CASA CULTURA SEIXO_PREGO CONDICIONS.pdf - proxecto

PROXECTO DE MELLORA E ACONDICIONAMENTO DA CASA DE CULTURA DE O SEIXO. CONCELLO DE TOMIÑO
PREGO DE CONDICIÓNS
SEGURIDADE
- Facilitarase a ferramenta e medios auxiliares axeitados para a realización destes traballos.
- Teranse en conta todas as prescricións tendentes a conseguir a máxima seguridade dos operarios e que se
indican no apartado correspondente de Demolicións en xeral (lentes que protexan de estelas, tenaces, proteccións
para as mans, etc.).
- Sobre unha mesma escaleira non se realizarán traballos de demolición a distintos niveis. Se os chanzos son
voados e están encaixados en muros, o operario non se colocará sobre eles se non están apuntalados.
- Cando os pavimentos ou viais a demoler se sitúen na zona urbana, todos os lindeiros da obra con vías públicas ou
lugares privados transitados, onde cabe a posibilidade de existir risco para persoas ou bens, deberá ser valado
axeitadamente con material consistente. Este valo deberá levar, en caso de obstaculizar o paso de vehículos, a súa
correspondente iluminación en todas as súas esquinas e cada 10 metros na súa lonxitude.
- Sempre que se efectúe un oco a nivel de planta, xeralmente destinado a evacuación de entullos, será protexido
mediante varandas de 90 centímetros de altura e 175 kg/ml. que non se retirará ata o momento da demolición do
forxado que corresponda ou, no seu caso, ata que se repoña o material de entrevigado.
MEDICIÓN
Os criterios a seguir para a medición deste tipo de elementos a demoler serán os que aparecen nos enunciados das
partidas correspondentes, nos que quedan definidas tanto a unidade xeométrica considerada máis idónea para
medir o elemento, as características e peculiaridades deste, o emprego de medios mecánicos ou manuais, as
inclusións ou exclusións e o criterio para levar a cabo a propia medición, aspectos todos eles que inflúen no cálculo
do prezo descomposto.
Para o non definido, estarase ao disposto nos criterios de medición da NTE/ADD.
P36A URBANIZACIÓN. DEMOLICIÓNS
DESCRICIÓN
Consisten no derrubamento de todas as construcións, pavimentos e obras de fábrica que obstaculicen a obra ou
que sexa necesario facer desaparecer para dar por rematada a execución desta.
CONDICIÓNS PREVIAS
Reformulación.
Designación de elementos a demoler polo Director de Obra.
COMPOÑENTES
Demolición de firmes.
Demolición de edificacións.
Levantado doutros elementos.
EXECUCIÓN
Os traballos de derrubamento realizaranse de forma que produzan a menor molestia posible aos ocupantes das
zonas próximas á obra.
O levantamento do pavimento pode realizarse a man, con martelo e barreta ou coa axuda dun perforador
pneumático, podendo adaptarse á cabeza do aparato pneumático diferentes pezas de corte; folla ancha e cortante
para pavimentos bituminosos, de macadam ou grava, un cortador de asfalto para cubertas asfálticas e unha barra
en punta para pavimentos ou cimentacións de formigón.
NORMATIVA
- Prego de Prescricións Técnicas Xerais para Obras de Estradas e Pontes. PG3/75. 301.
CONTROL
SERVIZO DE URBANISMO DO CONCELLO DE TOMIÑO 86