12 árbores - Medio Rural - Xunta de Galicia

MAGNOLIA GRANDIFLORA DO PAZO DE SANTA CRUZ
O tronco, coa base engrosada pola presenza de contrafortes cilíndricos, non se ramifica ata unha altura de 4,60
m, onde nace unha gran primeira rama, xa que este exemplar non amosa unha verdadeira cruz, senón que a copa
se vai formando pola sucesión de pólas que saen ao longo do fuste, tipo de ramificación pouco frecuente nas
magnolias.
A copa é irregular, pola forte competencia á que está sometida, e mestúrase coa dun eleagno, non menos monumental
que a propia magnolia, que comeza a medrar a poucos metros da súa base e gabea ata o alto da súa copa, formando
ambas árbores un curioso conxunto de gran fermosura.
Nome común: Magnolia Grandiflora do Pazo
de Santa Cruz
Nome científico: Magnolia grandiflora L.
Provincia: A Coruña
Concello: Vedra
Parroquia: Ortigueira
Lugar: Pazo de Santa Cruz de Ribadulla
GALICIA
Altura: 24,70 m
Perímetro normal: 4,76 m
Diámetro de copa: 16,40 m
Idade estimada: 150-200 anos

METASEQUOIA DO PAZO DE LOURIZÁN
A metasequoia é unha árbore caducifolia do grupo das coníferas con gran valor científico, considérase un fósil
vivente, e ornamental, pois as súas follas, aciculares e subdísticas, vístense de fermosas cores antes de caer, amarela
primeiro e parda avermellada máis tarde. As sementes fórmase nun cono leñoso.
Esta especie considerouse extinguida ata o ano 1941, cando se atopou vivindo no surleste da China. Polo tanto é
moi rara a presenza en Europa de exemplares con máis de medio século de vida. A idade, maxestosidade,
dendrometría e excelente arquitectuta converten a metasecuoia de Lourizán nun exemplar único.
O tronco, monopódico, non perde a verticalidade en ningún momento, acadando unha altura de 33,20 m. A casca,
de cor parda-avermellada, despréndese tardamente en finas tiras. O fuste ramifícase a partir de 5 m de altura,
dispoñéndose as pólas arredor do tronco, de forma radial, reducindo a súa lonxitude coa altura para configurar
unha copa cónica espectacular.
O seu gran vigor e situación na que se atopa permítenlle liberarse da competencia de outros exemplares arbóreos
plantados nas proximidades.
Nome común: Metasequoia do Pazo de Lourizán
Nome científico: Metasequoia glyptostroboides
H. Hu. & Cheng
Provincia: Pontevedra
Concello: Pontevedra
Parroquia: Lourizán
Lugar: Pazo de Lourizán
GALICIA
Altura: 33,20 m
Perímetro normal: 2,54 m
Diámetro de copa: 11,80 m
Idade estimada: 40-60 anos

METROSIDEROS EXCELSO DO XARDÍN DA TORRE DE ANDRADE
O metrosideros excelso é unha fermosa e corpulenta árbore sempre verde orixinaria de Nova Zelandia. As súas
follas son opostas, de cor verde grisácea pola face e tomentosas e abrancazadas polo envés. A floración é espectacular,
pois as flores amosan numerosos estames de cor vermella. Froito seco capsular. Cultívase como planta de adorno
en parques e xardíns, tolerando a proximidade do mar.
O metrosideros da Torre de Andrade medra sobre un dos valados que separan as distinatas zonas destes xardíns.
O tronco, a pesar de crecer en desnivel, érguese bastante vertical.
A 2,80 m de altura sobre do chan comeza a ramificarse, amosando as ramas as raíces aéreas adventicias características
desta especie, formando unha copa bastante globosa, case regular e de grandes dimensións, pois acada un diametro
de máis de 16 m.
Nome común: Metrosideros Excelso do Xardín da Torre de
Andrade
Nome científico: Metrosideros excelsus Soland. ex Gaernt.
Provincia: A Coruña
Concello: Pontedeume
Parroquia: Pontedeume
Lugar: Xardín da Torre de Andrade
GALICIA
Altura: 25,00 m
Perímetro normal: 5,45 m
Diámetro de copa: 16,50 m
Idade estimada: 100 anos

METROSIDEROS EXCELSO DO XARDÍN DA POLICÍA LOCAL DA CORUÑA
Aínda que non dispón de suficiente espazo para manifestarse en toda a súa potencialidade, este exemplar ofrécenos
a excelente arquitectura propia das árbores da súa especie.
O tronco ramifícase case desde a base en 4 grandes brazos que nacen en sentidos opostos, os cales configuran unha
copa globosa e de grandes dimensións.
Pola súa idade amosa na copa unha impresionante maraña de raíces aéreas adventicias, a modo de barbas longas
e filiformes, que colgan dos brazos e chegan ata o chan, xerando unha composición de gran exotismo, vistosidade
e fermosura.

Esta árbore foi considerada a máis importante de Galicia no Inventario de árbores sobresaíntes de Galicia, realizado
no ano 1985 pola Dirección Xeral de Montes e Medio Ambiente Natural da Consellería de Agricultura da Xunta de
Galicia.
Nome común: Metrosideros excelso do Xardín da Policía
Local da Coruña
Nome científico: Metrosideros excelsus Soland. ex Gaernt.
Provincia: A Coruña
Concello: A Coruña
Parroquia: A Coruña
Lugar: Comisaría da Policía Local da Coruña
GALICIA
Altura: 20,40 m
Perímetro normal: 3,50; 4,15; 4,00 e 3,00 m.
Diámetro de copa: 23,80 m
Idade estimada: 100-150 anos

OLIVEIRA DO PASEO DE AFONSO XII
A oliveira é unha simbólica e lonxeva árbore da rexión mediterránea, con follas simples, opostas e perennes, de cor
verde agrisada pola face e con envés abrancazado. Flores tetrámeras, bisexuais, con dous estames, de cor abrancazada
amarelada. Froito drupáceo, a oliva. Nalgunhas comarcas galegas de clima mediterráneo ou de transición a este
aínda se cultiva para producir aceite a partir dos seus froitos, pero é máis frecuente, sen ser abundante, como
símbolo relixioso e como árbore de enfeite en parques e xardíns.
O monumento vexetal atópase illado nun enclave urbano moi concorrido, dispón de espazo para medrar e pódese
contemplar desde unha ampla conca visual.
O tronco medra indiviso ata unha altura de 3,20 m, nivel no que se bifurca en dous grandes brazos, os cales se

amifican para formar unha copa ampla e densa e vigorosa, amosando soamente algúns síntomas de defoliación
nas zonas apicais das ramas.
O seu estado sanitario é bo, pois aínda que se detectou a presenza nas ramiñas de insectos chupadores, estes non
afectan de forma importante á súa vitalidade.
Nome común: Oliveira do Paseo de Afonso XII
Nome científico: Olea europaea L.
Provincia: Pontevedra
Concello: Vigo
Parroquia: Vigo
Lugar: Paseo de Afonso XII
GALICIA
Altura: 15,70 m
Perímetro normal: 3,10 m
Diámetro de copa: 12,55 m
Idade estimada: 200 anos