NUUS_K3-Sep 2018

KWARTAAL 3
NUUSBRIEF 09/18

INHOUDSOPGAWE
01 BOODSKAP UIT DIE KANTOOR pg 04
02 HOËRSKOOL GEBEURE pg 08
03 HOËRSKOOL SPORT pg 12
04 HOËRSKOOL KULTUUR pg 16
05 HOËRSKOOL BELANGRIKE DATUMS pg 18
06 LAERSKOOL TONEEL pg 20
08 LAERSKOOL SPORT pg 24
09 LAERSKOOL KULTUUR pg 28
10 LAERSKOOL BELANGRIKE DATUMS pg 32
11 CURRO CASTLE pg 34
12 BELANGRIKE DATUMS pg 36
13 CURRO CASTLE GALLERY pg 37
14 KONTAKBESONDERHEDE pg 38

BOODSKAP UIT DIE KANTOOR
“Be a buddy not a bully.”
SEPTEMBER 2018
MET TROTS AANGEBIED DEUR SALES-SQUAD.COM 4

01
SEPTEMBER 2018
MET TROTS AANGEBIED DEUR SALES-SQUAD.COM 5

BOODSKAP UIT DIE KANTOOR
Ons spandeer die maand van September met opleiding en gesprekke
met ons personeel en leerders rondom ons “anti bullying”- veldtog.
As aandeelhouers in die opvoeding van ons kinders, is ons trots op
hierdie veldtog. Ek nooi graag elke leerder en ouer uit wat hierdie tipe gedrag
beleef het, getuies was van sulke gedrag, of dalk self sulke gedrag openbaar
en hulp verlang, om met enige onderwyser te gesels.
Curro het tablette en e-leer vir die Intermediêre-, Senior- en VOO-fase
vanaf 2014 met gemengde suksesse geïmplementeer. Die meeste ouers en
leerders het hierdie nuwe tegnologie positief ervaar, alhoewel daar enkele
leerders is wat hardekopie handboeke verkies het. Vanaf 2019, sal Curro ’n
gemengde benadering volg met ’n kombinasie van hardekopie handboeke
en e-boeke. Ouers sal toegelaat word om hardekopie handboeke of steeds
die e-boeke, soos voorheen, aan te skaf. Let daarop dat leerders steeds ’n
elektroniese toestel gaan benodig, aangesien onderwysers steeds inhoud
(werkopdragte, notas ens.) slegs elektronies aan leerders se toestelle gaan
stuur. Daar sal geen harde kopie van enige werkkaart/nota vir enige leerder
gemaak word nie. Ek sal binnekort in ’n aparte skrywe die proses van hier af,
aan ons ouers en leerders verduidelik.
Ek bedank graag elke ouer, leerder en onderwyser vir jul toewyding en
harde werk gedurende die afgelope kwartaal. Ons was werklik geseënd met
uitsonderlike prestasies op alle terreine van ons skoollewe. Die onderskeie
hoofde sal in hul afdeling spesifiek hierna verwys. Ek verleen graag erkenning
aan ons hoërskoolleerders wat ure en ure se harde werk ter voorbereiding
van ons eerste pantomime ingesit het. Dit was werklik ‘n genotvolle aand
waarop ons elkeen baie trots kan wees. Ek is opreg dankbaar vir elke ouer en
leerder wat deelgeneem het aan die fondsinsameling met ons kaskardag. Dit
was weereens ‘n reuse sukses – ek sê bloot, BAIE DANKIE! Ek herinner ook
SEPTEMBER 2018
MET TROTS AANGEBIED DEUR SALES-SQUAD.COM 6

