Kommuneplanen sin handlingsdel - Fjell kommune

Endringane i dei fysiske arbeidsforhold ved at NAV-kontoret har ei meir open kontorløysing har vore
ein positiv bidragsytar i utvikling av nettverk på tvers av stat og kommune og på tvers av fagfelt.
Sjukefråværet er likevel høgare enn det vi sett pris på, og det er satt inn tiltak for å få dette redusert.
For å forbetra tenestekvaliteten i NAV Fjell og for å tilpassa tenestene til brukarane sitt behov, skal
NAV Fjell ha følgjande former for samhandling med brukarane:
• På individnivå: Nytte ein arbeidsmetodikk som er prega av aktiv brukarmedverknad slik at den
enkelte brukar i størst mogleg grad vert ansvarleggjort og gjeve sjansen til å medverke i sin eigen
sak. Aktivitetsplanar vert utarbeidd i samarbeid med brukar.
• På systemnivå: Gjennomføre årleg brukarundersøking etter mal frå NAV si brukarundersøking.
Resultat av brukarundersøking i 2012 viser at våre brukarar er meir fornøgd med oss samanlikna
med det som er gjennomsnitt i fylket.
Etter førespurnad deltek vi og i møte med brukarorganisasjonar, politiske utval og andre
samarbeidspartnarar for å gje informasjon og få tilbakemeldingar på tenesteytinga.
NAV Fjell skal opplevast som ei samla eining der stat og kommune tek felles ansvar med brukarane
sine behov som styrande. Vi skal syte for naudsynt koordinering innan kommunen og arbeids- og
velferdsforvaltninga og mot andre relevante tenester som brukaren treng.
Samarbeid på tvers er heilt naudsynt for å yte dei beste tenestene til innbyggjarane i kommunen.
Difor har NAV Fjell inngått forpliktande samarbeidsavtalar med kommunale tenester og statlege
spesialeiningar som er sentrale for å støtte opp om måla i reforma. I tillegg har vi og eit tett
samarbeid mellom nav-kontora i regionen, med felles leiarmøter, kompetanse- og utviklingstiltak.
NAV leiar sin sektor har mange utfordringar framover. Spesielt vil vi satse på fortsatt internt felles
tverrfagleg metode- og rutineutvikling for å sikre ”rett hjelp til rett tid”. Vi vil og halde fram med å
satse på utvikling av felles rapportering, resultat- og styringssystem på tvers av stat og kommune i
kontoret.
Vi vil satse på å betre bu evna til brukarar som fell ut av bustadmarknaden grunna samansette
problem. Vidare er dei ei hovud utfordring at omlag 25 som vi arbeidar med treng sin eigen bustad.
Av desse 25 utan bustad er det åtte som peikar seg ut, og som er i ein prekær situasjon med
rusproblematikk og samtidig psykisk sjukdom og utan at dei har eit permanent husvære.
Vi ser og behov for å vidareutvikle tiltaket «Muligheten» for å få aktivisert dei brukarane som ikkje er
klar for arbeidsmarknaden og sjølvforsørging. Vi vil i 2013 søkje FARVE midlar knytt til utviklinga av
tiltaket, der vi legg opp til ei forskningsbasert evaluering av tiltaket.
38