På norsk - For læreren - Cappelen Damm

Del 1
På norsk FØR
Bileta og illustrasjonane er ein god innfallsvinkel til å snakke om dei forskjellige
periodane. Øv elevane opp til å sjå på bilete og illustrasjonar som
ein viktig del av lesestrategiane i førlesefasen. Kunsthistorisk fagstoff for
læraren er derfor lagt foran i dei flest stoppa. I det kunsthistoriske stoffet
ligg også omtale av sentrale bilete.
Alle kopieringsoriginalar med nummererte spørsmål finst både på bokmål
og nynorsk. Kopieringsoriginalar med ekstra fagstoff for eleven er i den
målforma stoffet opphavleg er skreve.
Ressursstoffet til På norsk FØR er ordna etter dei same stoppa som læreboka.
• Alle stopp har fagartiklar om kunstepokane.
• Alle stopp har oppgåvestoff.
• Stopp 1, 2 og 3 har fagstoff om språk.
• Stopp 4, 5 og 6 har modellar for differensiert oppgåvestoff organisert
som ei såkalla «Læringstrapp».
• Stopp 7, 8, 9 har fagstoff om samansette tekstar: film, teikneseriar,
radio og tv.
• Stopp 10 har fagstoff om samisk språk og kultur. Aktuelt stoff og lenkjetilvisningar
på dette stoppet finst i hovudsak på nettsidene til verket.
I del 1 finn de også teksteksempel på skriftlege og samansette tekstar som
er relevante for kvart stopp, men som ikkje finst i På norsk LES 1. Dette har
vi gjort for at læreverket skal vere fleksibelt med høve til å velje når ein vil
arbeide med lærestoffet. Tekstane vil også finnast i På norsk LES 2.
FØR-BOKA
00
13