BOODSKAP UIT DIE KANTOOR
graag al ons ouers aan ons gholfdag wat deur ons OAK georganiseer word
en wat op 31 Oktober te Pebble Rock plaasvind. Ondersteun asseblief hierdie
inisiatief!
Kinderveiligheid het die afgelope paar weke die hoofopskrifte in die media
gehaal en ek deel die bekommernis van die gemeenskap oor hoe ons na ons
kinders omsien. Ons kontroleer en monitor ons sekuriteit op ’n gereelde basis
en wil daarom die volgende opnuut onder u aandag bring:
• Rapporteer asseblief enige verdagte gedrag deur enige persoon dadelik
by ontvangs.
• Maak seker dat u kind die skoolterrein veilig ingaan.
• Indien u, u kind voor die einde van die skooldag moet kom afhaal, moet
u asseblief by ontvangs aanmeld. U word nie toegelaat om na u kind se
registerklas te gaan om u kind self daar af te haal nie.
Baie geluk aan ons nuutverkose hoërskoolprefekte. Ons is bevoorreg om jul
as die 2019-leiers, wat ons na nuwe hoogtes sal lei, te hê.
Ek wens graag al ons families en onderwysers alles wat mooi is toe
gedurende die vakansie. Mag God u en u geliefdes ryklik seën! Ons gr.
12-personeel en -leerders gaan in die vakansie met ons lenteskool die laaste
voorbereidings doen met die oog op die komende eindeksamen – sterkte, julle
sal die vrugte gedurende jul laaste skooleksamen pluk!
Ferdi Niemand
SEPTEMBER 2018
MET TROTS AANGEBIED DEUR SALES-SQUAD.COM 7

HOËRSKOOL GEBEURE
Hou aan vra HOEKOM?
SEPTEMBER 2018
MET TROTS AANGEBIED DEUR SALES-SQUAD.COM 8

02
SEPTEMBER 2018 MET TROTS AANGEBIED DEUR SALES-SQUAD.COM 9

HOËRSKOOL GEBEURE
Die einde van die derde kwartaal
is in sig. Ons het egter nog ‘n
hele paar opwindende gebeure
wat voorlê.
Ons, as skool, kan die Here loof en
prys vir al die seëninge. Ons leerders
het ongelooflike groei in verskeie
velde getoon. As ek terugdink aan die
prefekvoorleggings en die prefekkamp
in vergeleke met verlede jaar, blyk dit ‘n
ander skool te wees. Die welsprekende
wyse waarop leerders in staat was om
hulle standpunte oor te dra, is werklik
noemenswaardig. Ons het daarin
geslaag om op demokratiese wyse
‘n prefekliggaam te verkies wat die
voortou in 2019 sal neem. Hulle het
verseker my stem. Ons as die Curro
Roodeplaat-familie moet hulle nou ten
volle ondersteun. Die stemproses deur
die prefekte om die leerders wat hul
gaan lei te verkies, is afgehandel. Dit sal
aangekondig word tydens die amptelike
prefekinhuldiging.
Akademies was dit ‘n makliker
kwartaal in teorie weens die feit dat die
kwartaal bestaan het uit minder streng
assesserings. Dit sal weerspieël word in
die rapporte wat aan die einde op die
laaste dag van die kwartaal sal uitgaan.
Neem egter kennis dat dit net van
toepassing op graad 8- tot 11-leerders
is. Die graad 12’s is ‘n heeltemal
ander saak. Die rekordeksamen is
tans besig om afgelê te word en die
leerderterugvoering is positief. Maar,
sien is glo en hulle rapporte sal na die
vakansie uitgedeel word aangesien
hulle tot aan die einde van die
kwartaal eksamen skryf. Lenteskool is
geskeduleer vir die vakansie en leerders
sal deur hulle vraestelle werk. So kan
tekortkominge geïdentifiseer word voor
hulle hul rapporte ontvang. Daarom
moet hierdie poging deur die personeel
benut word.
Baie dankie aan iedereen wat die graad
9-vakkeuse inligtingsaand bygewoon
het. Ons graad 10-leerders vertrek op
hulle jaarlikse Kompaskamp, waar hulle
hulself gaan ontdek en waar hulle ook die
regte pad vorentoe sal bepaal. Vandaar
die naam van die kamp. Gedurende
dieselfde week, sal ons graad 8- en
9-leerders op uitstappies gaan en ons
SEPTEMBER 2018
MET TROTS AANGEBIED DEUR SALES-SQUAD.COM 10

