Rondom bestand van 2003 20-3 dd 17-8-10 - Atlantis

More documents

Recommendations

Info

"Plat ni-js" Wie vrogger zölf klompen edragen hef mut er maar is rustig bi-j goan zitten en lezen wat wi-j as warkgroep bi-j mekare harkt hebt over klompen. "Wat ku'j doar nou over vertellen" zu'j oe ofvroagen. Ja, een klomp is maar een klomp en d'r is gien gewoner veurwarp dan een klomp maar een klomp is in 't verleden zo verweven ewest met oons dagelijks bestoan ( en nog) dat wi-j besleuten een dialect-ode an de klomp te wijden! J. Luisman - de Jonge Gezegdes Dat ku 'j op de klompen wel anvulen Schrief 't maar onder de klompen (dat ku'j wel vergeten) Klompen uut dezölfde wilge (dezölfde karakters; breurs en zussen) Klompen alvaste noar 't bejoardenhuus sturen (oe op tied in loaten schrieven ) Doar wi 'k nog gien paar olde klompe hebben stoan ( argens niet willen wonen ) Nou brek mi-j de klomp! Din mut wat met de klomp veur 't gat hebben Alle holt is gien klompenhok Gien olde klompe weggooien veurda 'j ni-jen hebt As 't bord kepot is mu 'j uut 'n klomp etten (waarschuwing: veurzichtig met "potgoed") Hi-j hef 'n vel veur de kop as 'n klomp dikke Din hef hazenhoar in de klompe (die kan hard lopen) Dan kom ik in de klompe (-klemtoon op ik-dan neem ik moatregels) Hi-j stiet op zien recht as 'n boer op ziene klompe Klompenkarkie (name veur karkies woar de mensen vrogger op klompen hen gungen) Kom, ik goa mien klompen is wegbrengen (ik goa op huus an) 's oamds, veurdat ze noar bedde gung, eerst nog even de klumpies van heur kroost um te kieken of ze d'r allemoal waren. De klumpies stunden allemoale netties op de riege in de ziedegaank. "Ien paar klumpies, twie paar klumpies, drie paar klumpies, veer paar klumpies" klunk het dan, totdat ze ze alle zeum eteld had. Maar op een kwoade oamd telden zi-j maar zes paar klumpies. O, grote schrik, de klumpies van heur kleinste stunden d'r niet! Woar kun dat kearltien toch ween! Allemoale holpen ze met zuken totdat Sientie, de oldste, opiens reup: "Mu'j now is kommen kieken, oes klein Johannegie lig met de klumpies an in bedde!" Oeze Johannegie lig met de klompies aan in bedde Anekdote Zeuven paar klumpies Henny Reinders herinnert zich een toneelstuk-kie uut heur schoeljoaren: In Boalder worden de kinder het toneelspöllen met de papleppel in egötten. 't Zal ongeveer net noa 'n oorlog ewest hebben dat de kinder van de hoogste klasse een stukkie opvoerden met Sunterkloas en dat hietten: "Zeum paar klumpies" Het gung over een gezin woar de kinder zo trapsgewieze opgruiden. Moe telden Toen in 1905 de spoorlijn d'r lag, gung een olde veekoper veur 't eerste met de trein noar 7
de Zwolse markt. Hi-j begaf zich noar 't station in Maai'nbarg, kochten een kaartie en wachtten op de trein. Thuus deud e altied de klompen uut veurdat e de kokken in gunk dus uut macht der gewoonte leut e zien klompen op 't perron stoan en stapten in de trein. Bi-j 't uutstappen in Zwolle keek e verwonderd um zich hen en reup: "Woar bint miene klompen " Klompendaans In Gerrit van Faassen zien geheugen daanst nog van alles rond over klompen: Het gebeurden in 't leste van de oorlog. Alles was betuun ewörden en 't volt ok barre tegen um an goeie klompen te komen. Sommigen leuten ze maken van elzenholt. Dat waren slechte klompen, 't Holt was lange niet toai genog. In Lutten was een man, Jakob, die nog een paar ni-je klompen van elzenholt op reserve had stoan. Die had e bi-j Tromp in Oane loaten maken. In de zomer van '45 was e ze kwiet. Ze waren nargens te vinden. En umda'j d'r dan heilig van overtuugd bint da'j ze zölf niet weg emaakt hebt, kreg doar vake een aander de schuld van. D'r waren 's winters nogal wat trekkers an de deure ewest uut 't westen van 't laand (etenhaalders) en