Slaaf 2 2010-2011 - Universiteit Gent

Madame Luna van Oostende en eur glazen bol
Wil je weten of daj de vent en/of vrouwe van je leven olgowwe got tegenkomn, oe da
et zit met jen werk of studies, ofdaj goe bezig ziet, ofdaj jen mentaliteit moe
veranderen,… Madame Luna van Oostende wit e ollemaal dankzij eur glazen bol.
Lees rap jen horoscoop en kom te weetn wukn lot da ip joen ligt te wachtn…
Besten Ram, joen herte is ip den dool en daarom kuj nie genoeg
aandacht geevn an olles en iedereen, mo je moe weetn da iemand in
jen vriendenkring joen steun nodig eeft. Omdat jen erte ip den dool
is, goat et op vlak van liefde ook nie zo goed. Je moet er een poar
dagen tussenut om alles eki op een reke te zetten. Kiekt eki in jen
verleden om hedendaagse diengn op te losn; kiekt woar dat et is
misgelopen en ton goan der al vele deurn voe je open goan.
Olles stoat int teken van (nieuwe) ontmoetingen. Je goat vele aandacht
kriegen en je goat ervan genietn. Je goat dan ook iemand tegenkomn,
woar daj constant got aan moeten denkn… waar daj verliefd ip goat
wordn. Tis wel aan te raden daj eki goat wandelen of joggen…
Beweging en buitenlucht goan je goed doen. Tkan zien daj e bikke
financiële problemen et, dus oed do rekening mee.
Cupido et vele pijln voe joen gereserveerd. Der goat niemand an je
kunnen weerstaan en daardeur go je joen vré goe voeln in jen vel. Je
goat peizn da nietnt of niemand joen kan doen plooin. Da is goed,
mor oed rekening met et feit da je nie olles aankan. Vele, mo nie
olles. Wees geweun voorbereid, moest er iet ergs gebeurn. Je ziet jen
vroegere milieu ebitje ontgroeid. Spreekt nog eki af met je moatn
van vroeger. Da goat je goe doen.
Jen relatie is e chaos, mo bewaart nog efkes je geduld voor daj et opgeeft.
Bezint e ki over jen relatie en zoekt ut an wa dat et ligt da et nie goe gaat.
Je et voor de moment gezelschap nodig rond je en aanvaard da gezelschap
dan ook, jen onafhankelijkheid goat nie int gedrang komn. Oj problemen
et, meug je ze nie negeren. Da helpt nie, want ip een of ander manier komt
et probleem altied terug. Ge meugt gerust ook om hulp vraagn, da is gin
schande. Tis schoon om voe jen tekortkomingen ut te komn
Liefste Leeuw, je pakt te veel hooi ip jen vork. Je moet beslisn om just
nog et hoognodige te doen, anders goj deraan kapot goan. Je moet
ebitje energie opdoen. Gaat eki rustig gaan wandelen, eet genoeg frut
en groensels, rust genoeg, … tgaat anders nie goed afloopn. Op vlak
van liefde goj midden in de roos schieten, met ebikke hulp van onzen
vriend Cupido. Spannende diengn stoan ip joen te wachten.
Je meugt er nie oltied van utgoan da iedereen dezelfste mening et
gelik gie. Tzoe soms eki tot botsingen kunnen leidn met andere
menschen. Der goan e poar veranderingen plaatsvindn, mo je moe
joen do nie op focusn. Focust je vooral ip je werk of je studies, want
ge ziet nie zo goed bezig ip da vlak. Je moet nog vele inhaaln. Je ziet
ook vele bizig met et verleden en je treurt er tevele om. Doe da nie.
Kiekt verder, kiekt int heden en in de toekomst, want je wit et
misschien nog nie, mor der stoan schoone dingn te wachtn ip je.
De Slaaf - academiejaar 2010-1011 - nr. 2 (december)
51