CASA CULTURA SEIXO_PREGO CONDICIONS.pdf - proxecto

PROXECTO DE MELLORA E ACONDICIONAMENTO DA CASA DE CULTURA DE O SEIXO. CONCELLO DE TOMIÑO
PREGO DE CONDICIÓNS
Perfís de aliaxe de aluminio, segundo norma UNE38337 de tratamento 5 OST 5 con espesor medio mínimo 1.50
mm. Serán de cor uniforme e non presentarán curvaturas, fisuras nin deformacións, e os seus eixes serán
rectilíneos. Levarán unha capa de anodizado.
As patillas de ancoraxe e os machos dos gonzos virán colocados de taller, sendo aqueles dun milímetro (1 mm.) de
espesor mínimo e colocados á mesma altura, non separándose mais de seiscentos milímetros (600 mm.) entre eles,
nin douscentos milímetros (200 mm.) dos extremos
As molduras estreitas serán de aliaxe de aluminio de 1 mm de espesor mínimo. Colocaranse a presión no propio
perfil e en toda a súa lonxitude.
As unións entre perfís faranse por medio de soldadura ou escuadras interiores, unidas aos perfís por parafusos,
remaches ou ensambladura a presión.
Os eixes dos perfís encontraranse nun mesmo plano, e os seus encontros formarán ángulo recto; os planos
formados pola folla e o cerco serán paralelos.
Protección anódica mínima do perfil: de 15 a 22 microns, segundo agresividade do ambiente, e sempre cumprirá as
especificacións do proxecto.
Todas as ferraxes e accesorios serán de material inoxidable, e non susceptibles de producir efectos electrolíticos nin
pares galvánicos.
NORMATIVA
NTEFCL. Fachadas. Carpintaría de aliaxes lixeiras.
Normas UNE: 3801172, 3801372, 3801782 1 R, 3801782 1 R ERRATUM, 3833782 2 R, 3800185 2 R, 3801286 1 R,
3801690 1 R, 3800291 2 R, 3801491 1 R, 3801591 1 R.
CONTROL
Para o control realizarase unha inspección por cada dez portas ou fracción, da fixación do cerco comprobando:
Non exista contacto directo co morteiro fresco ao realizar o recibido do perfil. Se non se dispón de precerco o cerco
terá protección de laca vinílica ou acrílica.
Serán condicións de non aceptación:
Derrubamento do precerco, de dous milímetros nun metro (2 mm. en 1 m.).
Non estar enrasada a carpintaría co paramento, a súa variación maior de dous milímetros (2 mm.).
Aparafusado incorrecto ou utilización de parafusos de diferente metal sen separadores.
Selado deficiente.
Realizaranse así mesmo probas de servizo e estanquidade.
A proba de servizo realizarase mediante a apertura e peche da parte practicable da porta, non aceptándose cando
se comprobe un funcionamento deficiente do mecanismo de manobra e peche.
A proba de estanquidade realizarase mediante un difusor de ducha, proxectando auga en forma de chuvia sobre a
porta recibida e acritalar. O ensaio manterase durante 8 horas, desbotándose aquelas portas con penetración de
auga ao interior.
MEDICIÓN
A medición e valoración realizarase por unidade de porta (para recibir acristalamento, se é o caso), realizada con
perfís de aliaxe de aluminio, indicando características dos perfís e o anodizado ou tipo de tratamento destes.
Incluirase no prezo o corte, a elaboración, montaxe, selado de unións e limpeza segundo NTEFCL, así como
calquera outra circunstancia ou manipulación necesaria para deixar a porta en condicións de uso.
SERVIZO DE URBANISMO DO CONCELLO DE TOMIÑO 117