last den ned her og les mer om NMS sitt engasjemnt - Det Norske ...

helsing frå leiinga
Perspektiv &
pågangsmot
Ei årsmelding ser tilbake på arbeidsåret
som ligg bak, og ved å lesa gjennom
denne innhaldsrike årsmeldinga vil den
som les få god informasjon om det
mangfaldige arbeidet NMS står i. Det
er å ønskja at vi i møte med dette store
og omfattande arbeidet kan henta både
inspirasjon og pågangsmot.
Som generalsekretæren peikar på i sin
rapport, har 2009 vore eit krevjande år
for NMS. Fleire store og vanskelege
saker har tatt mykje energi og fått stor
merksemd, og inntrykket kan lett bli at
NMS er ein organisasjon som slit. Eg
er glad for at årsmeldinga viser oss at
arbeidet vårt skapar vekst og utvikling,
og at vi får mykje igjen for det vi investerar
av arbeid, pengar og forbøn. Årsmeldinga
hjelper oss til å få perspektiv
på arbeidet vårt, og den er svært nyttig
i utforminga av NMS sitt vidare arbeid.
På mange måtar har 2009 vore eit
”nærsynt” år. Vi har hatt mykje fokus
på organisering av arbeid i Norge.
Det har vore eit nødvendig fokus
og vi er endå ikkje i hamn med
dette arbeidet. Det er likevel ingen
grunn til å sei at NMS er ein nær-
synt organisasjon. Alt vårt arbeid har
sitt fokus på det som er vårt hovedoppdrag
– i ord og handling formidla
evangeliet om Jesus Kristus, og å byggja
Guds kyrkje mellom stadig nye folk
og grupper. Det er dette som er vårt
kall, og det er til dette arbeidet vi skal
kalla og skapa forståing for mellom
kristne i kyrkje, bedehus og forsamlingar
i Norge.
Biskop Halvor Nordhaug sa det slik på
den ekstraordinære generalforsamlinga
i Bergen: – Dere i NMS må kalle oss til
å ta del i Guds misjon. En kirke som taper
misjonen, svikter sin Herre”. NMS
svarar: Ja, vi skal kalla. Vi skal framleis
formidla kallet slik vi har gjort det
sidan 1842! Og – vi sender
med dette kallet til
Den norske kyrkja
og til
tekst:
kari skår sørheim
landsstyreleiar
heile det norske kyrkje- bedehus- og
forsamlingslandskapet. For – ”Ei kyrkje
som taper misjonen, sviktar sin Herre!”
NMS vil både kalla og hjelpa kyrkjelydar,
grupper og foreiningar til å realisera
sitt misjonsansvar. Vi tenkjer at
dette er vårt kall og vår hovudoppgåve
for arbeidet i Norge. Vi treng framleis
vera nærsynte nok slik at vi kan ta vare
på våre gode støttespelarar, og til at vi
finn nye kanalar for vår misjonskallsformidling
mellom kristne i Norge. Med
færre ressursar ser vi at vi har ei utfordring
med å nå ut. Likevel, NMS har
mykje erfaring og stor kompetanse på
misjon, og vi vil med frimod både kalla
og invitera engasjerte til samarbeid!
Landsstyret takkar alle medarbeidarar,
tilsette og frivillige på alle nivå i NMS,
for stor innsats i eit krevjande år. Må
Gud gje styrke i kallet, og må hans
Ande leia oss til kreativ og god formidling
av dette livsviktige engasjementet
– for ”en kirke som taper misjonen,
svikter sin Herre!”
årbok - 2010 3