1-25 & Ps. 43:1-5 Teks: Eks. 19:17a<br />
Israel het by Sinaiberg aangekom en kamp opgeslaan. God beveel<br />
dat die volk hulleself moet reinig voordat hulle voor Hom kom<br />
staan. “Toe het Moses hulle uit die kamp laat uitgaan om voor God<br />
te gaan verskyn” (vs. 17a). Let daarop dat Moses die volk gelei het.<br />
God het met Moses gepraat en Moses weer met die volk. Toe hulle<br />
gereed was, het Moses voor hulle uitgestap.<br />
<strong>Die</strong> vraag is, hoe sal ons voor God verskyn? Ons hoef ons nie<br />
ui terlik te reinig nie, maar innerlik moet ons gereed wees om God te<br />
ontmoet. Dit gebeur as die gemeente saamkom in die erediens. As<br />
hulle saamkom in die gebed. As gelowiges saamkom vir Bybelstudie.<br />
As sondige mense kom ons voor God te staan in Christus. Hy is ons<br />
Middelaar wat vir ons by die Vader ingetree het. Hy lei ons na God<br />
toe.<br />
53. ’n Altaar vir die Here<br />
Lees: Genesis 13:14-18 Teks: Genesis 13:18<br />
Lot is persoonlik die belangrike skakel in die besluite wat hy<br />
neem (Gen. 13:11). Abraham maak sy keuses uit God. Vir hom<br />
is God die belangrikste faset van sy besluite (vs. 18). Nadat Lot die<br />
Jordaanriviervallei gekies het om te gaan woon, vestig hy hom in die<br />
sondige Sodom (vs. 12). Abraham het tent opgeslaan by Hebron en<br />
die eerste ding wat hy daar doen, is om ’n altaar vir die Here te bou<br />
(vs. 18). Lot se lewensuitkyk word die sondige lewe van die mense in<br />
Sodom. Abraham se lewensuitkyk is gesetel in die altaar vir die Here.<br />
’n Lewe vanuit die altaar is ’n lewe volgens God se wil. Wat jou betref,<br />
is dit ’n lewe as Christentiener vanuit die Woord van God. As God se<br />
Woord die middelpunt van jou lewe is, sal dit ’n invloed uitoefen in<br />
alles wat jy beplan en besluit.<br />
55. God se verbond met Abraham<br />
Lees: Genesis 15:7-21 Teks: Genesis 15:18<br />
Abraham wonder wat van God se beloftes geword het. <strong>Die</strong> nageslagsbelofte<br />
en die landsbelofte. Jare het verbygegaan en hy het<br />
nog nie ’n nageslag nie of ’n eie land nie. God kom om sy verhouding<br />
met Abraham in ’n verbond vas te lê. Abraham moes diere middeldeur<br />
sny en die helftes teenoor mekaar op die grond neersit. Abraham glo<br />
dat God sal kom en met hom ’n verbond sluit. Dit is die hart van die<br />
Bybelse boodskap. Gód sluit met die mens sý verbond. God gaan<br />
tussen die stukke van die diere deur (vs. 17). Dit wys op genade én<br />
oordeel. God beloof sy trou en liefde en daarop moet die mens in die<br />
verbond met gehoorsaamheid antwoord. Toe jy gedoop is, het God<br />
gesê hy maak ’n verbond met jou. God gee genade. Jy moet daarop<br />
antwoord met gehoorsaamheid.<br />
50. Trek nie sonder God nie<br />
Lees: Eksodus 33:7-23 Teks: Eksodus 33:15<br />
<strong>Die</strong> begrip “wegtrek” of “optrek” kom 41 keer in die Ou Testament<br />
voor om die saak van bevryding aan te toon, meestal in verband<br />
met Kanaän. God het belowe om die volk uit die slawerny van Egipte<br />
te verlos en tot in Kanaän te lei, maar dan moet die volk deur geloof<br />
gehoorsaam wees aan God. Eksodus 32 vertel van Israel se sonde<br />
met die goue kalf. God sê toe vir Moses om die volk verder te laat<br />
