NUUS_T4-Nov_Des 2018

LAERSKOOL TONEEL
Eindeksamen is daardie tyd van die jaar
waarna mens uitsien omdat die einde van
die jaar in sig is (en dit afdraende see toe
beteken). Aan die anderkant beteken dit
ook min speeltyd en ure voor die boeke
deurbring. Sterkte aan al ons leerders met
hul finale eksamen vir 2018!
En so nader ons die einde van ‘n besige,
maar suksesvolle 2018 skooljaar…
Baie dankie dat ons regdeur die die
jaar op u knoppie kon druk vir hulp en
ondersteuning, wat ookal die aktiwiteit.
Sonder ouers soos u sou die suksesse nie
moontlik kon wees nie!
Let asseblief daarop dat ons ‘n normale
skooldag op Vrydag, 7 Desember volg.
Leerders moet reeds teen 07:45 by
die skool wees. Ons gaan ‘n amptelike
saalafsluiting hou, gevolg deur n
registerperiode waartydens leerders hul
rapporte sal ontvang. Reëlings vir die
eerste skooldag 2019 asook klasallokasie
sal by die rapporte ingesluit wees. Die
skool sal om 10:00 vir alle leerders sluit.
Ons groet dan ook die volgende
opvoeders en bedank hul vir hul bydrae
tot Curro Roodeplaat: Corlette Fernandez,
Taryn Krige, Amelia Zill en Delanie du Toit.
My gelukwense aan al ons leerders met
onderskeie toekennings op die gebied
van akademie, sport en kultuur. Ons
gelukwense ook aan die nuutverkose
leerderrraad vir 2019. Sien asb. die artikel
elders in hierdie uitgawe.
Baie dankie aan Stephanie Marais wat
ons leerders met ‘n helikopterlanding op
die rugbyveld verras het. Daarna kon die
leerders die binnekant van die helikopter
besigtig. Groot opgewondenheid het
geheers en sommer heelwat leerders wil
nou vlieëniers word!
Belangrike datums vir die eerste twee
weke van kwartaal 1, 2019 sal u ook in
hierdie uitgawe vind.
Let solank daarop dat die skool weer vir
leerders op Woensdag, 9 Januarie 2019
om 07:45 heropen.
Ek wens u en u gesin ‘n geseënde
feesseisoen toe. Mag u die liefde van
ons Hemelse Vader ervaar. Veilig reis en
geniet die vakansie saam met u geliefdes.
Alta Theunissen
NOV-DES 2018
MET TROTS AANGEBIED DEUR SALES-SQUAD.COM 19