Sagbladet - Norsk Bygdesagforening

Organisasjonsnytt
www.sag.no
Frå NBF-NYTT til ”Sagbladet”
Nytt namn på bladet: NBF-Nytt har
skifta namn til Sagbladet. Styret
bestemte på styremøte den 24.
august NBF-Nytt blir historie og
etter forslag frå medlemmane
kallar bladet ”Sagbladet”. Saka
har vore oppe tidlegare utan at
det har blitt fatta vedtak, men i
samband med andre endringar
som logo og web-side var tida
inne. Håpar namnet vert teke i
bruk og at det fell i smak blant
våre lesarar!
Ny logo
I sist medlemsblad utlyste vi
konkurranse om utarbeiding av
ny logo. Styret fekk inn ein del forslag,
men har enno ikkje vedteke
kven av forslaga som vert vinnaren.
Vi vil presentere den nye
logoen i neste medlemsblad.
Kurs
NBF ønskjer å halde kursaktiviteten
på eit høgt nivå, og vi bed om at
medlemmar kjem med ønskjer om
kva type kurs dei har behov for.
Sorteringskurs: Sortering etter NS-
142 (visuell styrkesortering) vert
halde på Egge vidaregåande skule,
Steinkjer i løpet av november. Vi
kjem tilbake med dato og opplegg
i neste blad. Trøndelagsmedlemmane
vil få eige brev i posten.
Kurs i drift av sagbruk: Eit
generelt kurs som tek føre seg
heile prosessen frå tømmeret kjem
på sagtomta til planken er komen
i stabel. Vi skal arrangere dette
kurset i Akershus i løpet av
oktober/november. Medlemmar i
Oppland, Hedmark, Akershus, Oslo
og Østfold vil få eige brev om
kurset når detaljane er på plass.
Tremodulen er ein kursserie som
Norges Byggskole arrangerer. NBF
organiserer medan Byggskolen
held kursleiar. Vi håpar å få dette
kurset i gang i november i
Oppland. Dette kurset tek føre
seg: treteknologi, trevirke sine
eigenskapar, sortering, sagbruket,
tørking, høvling, tre som byggemateriale,
salsteknikk, leiing og
samarbeid m.m. Hedmark,
Oppland, Akershus og Buskerud vil
få brev i posten.
Ta kontakt med sekretariatet om
du vil delta på nokon av kursa og
ikkje er blant dei som får tilsendt
brev.
Alle desse 3 kursa går over 2
dagar. Prisen på kursa varierer
mellom 1500 og 2000 kr, pluss evt.
kost og losji.
Medlemsstatistikk
Medlemstalet er litt synkande,
men vi håpar enno på at ein del
av dykk som har fått giro i posten
kjem til å betale. Vi har i år 22 nye
medlemmar og vi håpar sjølvsagt
på fleire.
Minner om den store vervekampanjen
med premie som vi har
gåande. Premien er gratis opphald
årsmøtehelga. Ein verdi på nær
3000 kr.!
Neste styremøte
Styret skal møtast til fysisk styremøte
den 23. oktober i samband
med konferansen ”Tre for Fremtiden”.
Program for konferansen
er med lenger bak i bladet.
Kanskje vi treffast der
Prosjektet ”Tradisjonsbasert
Trevirke”
Framdrifta i prosjektet har ikkje
vore rask nok etter dei første
målsetningane, men i haust skal vi
kome i mål. Det som har blitt gjort
gjennom prosjektet er at vi har
fått nye nettsider www.sag.no der
vi har lagt inn dei produkta som
medlemmane våre produserer.
Vidare har vi brukt Trefokus
og deira nettsider til å legge
ut informasjon om tradisjonell
bruk av tre. Roar Flatland i Skogselskapet
i Aust-Agder har vore
prosjektleiar medan NBF har vore
prosjekteigar. Det som gjenstår
er produksjon av ein foldar der
vi samlar vesentleg informasjon
og viser til informasjonskanalar
innanfor temaet Tre og Tradisjon.
Neste møte i styringsgruppa er sett
til 6. september.
Årsmøte i Ålesund
Sett av 1. helga i februar til årsmøte
i Ålesund. Vi kjem tilbake til
program, men styret har bestemt
at det også i år vil verte fagdag på
fredagen og årsmøte på laurdagen.
Vi har fått inn tilbod frå
dei 4 aktuelle hotella i Ålesund,
men enno ikkje tatt avgjerda om
kven av dei vi skal velje.
Straumavtale
I vår arbeidde styret og dagleg
leiar med å prøve å skaffe våre
medlemmar ei gunstig straumavtale.
Dette har vi dessverre
måtte legge på is for ei stund då
dette er et svært komplisert system
å orientere seg i. Forutsetningane
endrar seg frå time til time og her
er mange ulike avtalar å velje
mellom. Avhengig av kva risiko ein
kan leve med. Kvar enkelt medlem
må difor ta denne avgjerda.
Norsk Bygdesagforening vil framover
prøve å informere om det
som skjer i denne marknaden og la
kvar enkelt ta avgjerder ut frå det.
Straumprisane gjer oppgåva enda
meir aktuell enn før og det er
grunn til å legge ressursar i
nettopp denne problematikken.
Det ligg mykje informasjon om
straum/straumprisar bl.a. på
Norges Vassdrags- og Energidirektorat
sine sider, www.nve.no.
Ny fylkeskontakt i Akershus
og Hedmark
Etter at Thomas Øvrum har sagt
frå seg vervet som fylkeskontakt
i Akershus har vi fått på plass
ein ny mann med namnet, Roar
Sørgård frå Hurdalen. Roar
Sørgård reiser rundt med ei
mobilsag i Hurdal og området
omkring.
Vi takkar Thomas for innsatsen og
ønskjer Roar velkomen som fylkeskontakt
i Norsk Bygdesagforening.
4
Forum for norske bygdesager