Samfunnsviteren 4/2003 - Samfunnsviterne
Samfunnsviteren 4/2003 - Samfunnsviterne
Samfunnsviteren 4/2003 - Samfunnsviterne
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Moderne<br />
sosialteori<br />
”Noko av det mest frustrerande for mange<br />
studentar innanfor samfunnsvitskap er dei<br />
mange tilnærmingane. Stadig ulike teorielement<br />
framstår som om dei skulle vere<br />
plasserte på eitt og same plan, men utan<br />
samband seg i mellom. Nærmast som øyar<br />
i eit hav. Det er berre gradvis at ein oppdagar<br />
at det er samanhengar som er avgjerande<br />
for å forstå samfunnsvitskapane sin dynamikk.”<br />
TEKST: BEATE HOMLONG, FORLAGSREDAKTØR FOR HISTORIE<br />
OG SAMFUNNSFAG I SAMLAGET<br />
Slik opnar den nye boka Dimensjonar i moderne sosialteori<br />
skriven av forfattartrioen Ole Brekke, Roar Høstaker<br />
og Thorvald Sirnes. Målet til forfattarane er å ta opp ein<br />
del teoretiske samanhengar, utdjupe dei og vidareutvikle dei.<br />
Dette vert gjort gjennom ein presentasjon og samanlikning av<br />
teoriane til fire av dei mest framståande sosialteoretikarane i vår<br />
tid: Pierre Bourdieu, Jürgen Habermas, Bruno Latour og Niklas<br />
Luhmann.<br />
Den normative diskursen<br />
Av dei fire er det utan tvil Habermas som har hatt størst<br />
innverknad i norsk samanheng. Denne innverknaden går heilt<br />
attende til positivismestriden på 1960-talet og ikkje minst boka<br />
Teori om kommunikativ handling frå 1984. Tanken om at mellommenneskelege<br />
kommunikasjonen gjev grunnlaget for ein felles<br />
normativ diskurs har hatt stor appell i mange intellektuelle krinsar.<br />
Denne normative diskursen står over forholda i økonomien og<br />
politikken som er prega av ytre manipulasjon.<br />
Dette synet har ikkje minst vorte utfordra av Luhmann og<br />
teorien hans om sjølvdannande sosiale system. Luhmann var<br />
sidan 1970 ein av dei fremste sosiologane i Tyskland, men er<br />
mindre kjend i Noreg. Dette kan kome av at han arbeidde i<br />
forlenginga av Talcott Parsons systemteori i ein periode då denne<br />
blei sterkt kritisert i Noreg. I følgje Luhmann er eit sosialt system<br />
kjenneteikna av at det er knytt til ein sosial funksjon og<br />
systemet tenderer mot å lukke seg kring seg sjølv i si eiga spesialiseringa.<br />
Normativ debatt om samfunnet blir difor ein diskurs<br />
blant mange og ikkje noko som har nokon førerang i samfunnet<br />
slik Habermas meiner. Dette inneber at det ikkje finst noko<br />
punkt der ein kan overskode heile samfunnet eller få ein felles<br />
debatt om det. Tvert om, Luhmann meiner det sosiale senteret<br />
har gått i oppløysing i løpet av dei siste to hundreåra.<br />
Både Luhmann og Habermas er konsekvente modernistar på<br />
Boknytt<br />
den måten at dei ser ein konsekvent utviklingslogikk i<br />
moderniteten. Her oppstår det ein interessant kontrast til både<br />
Bourdieu og Latour som på ulik vis er opptekne av kontinuiteten<br />
til tidlegare samfunnsformer. Bourdieu er ikkje minst kjend<br />
for studiane sine av den smaken til dei ulike sosiale klassane i<br />
Frankrike. Desse studiane har frå 1990-talet av, hatt mykje å seie<br />
for temaval og teoretisk innretting for mange studentar og forskarar<br />
innan samfunnsvitskapane i Noreg. Klasse var ikkje lenger<br />
berre knytt til lønsskilje og hierarkisk posisjon, men til smak.<br />
Smak var, på si side, ikkje lenger berre uttrykk for forbruk, men<br />
knytt til aktiv dyrking innan kulturelle institusjonar eller familien.<br />
Klasse fekk også ein horisontal dimensjon gjennom den<br />
kulturelle kapitalen, og utdanningsinstitusjonane fekk ein sentral<br />
posisjon i det å fordele individa til ulike livsbaner innan<br />
samfunnsstrukturen.<br />
Sosial-konstruktivistisk vitskapssosiologi<br />
Latour er mest kjend innan engelsk-språklege debattar som<br />
“sosial-konstruktivistisk” vitskapssosiolog med bøker som<br />
Laboratory Life (1979) og Science in Action (1987). Denne nemninga<br />
er nok misvisande ettersom Latour også vil gje gjenstandane eit<br />
ord med i laget, noko som inneber ei utfordring i høve til både<br />
Bourdieu, Habermas og Luhmann. Med boka Vi har aldri vært<br />
moderne (på norsk i 1996) tok Latour steget ut av vitskapsstudiane<br />
og over i ein allmenn kritikk av moderniteten. Her hevda han<br />
at den moderne måten å forstå tilværet på har skilt oss frå<br />
gjenstandane og naturen og kopla oss av frå den før-moderne<br />
eller “primitive” erfaringa. Dei sterke skilja mellom natur og<br />
kultur, objekt og subjekt, gjer at vi ikkje ser at vi er heilt avhengige<br />
av eit stille formidlingsarbeid der menneske og gjenstandar<br />
inngår i stadig meir kompliserte koplingar.<br />
Å forstå samfunnet<br />
Målet for forfattarane av boka Dimensjonar i moderne sosialteori, er<br />
i følgje dei sjølve å bidra til ein diskusjon om korleis ein kan<br />
forstå samfunnet. Underforstått her er at samfunnet er noko<br />
som kan tolkast og gjentolkast. Ved å samanlikne dei fire<br />
teoretikarane med kvarandre tvingar ein dei også til ein slags<br />
dialog med kvarandre. Ikkje for å avgjere kven av dei som har<br />
rett, men for å få fram kontrastar og for å<br />
kunne sjå problematikkane<br />
deira i eit nytt lys. Slik<br />
sett kan boka vere eit<br />
kjærkome og nyttig supplement,<br />
ikkje berre for<br />
studentar, men for alle<br />
som er opptekne av moderne<br />
samfunnsteori.<br />
Boka gir ein presentasjon<br />
og samanlikning av<br />
teoriane til fire av dei<br />
mest framståande<br />
sosialteoretikarane i vår<br />
tid: Pierre Bourdieu,<br />
Jürgen Habermas,<br />
Bruno Latour og Niklas<br />
Luhmann, Samlaget<br />
<strong>2003</strong>.<br />
21