HOËRSKOOL GEBEURE
graad 11-leerders vir werkskadu.
Baie ure en harde werk loop uit in ons
eerste pantomime ooit en ons hoop
dat almal die opvoering van die jaar
sal bywoon. As die sukses van ons
kooroptrede en ons dramagroep se
Breyten en Blake enigsins iets is om
te gaan, beloof die pantomime om ‘n
bulderende sukses en ‘n ware viering
van kultuur, wat groei in statuur aan ons
skool, te wees. Gedurende die Pretoria
Eisteddfod Kunsprysuitdeling is Cailan
Bloys aangewys as die wenner in die
graad 10-kategorie: fotografie. Mieke
Bolhuis is in verskeie kategorieë as
wenner gekroon en ook aangewys as die
algehele wenner van die kunsafdeling
van die Pretoria Eisteddfod.
Sokker vir beide meisies en seuns,
krieket, landloop, bergfiets, skaak,
binnenshuise hokkie en gholf was die
sportaktiwiteite van die kwartaal. Bo en
behalwe dit is verskeie van ons seuns
besig met rugby- en krieketproewe vir
provinsiale kleure en verteenwoordiging.
Dit maak ons ongelooflik trots. Die punte
en refleksies sal in die sportafdeling van
die nuusbrief gekommunikeer word.
Ons het lentedag behoorlik gevier die jaar.
Ons het die dag afgeskop met die plant
van ‘n boom. Met groot opwinding het
die netbal gevolg, waar slegs die seuns
kon doele aanteken. Ons het voorwaar
ongelooflike talent ontdek. Hokkie en
raakrugby, met dieselfde tipe reëls, het
gevolg. Ons het toe aan beweeg na die
Chariots of Fire-wedren en die dag is met
ons lenteliedjie afgesluit. Al die vieringe
het in huisverband plaasgevind. Die
vraag bly egter – WIE HET GEWEN?
Ons matriekafskeid vind die laaste dag
van die kwartaal plaas. Ons wil graag
die hele gemeenskap uitnooi na die
aankomsparade en die rooitapyt om
17:00 by die skool. Kom kyk na die rokke
en motors voor ons matrieks vertrek na
hul geheime venue.
Soos ons die finale pylvak betree, wens
ek elkeen ‘n welverdiende ruskans toe.
Ek hoop u kom uitgerus terug sodat ons
2018 op ‘n hoogtepunt kan afsluit en die
fondasie kan begin lê vir 2019.
Pieter van Wyk
Head: High School
SEPTEMBER 2018
MET TROTS AANGEBIED DEUR SALES-SQUAD.COM 11

HOËRSKOOL SPORT
03
SEPTEMBER 2018
MET TROTS AANGEBIED DEUR SALES-SQUAD.COM 12

DOGTERSHOKKIE
Kwartaal drie het vir die hokkiedogters ‘n nuwe uitdaging gebring. Ons speel vir die
eerste keer in ‘n binnehuis hokkieliga. Die doel van die liga is om die dogters se
vaardighede te verskerp en hulle fiksheidsvlakke hoog te hou ter voorbereiding vir
volgende jaar se seisoen.
Die eerste wedstryde het op 29 Augustus 2018 by Hatfield Christian School
plaasgevind. Ons het begin met die junior span wat drie wedstryde van 2o min elk
gespeel het.
Die uitslae lyk soos volg:
• Wedstryd 1 – Curro Roodeplaat teen Hazeldean (3-1)
• Wedstryd 2 – Curro Roodeplaat teen Hatfield Christian School (0-3)
• Wedstryd 3 – Curro Roodeplaat teen Crawford College (2-0)
Die seniors het ‘n loslootjie gehad en sal in die opkomende week hul eerste
wedstryde begin speel.
Alhoewel hulle skrikerig was aan die begin, het hulle elke minuut geniet.
Sterkte met die opkomende wedstryde.
SOKKER
Sokker is steeds volstoom by die hoërskool aan die gang. Ons leerders het tot op
hede voldoen aan die verwagtinge wat ons van hul gehad het. Gedurende die seisoen
het ons teen strawwe kompetisie te staan gekom en steeds het ons leerders hul
opponente verras.
Die o/15 en 1ste span het vanaf die laaste nuusbrief te staan gekom teen Hatfield
Christian School en Curro Soshanguve. Die o/15 span het vir Hatfield Christian
School 2 – 1 gewen en teen Curro Soshanguve 2 – 2 gelykop gespeel. Die eerste
span het teen Hatfield Christian School 4 – 3 verloor en teen Curro Soshanguve het
hul 4 – 2 gewen.
SEPTEMBER 2018
MET TROTS AANGEBIED DEUR SALES-SQUAD.COM 13

