You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Kortast sakshandsamingstid<br />
Sunnmøre tingrett er den tingretten<br />
som har kortast sakshandsamingstid<br />
i sivile saker.<br />
Her tek det i gjennomsnitt 3,9<br />
månader, eller kring 117 dagar,<br />
frå ei sak kjem inn, til ho er avslutta.<br />
Rask fastsetjing av tid for<br />
både rettsmekling og hovudforhandling<br />
er eit grep dei brukar<br />
for å få det til.<br />
Av Iwar Arnstad<br />
Sjølv om sakene i gjennomsnitt tok 12 dagar<br />
lengre å handsame i 2015 enn året før, har<br />
Sunnmøre tingrett den kortaste sakshandsamingstida<br />
for vanlege sivile saker i landet.<br />
For landet som heilskap tok det gjennomsnittleg<br />
5,9 månader å handsame tvistesaker.<br />
Alle dei fire siste åra har Sunnmøre<br />
tingrett klart å liggje på under fire månader.<br />
Då er det naturleg å spørje sorenskrivar<br />
Kirsti Bjørneseth om dei gjer noko vesentleg<br />
annleis enn andre.<br />
– Eg trur ikkje vi gjer noko spesielt som<br />
ikkje andre domstolar gjer. Dersom ein<br />
unngår at sakene ikkje blir for gamle, blir dei<br />
gjerne mindre omfangsrike.<br />
Korleis har de organisert arbeidet med å<br />
handsame sivile saker?<br />
– Sorenskrivaren fordeler sakene. Vi forsøkjer<br />
generelt å fordele etter tur, men det<br />
blir også teke omsyn til kapasiteten til dommaren<br />
opp mot dei fastsette måltala domstolen<br />
har for saksavvikling på ulike fagområde.<br />
Er det hastesaker og enkelte dommarar er<br />
meir opptekne enn andre, blir det sjølvsagt<br />
teke omsyn til det ved fordeling.<br />
– Vi har også som praksis å passe på at<br />
mengda saker for den enkelte ikkje blir for<br />
stor i forhold til nivået hos dei andre. Ingen<br />
saker er like, og dommarane er heller ikkje<br />
like når det gjeld avvikling av saker. Dommarane<br />
hos oss er også flinke til å bytte saker<br />
dersom det er tenleg. Vi strekkjer oss langt<br />
for å unngå endring av den fastsette tida på<br />
grunn av interne forhold.<br />
Gjer de nokre spesielle grep i den saksførebuande<br />
fasen?<br />
– Vi er opptekne av rettsmekling og at partane<br />
er førebudde på at dette blir teke opp i planmøte.<br />
Det blir fastsett tid for både rettsmekling<br />
og hovudforhandling i planmøte.<br />
Har de noka form for spesialisering?<br />
– Vi har over fleire år drive med spesialisering.<br />
Dette gjeld mellom anna innanfor<br />
barnevern, småkrav, entreprise, skjønn og<br />
rettsmekling. På fleire av desse områda<br />
opplever vi både at vi får betre kompetanse og<br />
meir effektiv avvikling av saker.<br />
– Når det gjeld rettsmekling, prøver vi å<br />
fastsetje tidspunkt for hovudforhandling så<br />
snart som mogleg etter tilsvar. Samtidig er vi<br />
medvitne om at det bør gå minst ein månad<br />
frå rettsmekling til hovudforhandling. Av dei<br />
sakene som blir rettsmekla, blir det oftast<br />
forlik. På denne måten prøver vi å få nye saker<br />
inn på ledige datoar etter at hovudforhandlinga<br />
har falle bort.<br />
Har de mange saker som er knytte til maritim<br />
sektor? Er de påverka av nedskjeringane<br />
innanfor petroleumssektoren?<br />
– Vi har registert fleire nedbemanningssaker,<br />
og desse blir gjerne løyste ved rettsmekling.<br />
Er det framleis betringspotensial?<br />
– Absolutt. Med endå større fleksibilitet og<br />
kryssfastsetjing av tida for sakene ville vi<br />
kunne oppnå endå betre og jamnare arbeidsbelastning.<br />
Sjølv om vi prøver å avgrense<br />
talet på rettsdagar i kvar enkelt sak, kunne vi<br />
kanskje vore betre her.<br />
Noko anna du vil framheve?<br />
– Nei, men det er viktig at ein alltid har<br />
«handa på rattet» når det gjeld saksavvikling.<br />
God saksavvikling skal likevel ikkje gå utover<br />
kvalitetsarbeidet, men vere ein del av det.<br />
I Rett på sak 1/2016 var det ein tabell<br />
over dei tingrettane som hadde kortast<br />
sakshandsamingstid i 2016. Der hadde<br />
Sunnmøre tingrett ikkje kome med på sivile<br />
saker. Det hadde heller ikkje Nord-Østerdal<br />
tingrett på straffesaker, som for meddomsrettsaker<br />
hadde eit snitt på 0,9 månader –<br />
kortast i landet. Rett på sak beklagar feilen.<br />
Vi gjer også lesarane merksame på at Oslo<br />
byfogdembete og Brønnøy tingrett ikkje var<br />
med i samanstillinga på grunn av ein annan<br />
saksportefølje.<br />
Sunnmøre tingrett har den kortaste sakshandsamingstida i landet for sivile saker. I gjennomsnitt<br />
tek det 3,9 månader å få handsama ei sak. For straffesaker med meddomsrett er<br />
det Nord-Østerdal tingrett som er raskast, med 0,9 månaders gjennomsnittleg sakshandsamingstid.<br />
13