Kommuneplanen sin handlingsdel - Fjell kommune

Sosialsjefen
Presentasjon av området
Sosialsjefen gjev tenester i høve Lov om helse og omsorgstenester ( ny lov frå 2012- lov om sosiale
tenester er no ein del av denne lova) og etter lov om barneverntenester. Tenestene femner bredt om
ei rekkje ulike støttetiltak til barn, unge og vaksne i heim og institusjon, skal også bidra til at trygge
oppvekstvilkår for barn og unge. Hjelpetiltaka skal vera individuelt tilpassa den enkelte brukar også
om tiltaka blir gitt som gruppetiltak. Tiltaka kan bli gjeve som avlasting, støttekontakt og ulike
fritidstiltak, familierettleiing, deltaking i ulike program, samt oppfølging av fosterheimar og adopsjon.
Konsultasjonsteam for vald og overgrep gjev rettleiing i forhold til saker/mistankar knytt til vald og
overgrep.
Ei overordna målsetting hos sosialsjefen er å gje rett teneste til rett tid. Eit ønskje er å vidareutvikle
solide og faglege forankra tenester for og saman med brukarar og deira Samhandling internt i
kommunen samt i eit regionalt perspektiv blir viktig. Støtte opp om arbeidet i prosjekta Basecamp,
Basecamp activ og Felles Ansvar er viktig.
Me ser ei auke i tal barn og unge som har særlege utfordringar i livet sitt, dette knytt opp imot
diagnosar. Tilbodet frå statlege organ som helse og Buf-etat forventar at kommunen tar eit større
ansvar enn det kommunen er førebudd på. Dette gjeld særleg tilrettelegging av bustader med
oppfølging, behov for tenester ettermiddag og kveld samt helgar og høytider.
1. Barneverntenesta
Barneverntenesta si hovudoppgåve er å sikre at barn som lever i omsorgssvikt får nødvendig hjelp og
omsorg til rett tid. Barneverntenesta har som førebyggjande oppgåve å forhindre
generasjonsoverføring av dårleg barneomsorg og forhindre at barn og unge som lever under forhold
som kan skade deira helse og utvikling får nødvendig hjelp.
Barneverntenesta skal føre tilsyn med fosterheimar i vår kommune, samt utarbeide sosialrapport ved
søknad om adopsjon.
Det skal vera eit særskilt prioritert arbeidsområde å følgje opp dei barna kommunen har overteke
omsorga for og forsikre seg at dei får tilpassa omsorg og hjelp ut i frå deira behov.
Barnegruppa:
Undersøke forhold på bakgrunn av en bekymringsmelding for barn i alderen 0-12 år og deira
familie.
I samarbeid med familien vurdere tiltak som kan skape nødvendige endringar til det beste for
barnet.
30