Kommuneplanen sin handlingsdel - Fjell kommune

6. Introduksjonsprogram for nye flyktningar
Introduksjonsprogram for nye flyktningeborn frå 6 – 16 føregår på innføringsklasser på Liljevatnet og
Tranevågen skular. For ungdom over 16 år som treng grunnskuleopplæring, får undervisningstilbodet
sitt på Fjell vaksenopplæring på Straume.
Målstruktur 2013-2016
OVERORDNA MÅL:
Skulen i Fjell har ein bærande økonomisk plattform som gjev rom for å driva og vidareutvikla skulen
etter lov og føreskrifter for tenesta.
RESULTATMÅL:
Netto driftsutgifter for skulen i Fjell ligg på nivå med samanliknande grupper på fylkes og landsnivå
innan 2016.
Skulesjefen viser til at Netto driftsutgifter for grunnskolen i Fjell låg for 2011 på 37,2% medan
utgiftene for samanliknande grupper på lands og fylkesplan låg på omlag 25%. For netto
driftsutgifter er det særleg utgiftene til undervisning som vert dominerande for alle kommunane.
Forklaringa på at Fjell har eit monaleg større uttak til skule kan langt på veg forklarast med ein
desentralisert skulestruktur, men ulike styrkingstiltak for undervisningstilbodet må også ta ein del av
ekstrakostnadane.
Tiltak:
Kommunestyret i Fjell har sett ned ei politisk arbeidsgruppe som skal utarbeide framlegg til
ny skulestruktur. Utvalet er i arbeid og det er venta at framlegg ligg føre våren 2013.
Med utgangspunkt i dei politiske styringssignala som ligg føre vil skulesjefen utarbeida plan
for reduksjon i driftsutgiftene slik at dei samla utgiftene til drift vert i samsvar med målsetjing
fram mot 2016.
Delmål 1: Eleven
Alle elevar i Fjell opplever skulen som ein plass der dei trivst og utviklar seg i tråd med eigne evner og
føresetnader både fagleg og sosialt.
Delmål 2: Læraren
I Fjell har vi lærarar som legg vekt på gode relasjonar til elevar og foreldre, og som driv undervisning
ut frå høg fagleg kompetanse og i dialog med den einskilde elev.
Delmål 3: Skuleleiinga
I Fjell har vi skuleleiing som legg vekt på gode relasjonar til tilsette, elevar og foreldre, og som driv
skulen ut frå høg fagleg kompetanse og i dialog med den einskilde medarbeidar.
16