SEPTEMBER 2018
MET TROTS AANGEBIED DEUR SALES-SQUAD.COM 14

KRIEKET
Kwartaal drie het vir die krieketseuns ‘n nuwe uitdaging gebring met die nuwe liga
waarin hul deelneem. Ons o/15 span sowel as die eerste span het tot op hede puik
prestasies behaal.
Tans is die o/15 span onoorwonne. Die uitslae vir die wedstryde wat al gespeel was
lyk as volg:
1ste span
Datum Teenstander Uitslae
13 Augustus 2018 Cullinan Wen met 52 lopies
20 Augustus 2018 Erasmus Verloor met 3 paailtjies
27 Augustus 2018 Silverton Wen met 10 paaltjies
3 September 2018 CBC Wen met 9 paailtjies
o/15
Datum Teenstander Venue
16 Augustus 2018 Lyttelton Manor A Wen met 140 lopies
23 Augustus 2018 Soshanguve A Wen met 43 lopies
30 Augustus 2018 FH Odendaal A Wen met 10 paaltjies
Sterkte met die opkomende wedstryde.
GAUTENG-SKAAKKAMPIOENSKAPPE
Saterdag, 18 Augustus het Curro Roodeplaat se o/15- en o/19-span aan die Distrik
1 finaal deelgeneem te laerskool Du Preez van Wyk in Bronkhorstspruit.
Kan jy jouself indink, hoe dit lyk as 50 spanne in een groot saal besig is om skaak te
speel? Die spannende stilte…
Ons o/15-span is aangewys as algehele wenners in die distrik, en ons o/19-span het
derde geëindig.
Die o/15-span is uitgenooi om deel te neem aan die Gauteng-kampioenskappe. Hierdie
uitnodiging is ʼn baie groot eer wat Roodeplaat toegeval het.
Saterdag, 25 Augustus is die Pretoria Skougronde omskep in ʼn skaakspelerparadys.
Die kompetisie het in die pluimbalsaal plaasgevind , maar buite het dit behoorlik
gegons soos spanne hulle strategieë bespreek, beplan en geoefen het.
Na elke ronde moes ons ʼn sterker opponent in die oë kyk. Curro Roodeplaat het in
die 4de rondte ongelukkig vasgeval.
Roodeplaat se o/15-span is nou 1st op die ranglys vir Distrik 1 en het 24ste geëindig
in die Gauteng kampioenskappe.
Welgedaan!
SEPTEMBER 2018
MET TROTS AANGEBIED DEUR SALES-SQUAD.COM 15

TSHWANE JEUGKUNSTEFEES:
Baie geluk aan die volgende
leerders wat besonders presteer
het tydens die Tshwane
Jeugkunstefees.
Calain Bloys is as graad
10-itemwenner in die
fotografiekatergorie aangewys.
Mieke Bolhuis is as graad
9-itemwenner aangewys in die
volgende afdelings:
• Skilderkuns
• Tekenkuns
• Keramiek
HOËRSKOOL
KULTUUR
Mieke is dan ook aangewys as
kategoriewenner vir hoërskole in
keramiek en ook aangewys as
algehele wenner, beeldendekunste:
hoërskool.
04
Ons is ongelooflik trots op albei van
julle.
SEPTEMBER 2018
MET TROTS AANGEBIED DEUR SALES-SQUAD.COM 16

SEPTEMBER 2018
MET TROTS AANGEBIED DEUR SALES-SQUAD.COM 17

HOËRSKOOL BELANGRIKE DATUMS
05 04
SEPTEMBER 2018
MET TROTS AANGEBIED DEUR SALES-SQUAD.COM 18

SEPTEMBER
SONDAG 16/09 Graad 10-Kompaskamp arriveer terug
VRYDAG 21/09 Rapporte graad 8-11 word uitgedeel
Skool sluit (10:00)
Matriekafskeid
WOENS-VRY 03/10-05/10 Graad 12-lenteskool
DINSDAG 09/10 Skool heropen
DONDERDAG 11/10 Bloedskenkdag 08:00-15:00
MAANDAG 15/10 Graad 12-Oueraand (18:00)
DINSDAG 16/10 Gala-aand: Sport en kultuur (19:00)
VRYDAG 19/10 Graad 12: Finale saalbyeenkoms
SEPTEMBER 2018
MET TROTS AANGEBIED DEUR SALES-SQUAD.COM 19

