Kommuneplanen sin handlingsdel - Fjell kommune

Døme på tiltak:
Utarbeide ein Frivilligplan samt styrka Fjell Frivilligsentral
Partnarskapsavtaler knytt til folkehelse og nærmiljøtiltak
Revidering av tilskotsordninga, auke rammetilskotet og betre bruk av tilskuddsportalen.no
Styrka Fjell idrettsråd - for å sikre demokratiserande prosessar i idretten.
Arbeid knytt til modell for drift av Fleirbrukshall og utvikling av Fjellmodell for alle
kommunale idrettsanlegg.
AktivFjell – e-planleggar for tildeling av treningstid i idrettshallar i Fjell
Bygdelag/grendalag/velforeiningar – behov for koordinering og tilføring av kompetanse –
samlingar og kurs. Forankre tiltaksinitiativ gjennom LivOGlyst-programmet.
Tiltaka har budsjetteffekt på om lag 1. mill.
4. Trafikksikring
Med grunnlag i handlingsprogrammet for perioden 2011-2015, gjorde kommunestyret vedtak om å
rullera trafikksikringsplanen i Fjell kommune. Trafikksikringsplanen 2013-2016/2020 er venta
ferdighandsama på nyåret 2013.
Trafikktryggleik er eit tema som vedkjem alle, og som mange er oppteken av, spesielt når det gjeld
barna sin skuleveg. Visjonen for trafikksikringsarbeidet i Fjell er: Ei ulukke er éi for mykje!
Med bakgrunn i visjonen er det formulert fire satsingsområde med tilhøyrande målsetjingar, som
kommunen skal ha eit særleg fokus på i planperioden:
Barn og unge: Auka tryggleiken for mjuke trafikantar
Ulukker: Redusera talet på personskadeulukker med 20 % i planperioden
Trafikantåtferd: Prioritera førebyggande og haldningsskapande arbeid
Arealplanlegging og utbygging: Trafikksikring skal bli teken i vare i all planlegging,
sakshandsaming, politiske vedtak og utbygging
I løpet av planprosessen har det til saman kome inn forslag til rundt 200 tiltak. Dei fleste av innspela
gjeld fysiske tiltak på vegnettet. Behovet for trygging av vegnettet er kostnadsestimert til rundt 500
millionar, og er svært mykje større enn kva det økonomiske handlingsrommet tillét kommunen å
utføra i planperioden.
I tillegg til prioritering av fysiske tiltak på vegnettet, skildrar handlingsplanen også organisatoriske
tiltak og førebyggjande og haldningsskapande tiltak som skal gjennomførast i planperioden.
Kommunen har stor påverknad på opplæring og det haldningsskapande arbeidet, og TS-planen
inneheld konkrete tiltak som skal gjennomførast i helsestasjonar, barnehagar og skular.
Kommunen si moglegheit til å påverka trafikkforholda ligg i stor grad i utforminga av utbyggingsstrukturen,
og det er viktig å samordna areal- og transportplanlegginga. Handlingsplanen inneheld
12