die kregen 't op de schuld. Ja, want doar zat van allerlei volk onder. De oorlog was verbi-j en de zomer ok. De eerappels waren ekrabd en mussen in de koele emaakt worden of ze kwamen terechte in 't eerappelkeldertie onder de beddestee. Oonze Jacob zal wel heel beteuterd ekeken hebben toen e doar in een hoekie zien elzen-holten klompen zag stoan! A'j de roef van de klompe hadden of een barste d'r in, kwamp er een baandtie umme. Die zatten op 'n kartonnen kaartie. Iezeren baand-ties met stikkels. Die worden eerst an iene kaante van de klompe met een Spiekertie vaste ezet en dan strak over de roef met die stikkels in 't holt vaste etimmerd en ie kunnen weer een hele poze vedan. Ie kunnen netuurlijk ok gewoon een stukkie dun iezerd-road gebruken. Dan mos ie eerst met een fien zagie (een toffelzagie of een kapzagie) een ondiep speurtie in de roef zagen woar dat iezerdroadtie net half in kun liggen. Ie kunnen het droadtie ok nog strak spannen met de leste schuun ingeslagen spieker. As een old boasie bi-j de winterdag wat um handen wol hebben, gung e doken maken veur onder de dakpannen, (bossies stro) Teglieke vlocht e dan ok wat strooien matties veur in de klompen. ( zgn strogies) Lekker warm an de voeten. (Ik doe d'r trouwens altied een stukkie vloerbedekking in. Even mit de kousevoeten op zo'n overgebleven stukkie tapijt en dan mit een viltstifte rondum de voete de moate ofteken. Dat giet gauwer dan zo'n stromattie en 't löp nog lekkerder.) As er veur een gezin meerdere paren klompen ekocht mussen worden in een aandere plase en de kinder zölf niet mee kunnen goan um te passen, dan worden d'r een meetlattie emaakt van een holtie of van een takkie uut de boom. Dan kocht ie in ieder geval klompen in de goeie moate. Luuksie Tegenwoordig he'j allerlei wapentuug maar vrogger worden ruzies vake met de klomp uut evöchten. Luuksie was zo'n vechtersbaas. As stille getugen lagen d'r dan noa schoeltied een bultie spoanders bi-j d'achterdeure. As zien va thuus kwaamp wus die wel weer hoe late of 't was. Marie vertelt In Banthem waren vrogger twee klompenmakers, Schuurman en Meijerink (en Lammers in Bruchte). Uut pöppels en wilgen worden de beste klompen emaakt. D'r was verschil in vrouwluuklompen en manluuklompen. Vrouwen hadden lege klompen met 'n leertie d'r over, ok wel tripklompen enuumd. Ie hadden klompen met puntige of stompe neuzen, ('t verschil worden ie gewaar a'j er een schup met onder 't gat kregen) In kinderklompies zaten opzied kleine gaties woar een blauw lintie of een veter deur kon die um de enkelties vaste emaakt worden. Zodra een kind kun lopen kreeg 't een paar klompies an. A'j een klompe kepot hadden dan gung ie noar de buren um te vroagen of zi-j nog een passende klomp veur oe hadden want iederiene 8
Page 1 and 2: 2003 20/3 RONDOM DEN HERDENBERGH Ti
Page 3 and 4: Groeten uit Hardenberg, een muursch
Page 5 and 6: de hij wel ambachtelijk met verf om
Page 7: Alsof hij met zijn penseel gedachte
Page 11 and 12: kindjes, Anneke en Janneke, dat war
Page 13 and 14: Baalder, J.H. Zweers Derkzoon: een
Page 15 and 16: cords, en kleur), steekzakken, duim
Page 17 and 18: De naam de Hessenkamp werd aan het
Page 19 and 20: Rectificatie In het vierde nummer v
Page 21 and 22: Expositie Van Riemsdijk Ons museum
Page 23 and 24: Dat het oude archief ook vele stukk
Page 25 and 26: lezen, die niet door het gemeentebe
Page 27 and 28: kwam hij enigszins tot bedaren en z
Page 29 and 30: voor negen guldens en drie gulden a
Page 31: Salland's Volksblad, derde kwartaal
Page 34 and 35: De tramremise van de D.SM. te Heems
Page 36 and 37: Tussen de boerderij van Veldsink en

Rondom bestand van 2003 20-3 dd 17-8-10 - Atlantis

Create successful ePaper yourself

Delete template?

Save as template?