LAERSKOOL TONEEL
SEPTEMBER 2018
MET TROTS AANGEBIED DEUR SALES-SQUAD.COM 20

“Real success is a journey. We have
to approach it with a long-term mindset
”
– John Maxwell
06
SEPTEMBER 2018
MET TROTS AANGEBIED DEUR SALES-SQUAD.COM 21

LAERSKOOL TONEEL
Met dankbaarheid staan ons die einde van nog ‘n suksesvolle kwartaal.
As skool het ons so baie beleef en bereik in hierdie kort, maar bedrywige
derde kwartaal.
Ek bedank al ons deelnemers, afrigters en organiseerders van die eisteddfods,
kultuurweek, landloop, krieket, sokker, hokkie, tennis en ruitersport. Julle het van
hierdie kwartaal ‘n super-kwartaal gemaak! Sonder u as ouers se ondersteuning,
sou al hierdie bedrywighede onmoontlik gewees het. Ek is dankbaar teenoor u
elkeen!
‘n Suksesvolle kultuurweek is afgesluit op ‘n hoogtepunt met ‘n gala-aand waar
leerders geskitter het met hul vele talente. Dankie Roodies vir die oorgawe waarmee
jul die week aangepak het!
Ons boekweek (3-7 September) is afgeskop met ‘n lentepiekniek en boekuitstalling.
Baie dankie ook aan al ons leerders wat boeke geskenk het vir ons biblioteek-inwording!
Baie geluk aan die volgende vyf krieketspelers wat die skool verteenwoordig het
by die o.13 Big Bash-krieketweek te SuperSport park: Divan de Bruyn, Dirk van
der Hoff, Adam Cannata, Amogeleng Tshoagong en Jan-Lourens du Toit. Ons is
sommer baie trots op julle manne!
Maar dit is nie net die leerders wat besonder presteer nie. Mnr Glen Attwell het
ook die Roodie- vaandel trots laat wapper toe hy gekwalifiseer het vir die SAlandloopspan
wat op Saterdag, 8 September aan die nasionale kampioenskappe in
Port Elizabeth deelgeneem het. Trots Curro Roodeplaat!
SEPTEMBER 2018
MET TROTS AANGEBIED DEUR SALES-SQUAD.COM 22

Lente is in die lug….en ons eerste ma-en-dogter tee het lente op ‘n gepaste
manier verwelkom. Baie dankie aan elkeen wat van hierdie oggend ‘n besonderse
kuiergeleentheid gemaak het!
Ons jaarlikse fondsinsamelingsprojek – die kaskardag- is nog ‘n hoogtepunt op ons
kalender. Baie dankie aan elke leerder, ouer en opvoeder wat ook hier hul gewig
ingooi om van die projek ‘n reuse sukses te maak. Die totale bedrag ingesamel sal
aan u bekend gemaak word in die eerste nuusbrief van die vierde kwartaal.
Die skool sluit Vrydag, 21 September om 10:00. Alle leerders woon die eerste drie
akademiese periodes by en ontvang dan hul rapporte gedurende registerperiode
(09:30-10:00). Skool heropen weer op Dinsdag, 9 Oktober.
Belangrike datums vir die eerste twee weke van die nuwe kwartaal sal u in hierdie
nuusbrief vind.
Geniet die welverdiende blaaskans wat voorlê. My gebede gaan saam elke gesin
waar u ookal mag reis die vakansie.
Alta Theunissen
SEPTEMBER 2018
MET TROTS AANGEBIED DEUR SALES-SQUAD.COM 23