trek Kanaän toe, maar God gaan nie meer saam met hulle nie, Hy sal<br />
’n engel gee om hulle te lei. Moses pleit by God dat as Hy nie saamgaan<br />
nie, hulle nie verder gaan trek nie.<br />
Het jy al gedink dat God, vanweë jou ongehoorsaamheid, nie<br />
met jou op jou lewenspad verder sal wil gaan nie? Bely jou sonde en<br />
bid om die teenwoordigheid van God se Gees.<br />
52. Van bitt er water na soet water<br />
Lees: Eksodus 15:22-27 Teks: Eks. 15:23a & 27a<br />
Met ’n volk wat deur die woestyn trek, kan dit die een oomblik<br />
goed gaan en die volgende oomblik weer sleg. <strong>Die</strong> een oomblik<br />
is daar voorspoed en die volgende oomblik ’n groot krisis. <strong>Die</strong><br />
lewe van elke mens het sulke dieptepunte en hoogtepunte. Israel<br />
het tydens hulle trek deur die woestyn dit telkens ervaar. Water is in<br />
die woestyn baie skaars. Israel kom by water, maar toe is die water<br />
bitter. Hulle noem die plek Mara (“bitterheid”). God maak die water<br />
drinkbaar deur Moses ’n stuk hout daarin te laat gooi. God toets die<br />
volk se geloof. Toe kom die volk by Elim aan met sy 12 fonteine en 70<br />
palmbome en kon hulle hul dors les.<br />
In tye van teenspoed en voorspoed moet elke gelowige op weg<br />
deur die woestyn van die lewe volkome op God vertrou en alles van<br />
Hom verwag.<br />
54. God se beskerming<br />
Lees: Gen. 15:1-21 & Jes. 41:8-14 Teks: Gen. 15:1<br />
Toe God Abraham beveel om uit Ur weg te trek na Kanaän (Gen.<br />
12:1), het Abraham deur die geloof onmiddellik God se opdrag<br />
uitgevoer. In dié proses het baie beproewinge oor Abraham gekom.<br />
Maar Abraham het voortgegaan deur die geloof en nie afgewyk van<br />
God se bevel nie. Hierin was God Abraham se Beskermer. Abraham<br />
glo dit wat God het gesê: “Moenie bang wees nie” (vs. 1). God sê dit<br />
nie vir Abraham op ’n veraf manier soos ’n radio wat iewers speel<br />
nie. God sê dit direk vir hom en daarmee bedoel die Here dit ook<br />
vir elke gelowige wat uit Abraham gebore is. Dit is ook jý, gedoopte<br />
verbondskind van God. God belowe aan sy uitverkore kinders sy<br />
beskerming. Niemand, nie eers Satan nie, kan jou uit die hande van<br />
God ruk nie.<br />
56. <strong>Die</strong> roofvoëls sak op die karkasse toe<br />
Lees: Psalm 103:1-18 Teks: Genesis 15:11<br />
Abraham hou wag by die diere wat hy middeldeur gesny het. <strong>Die</strong><br />
roofvoëls sak op die dooie diere toe, maar Abraham verjaag<br />
hulle. Abraham hou wag by die tekens van die verbond. In ons tyd is<br />
die tekens van die verbond die doop en die nagmaal. Omdat ons in ’n<br />
bose tyd lewe, waarin Satan die gelowiges van God afvallig wil maak,<br />
sal ons ook oor die tekens van die verbond moet waak.<br />
Wat jou as Christentiener betref, is die doop in jou lewe baie belangrik.<br />
Dit is die teken van jou verlossing in Christus. Ma en Pa sal ook<br />
moet waak oor die teken van die doop en daarmee saam die teken<br />
van die nagmaal. <strong>Die</strong> doop en die nagmaal moet vir die gelowiges<br />
só belangrik wees dat niks en niemand hulle kan wegneem nie. <strong>Die</strong><br />
teken van die doop is jou waarborg vir die verlossing.<br />
20 slingervel maart 2012