Kommuneplanen sin handlingsdel - Fjell kommune

Omsorgssjefen
Presentasjon av område
1. Pleie og omsorg i heimen
Kommunale pleie og omsorgstenester vert ytt til personar som bur i eigen heim ( inkludert tenester
til bebuarar i omsorgsbustader utan heildøgns bemanning.
Praktisk bistand/heimehjelp - er eit tilbod til dei som er heilt avhengig av hjelp for å utføre
praktiske gjeremål i heimen.
Heimesjukepleie - er tilsyn, pleie og medisinsk behandling i heimen i samband med
funksjonshemming eller sjukdom
Omsorgsløn - er løn til dei som yt særleg tyngande omsorgsarbeid i heimen som det ikkje er
teneleg eller mogleg for kommunen å utføre
Brukarstyrt personleg assistanse - er praktisk og personleg hjelp for menneske med nedsett
funksjonsevne. Det er brukar sjølv som bestemmer kven som skal være assistent og innan
tilmålt timetal frå kommunen i stor grad styrer hjelpa si sjølv.
Matlevering - eldre og funksjonshemma kan få tilkøyrd frosen middag frå Fjell sjukeheim x 1
pr veke ved behov
Tryggleiksalarm - alarm til eldre, menneske med nedsett funksjonsevne og andre som grunna
fysiske tilhøve ikkje sjølv kan tilkalle hjelp.
Palliativ teneste - tilbod til brukarar og pårørande som treng lindrande behandling, råd og
omsorg. Dette er eit tilbod som gjeld alle innbyggjarane i Fjell kommune.
Hukommelsesteam - tilbod om råd og rettleiing ved endring i hukommelse, utgreiing og
kartlegging.
I analyse gjort av Agenda Kaupang i 2011 finn ein at Fjell har den høgaste dekkingsgraden for
heimebaserte tenester samanlikna med nabokommunane og andre samanliknbare kommunar. Av
innbyggjarar 80+ mottok heile 41,4 % heimebaserte tenester. Samstundes har Fjell kommune dei
lågaste korrigerte driftsutgifter pr. mottakar av pleie og omsorgstenester ved denne samanlikninga.
Vi ser av nyare kostratal at Fjell har ein auke (i kroner) frå 152672 i 2010 - 161696 i 2011 i korrigerte
driftsutgifter pr. brukar. Dette viser at ein i stor grad har satsa på å byggje ut tilbod i heimen heller en
stor auke i institusjonsplassar.
2. Pleie og omsorg - sjukeheim
Direkte brukarretta tenester i samband med pleie og omsorg i institusjon, Fjell sjukeheim.
Korttidsplass - tidsavgrensa opphald for personar som har behov for rehabilitering,
habilitering, vurdering av hjelpebehov, medisinsk behandling eller omsorg ved livets slutt.
Avlastingsplass - tidsavgrensa opphald. Vert nytta til personar med store hjelpebehov som
avlasting for frivillige omsorgsytarar som til dømes ektefelle, born eller anna familie.
Lengre opphald - fast plass i institusjon for personar med stort behov for høg medisinsk
behandling utan teikn til betring eller personar med demenssjukdom.
Intermediær avdeling - tidsavgrensa opphald for personar som vert tidleg utskrevet frå
sjukehus og som får restbehandling og tidleg opptrening i kommunen
Øyeblikkeleg hjelp tilbod - tilbod til personar som treng høg grad av medisinsk behandling,
men som ikkje treng innlegging i sjukehus.
18