NUUS_T1-April 2018

ROODIES ADVENTURE NIGHT RACE
Die eerste jaarlikse Roodies Night Race het Saterdag by
Gabbata Lodge plaasgevind. WOW! Wat ‘n wonderlike
opkoms van beide kinders en ouers. ‘n Ligte reënbui,
wat almal afgekoel het, het bygedra tot die avontuur. Die
wedloop het met ‘n oomblik van stilte vir wyle me Winnie
Mandela begin.
Met die geluid van die sirene was die opwinding in die
lug elektries. Die entoesiastiese hoërskoolleerders het al
langs die roete gesing en alle deelnemers aangemoedig.
Die bos, klippe en bokke het tot die avontuur bygedra.
Die eerste hoërskool seun en meisie-atlete was Blessings
Mandandara en Donae van Deventer. Die eerste
laerskool-atleet was, Armand Vivier wat dan ook algeheel
derde eindig. Baie geluk!
Na afloop van die wedloop is die honger, moeë atlete
en toeskouers na die kosstalletjies gelok. Die atmosfeer
was aansteeklik.
Ons hartlike dank aan alle deelnemers, toeskouers en
helpers asook Gabbata Lodge wat hul deure oop gemaak
het sodat Curro Roodeplaat ‘n wonderlike byeenkoms
kon aanbied.
NETBAL
Die netbalseisoen het op
‘n positiewe noot begin
met netbaloefeninge
asook ‘n netbalkamp
gedurende Februarie.
Ons het in kwartaal
1 ‘n paar vriendelike
netbalwedstryde gespeel
teen skole waarvan
Laerskool Wonderboom
en Laerskool Danie Malan
deel was. Hierdie was baie
goeie geleenthede vir die
dogters om die seisoen
mee te begin.
Ons ligawedstryde vind
plaas gedurende April tot
Junie (sien “Belangrike
datums”). Uitslae vir die
eerste ligawedstryde
gespeel op Dinsdag,
17 April teen Laerskool
Cullinan, is as volg:
o.10 A – (Gelyk) 6 - 6
o.10 B – (Verloor) 10 - 4
o.11 A – (Gelyk) 3 – 3
o.12 A – (Wen) 11 – 6
o.12 B – (Gelyk) 4 – 4
o.13 A – (Wen) 20 - 6
o.13 B – (Verloor) 16 – 8
APR 2018
PROUDLY DESIGNED BY SALES-SQUAD.COM 17