LAERSKOOL SPORT
SOKKERKAMP
Op Vrydag, 31 Augustus het die o.11 en
o.13 sokkerspanne na Camp Discovery vir
hul sokkerkamp vertrek. Met hul aankoms
het die seuns nie baie tyd gehad om hulself
tuis te maak nie, aangesien afrigting byna
onmiddellik begin het. Die voormalige Bafana
Bafana ster en Supersport United legend,
Phil Evans, het die afrigtingspan gelei. Na
‘n besige eerste dag het die seuns afgekoel
en ontspan met hul eie swembadpartytjie.
Die tweede dag het dou voor dag al begin
met ‘n spanstrategie-afrigtingsessie. Na
middagete het die seuns hul vrye tyd geniet
met ‘n baie opvoedkundige wildsrit. Die
middagsessie het afgeskop met die o.11 span
wat albei hul wedstryde teen Glenstantia A
en Glenstantia B gewen het. Die middag het
die o.13 span gevolg deur hul wedstryd teen
Prestige College Thornview te wen. Aan die
einde van die tweede dag het al die seuns
alreeds voor ligte uit aan die slaap geraak.
Sondag was daar ‘n finale afrigtingsessie
en ʼn prysuitdeling het daarna plaasgevind.
Tydens die prysuitdeling het Leaveill Ceylon
die MVP-toekenning vir die o.11’s gewen en
Tiisetso Hlokwe het die MVP-toekenning vir
die o.13 ouderdomsgroep gewen.
Baie dankie aan al die seuns wat die kamp
baie suksesvol en onvergeetlik gemaak het
vir almal.
TENNIS
Ons onder 13 seuns-tennisspan is aan
die brand. Hulle het tot dusver vyf uit
vyf wedstryde gewen. Die uitslae vir die
afgelope drie weke is as volg:
Laerskool Pierneef 32 – 23
Laerskool Villieria 41 – 14
Laerskool Voorpos 29 – 26
Ons is ongelooflik trots op julle.
LANDLOOP
Ons het vyf leerders gehad wat by
Hoërskool Eldoraigne deelgeneem het op
18 Augustus 2018. Alhoewel nie een van
hul gekwalifiseer het vir die SA-span nie
is ons nogsteeds baie trots op Kwetsima
Chabalala Gr 2, Armand Vivier Gr 3, Rosou
Rossouw Gr 3, Kristen Barry Gr 4 en Ethan
van Deventer Gr 6.
Curro Roodeplaat het wel ‘n SA-deelnemer
gehad…ons eie Mnr. Glen Attwell. Hy het
3de plek by die kampioenskappe behaal
en deurgedring na die SA kampioenskappe
wat op 8 September in Port Elizabeth
plaasgevind het.
SEPTEMBER 2018
MET TROTS AANGEBIED DEUR SALES-SQUAD.COM 24

07
SEPTEMBER 2018 MET TROTS AANGEBIED DEUR SALES-SQUAD.COM 25

07
SEPTEMBER 2018
MET TROTS AANGEBIED DEUR SALES-SQUAD.COM 26

LAERSKOOL SPORT
RUITERSPORT
Die laerskool se ruiterspan het besonder
goed gevaar hierdie jaar. Hulle is by die
Sanesa prysuitdeling wat Saterdag, 25
Augustus plaasgevind het, aangewys as
wenners van die Gauteng-Noord streek in
hulle liga. Baie geluk aan die span: Haylee
Duarte, Rashelle Duarte, Shakeira Lee-
Davies en Sulize Hillocks.
Haylee ontvang ook ‘n algehele 4de plek
vir die laerskool ruiters 2018, vlak 1-7.
Rashelle ontvang ‘n algehele 1ste plek
vir vlak 0 ruiters, asook die trofee vir die
beste ruiter van die jaar vir vlak 0.
Baie geluk, ons is trots op ons ruiterspan!
HOKKIE
Die hokkieseisoen is goed onderweg. Die
seuns en die meisies oefen baie hard vir
hulle wedstryde elke week en ons kan
die verbetering in hulle spel sien. Al die
spanne oefen op die astro by die hoërskool
en ons is trots om ook ons tuiswedstryde
daar te hou. Die meisieshokkiespanne het
nog twee wedstryde oor teen Laerskool
Bergsig en Laerskool Meyerspark en ons
is baie opgewonde om te sien hoe hulle
gaan speel. Die seunshokkiespanne
het ook twee wedstryde oor teen
Hatfield Christian School en Laerskool
Rooihuiskraal. Ons kan nie wag om hulle
te sien floreer op die veld nie. Sterkte vir
die res van die seisoen en hou aan om so
hard te oefen en te speel.
KRIEKET
Ons is besonders trots op die volgende seuns wat gekies is om deel te neem aan die Titans se
T20 Big Bash vir o.13 spanne: Divan de Bruyn, Dirk van der Hoff, Adam Cannata, Amogeleng
Tshoagong en Jan-Lourens du Toit. Dit is ’n besondere voorreg om krieket op SuperSport
Park te kan speel.
Ons uitslae vir die seisoen is soos volg:
Skool o.9 o.11 o.13
Eduplex Primary Verloor met 9 paaltjies Verloor met 2 paaltjies Verloor met 8 paaltjies
Southdown College Verloor met 174 lopies Verloor met 8 paaltjies Verloor met 32 lopies
Curro Thatchfield Wen met 84 lopies Wen met 100 lopies Wen met 157 lopies
Jacaranda College Verloor met 9 paaltjies Verloor met 4 paaltjies Geen wedstryd
Die Krans Wen met 7 paaltjies Verloor met 1 lopie Wen met 41 lopies
Laerskool Bergsig Verloor met 10 lopies Wen met 10 paaltjies Wen met 30 lopies
Maragon Moet nog speel Moet nog speel Wen met 29 lopies
SEPTEMBER 2018
MET TROTS AANGEBIED DEUR SALES-SQUAD.COM 27

