Kommuneplanen sin handlingsdel - Fjell kommune

3. Psykiatribustad
Fjell kommune har bygd omsorgsbustadar for menneske med psykiske lidingar. Det er behovsprøvd
og ein må søkje om plass på Fjell kommune sine søknadsskjema for heimetenester.
Tenesta har og eit ADL team med 2 årsverk som følgjer opp menneske med ulike psykiske lidingar.
Oppgåver er praktisk bistand og opplæring og opptrening av ferdigheiter innan dagleglivets
funksjonar.
4. Støttekontakt
Er ei teneste for menneske som ynskjer å koma seg ut av isolasjonen, og er særleg retta mot
fritidsaktivitetar.
5. Kommunepsykologtenesta
Kommunen har tre kommunepsykologar retta mot barn/unge og ein retta mot vaksne.
Gjer tilbod om psykisk helsehjelp til barn/unge og deira familiar. Arbeider også med utvikling innan
feltet psykisk helse i kommunehelsetenesta. Gir tilbod om konsultasjon, rådgiving, rettleiing og
kompetanseheving innan feltet psykisk helse barn og unge
Kommunepsykolog for vaksne arbeidar nært opp mot fastlegane med fokus på pasientar som har
angst og depresjonsliding.
6. Fysioterapi- og ergoterapitenesta inkl. hjelpemiddellager og terapibasseng
Ergoterapitenesta har 4 årsverk som skal hjelpe brukarane til å fungere optimalt i kvardagen når dei
har problem med å klare daglege gjeremål på grunn av sjukdom, skade eller anna
funksjonsnedsetting. Oppfølging av barn, vaksne og eldre i heimen og på institusjon.
Fysioterapitenesta er organisert i ein kommunal del som har 10 årsverk samt ein privat del. Privat
fysioterapi er i hovudsak knytt til fysikalske institutt som har inngått driftstilskot- avtale med
kommunen. Det er i dag inngått 5,25 avtaler.
Kommunale del av tenesta yter teneste – vurdering/behandling/trening bl.a. på institusjonar, til barn,
i heimen til vaksne/eldre som ikkje kan kome til fysikalsk institutt, samt har enkelt oppfølging og
gruppetrening i basseng.
Det er i dag lang ventetid for å komme til hjå dei private med driftsavtale. Spesielt er dette merkbart
for nyopererte som frå sjukehuset blir vist til kommunen for oppfølging/behandling. Auke i tal
operasjonar hjå offentlege og private sjukehus er ikkje teke høgde for i kommunens
fysioterapiteneste.
Tenesta omfattar også terapibasseng, samt kommunalt hjelpemiddellager med 2 årsverk for
ambulerande servicemedarbeidarar . Er ikkje teke høgd for i kommunens fysioterapiteneste.
26