08
SEPTEMBER 2018 MET TROTS AANGEBIED DEUR SALES-SQUAD.COM 28

LAERSKOOL KULTUUR
Kultuur het verseker in kwartaal 3 ’n hoogtepunt bereik. Daar was verskeie
geleenthede vir die leerders om aan deel te neem. Kultuurweek het vanaf 20 –
23 Augustus plaasgevind. Daar was verskeie werkswinkels in die middae vir die
leerders om by te woon, onder andere dans en drama. Op Maandag, 20 Augustus
het ons “graffiti in die vierkant” gehad. Die leerders het dit vreeslik baie geniet en
daar was vele pragtige kunswerke vir ons om te admireer. Die wenners van die
“graffiti in die vierkant” was:
• Graad 1-3: Naledi, Maxine, Rumby and Lesedi from Graad 1E
• Graad 4-6: Anrizel, Izette, Reynard and Donovan from Graad 6A
• Graad 7: Myralene, Daniele, Johané and Zandri from Graad 7A.
Baie geluk aan hierdie leerders! Baie dankie aan die betrokke personeel wat die
werkswinkels soveel pret vir die leerders gemaak het. Ons hoop dat ons aantal
deelnemers aan die kultuurweek volgende jaar sommer sal verdubbel en dat meer
hul talente sal ontwikkel!
Die Gala-aand was ook ‘n reuse sukses en ’n genotvolle aand gewees. Verskeie
talente is ten toon gestel - onder andere sing, dans, die speel van instrumente,
toneelspel en selfs ‘n paar grapjasse wat hul deurbraak kom maak het. Dit was
werklik ‘n spesiale aand om te onthou en ons wil net dankie sê aan elke leerder en
ouer vir hul betrokkenheid gedurende kultuurweek.
Gedurende die week van 3 – 7 September het Boekweek plaasgevind, waar
leerders ook boeke vir die skoolbiblioteek kon skenk. Baie dankie vir elkeen
se ondersteuning met hierdie projek. Op 3 September het ons ook ‘n heerlike
lentepiekniek geniet om die seisoenverandering te vier. Die leerders het uitgevat in
hul “civvies” gelyk en het dit baie geniet om hul piekniekmandjies met hul maats te
kon deel.
SEPTEMBER 2018
MET TROTS AANGEBIED DEUR SALES-SQUAD.COM 29

LAERSKOOL KULTUUR
MA-EN-DOGTER TEE
Die eerste jaarlikse Ma-en-dogter
tee het plaasgevind op Saterdag,
8 September. Dit was waarlik ’n
feestelike geleentheid. Al die mammas
en dogters was pragtig geklee in hul
lentedrag en party het selfs passende
om geld op skoonheidsprodukte te
bespaar. Baie dankie aan elke persoon
wat bygedra het tot die sukses van
hierdie heerlike oggend! Dankie aan
elke ma en dogter wat die oggend saam
met ons spandeer het. Ons sien uit na
volgende jaar se ma-en-dogter tee!
uitrustings gehad! Die vrolike lentegees
was verder aangehelp deur pragtige
dekor, smaaklike lenteblom-kolwyntjies
en ander versnapperings. Verskeie
bekende gaste het ons mammas en
dogters vermaak en toegespreek. Ryan
KLIEK HIER
Hammond en Angelique Allison van
Dancing with the Stars SA het almal op
die dansvloer gehad om die cha-cha aan
te leer. Kedidimetse Tswai, kroonwenner
van Mrs Africa Globe in 2017 het oor
innerlike en uiterlike skoonheid gesels
en was ‘n inspirasie om jouself mooi te
versorg. Sarsih Miskin, ‘n skoonheidsen-grimeerkunstenaar
het wenke en
grimeerkunsies gedeel asook slim idees
SEPTEMBER 2018
MET TROTS AANGEBIED DEUR SALES-SQUAD.COM 30

Guests of honour
Sarsih Miskin,Kedidimetse Tswai and Ryan Hammond
SEPTEMBER 2018
MET TROTS AANGEBIED DEUR SALES-SQUAD.COM 31

BELANGRIKE DATUMS
SEPTEMBER
15 September Mini-hokkie: Curro Roodeplaat
o.9 Krieket: Jacaranda College
20 September Kaskar
21 September Skool sluit (10:00)
KWARTAAL 4
OKTOBER
9 Oktober Skool heropen
11 Oktober Atletiek huissport
12 Oktober Graad 6-kamp
15 Oktober Fotodag: sport en kultuur
17 Oktober Oueraand
19 Oktober Swemgala
20 Oktober Run & Ride
24 Oktober Graad 1-konsert
26 Oktober Swemgala
30 Oktober Musiekdepartement: jaarkonsert
10
SEPTEMBER 2018
MET TROTS AANGEBIED DEUR SALES-SQUAD.COM 32

SEPTEMBER 2018
MET TROTS AANGEBIED DEUR SALES-SQUAD.COM 33

“Be kind to everyone
you meet. You do not
know if they have a
toddler at home”
SEPTEMBER 2018
MET TROTS AANGEBIED DEUR SALES-SQUAD.COM 34

CURRO CASTLE
Ons het die beste besoek nog
gehad vir die jaar. Baie baie
dankie aan Kaptein JP Marais
en sy hele span wat ons polisie so goed
verteenwoordig het. Julle is voorwaar
wonderlik en ons waardeer al julle moeite
en tyd om vir ons te kom leer en wys hoe
baie julle doen om ons land te dien.
Die Polisiemanne het dit so geniet om
te sien hoe ons kleuters soos polisie- en
brandweermanne aangetrek is. Julle as
ouers is die oulikste en oorspronklikste.
Kyk gerus in ons foto galery hoe baie julle
is.
het ons laat huppel van vreugde!
Ons nooi ook vir Leeuwfontein kleuterskool
uit na ons Poppekas vertoning op 14
September. Hulle is ons uitreik-maatjies
vir 2018. Enige ou, skoon kleertjies of
skoene wat julle wil skenk is welkom. Ons
gaan bokse verf, die klere daarin pak en
dan die einde van die jaar vir hulle aflaai.
Ons waardering lê diep in ons harte vir ’n
kwartaal vol nuwe herinneringe, baie leer,
lag en pret.
Geniet julle vakansie!
Op Vrydag, 24 Augustus het ons lenteblommetjies
gebak. Hier gaan defnitief ’n
paar Michelin-ster-sjefs nog ontwikkel. Dit
het heerlik geruik en net so lekker geproe.
Vriendelike groete,
Castle personeel
Ons Lentedag op 3 September was
11
te mooi. Daar was soveel blommetjiegesiggies,
lieweheersbesies en bye. Julle
SEPTEMBER 2018 MET TROTS AANGEBIED DEUR SALES-SQUAD.COM 35

BELANGRIKE DATUMS
14 September: Poppekas
21 September: Skool sluit @ 10:00
09 Oktober: Skool begin
12
SEPTEMBER 2018
MET TROTS AANGEBIED DEUR SALES-SQUAD.COM 36

CURRO CASTLE GALLERY
SEPTEMBER 2018
13
MET TROTS AANGEBIED DEUR SALES-SQUAD.COM 37

KONTAKBESONDERHEDE
Algemene Ontvangs:
087 287 2586
adminr@curro.co.za
Castle Ontvangs:
087 287 2586
adminr@curro.co.za
Laerskool Ontvangs:
087 287 2586
Charmaine.r1@curro.co.za
Hoërskool Ontvangs:
087 086 4544
Joelene.p01@curro.co.za
Sport:
Jacques van der Merwe
jacques.v1@curro.co.za
Bemarking:
087 287 2586
Rose.m6@curro.co.za
14
SEPTEMBER 2018
MET TROTS AANGEBIED DEUR SALES-SQUAD.COM 38

SEPTEMBER 2018
MET TROTS AANGEBIED DEUR SALES-SQUAD.COM 39