PATRIMONIO OCULTO

Abril-Xullo
EDITA: TURGALICIA
Estrada Santiago Noia
Km. 3, 15896
Santiago de Compostela
Tfno.: 902 200 432
Fax: 981 537 588
cir.turgalicia@xunta.es
COORDINACIÓN:
Área de Comunicación
TURGALICIA
Fotografías de:
Arquivo Virxilio Vieitez
Keta Vieitez
Concello de Cerdedo
Ivan Nespereira
I.G.P. Patata de Galicia
Arquivo Turgalicia
Jacobo Remuñán
Deseña e maqueta:
Lúdica 7
Fotomecánica e impresión:
Gráficas Lasa
DEPÓSITO LEGAL:
C 480 2011
ISSN: 2173-7509
Descubrir o Patrimonio oculto de
Portada: foto de
TURGALICIA
Explota a primavera en Galicia como unha oportunidade extraordinaria para coñecer o seu pa-
trimonio oculto; para percorrer as súas pobos e vilas, as súas cidades. Galicia é unha sorpresa.
Sempre hai algo novo que ver, algo novo que descubrir; unha paisaxe, unha lagoa, un bosque...
un monumento oculto entre vides e castiñeiros. Galicia, asociada no imaxinario colectivo ao seu
popular mar embravecido, ás súas ladeiras verdes, ao son da súa gaita foliada, á Catedral de Santiago,
á Torre de Hércules ou ás Murallas de Lugo, ten entre as súas marabillas un patrimonio arquitectónico
oculto que o viaxeiro ten que descubrir, pois nel se reflicten a historia, a tradición e
os costumes milenarios, a súa arte e a súa cultura máis popular.
Na nosa proposta, esperan ao lector hórreos, dolmens, castros e cruceiros ocultos nos lugares
máis extraordinarios, arroupados por maxestosos mosteiros e sorprendentes igrexas.
Neste número da revista Turismo de Galicia, o fotógrafo Virxilio Viéitez, un artista por instinto,
revélanos un mosaico de personaxes rurais a través da exposición de parte da súa obra celebrada
recentemente en Madrid. Da man da súa filla Kepa, percorreremos con este xenio da cámara Terra
de Montes para ver como retrataba as súas xentes cando estes celebraban acontecementos e momentos
transcendentes das súas vidas.
De Forcarei, saltamos á Mariña lucense para coñecer outros artistas como José Rodil, artesán da
Pontenova, a Francisco Fra, carpinteiro de ribeira ou a Chus Lage, oleira de vocación, entre outros.
Trataremos de percorrer as Rutas da Artesanía, unha proposta turística que permite que o
visitante goce, a partir dos produtos artesanais locais, de experiencias únicas baseadas na cultura,
recursos, tradicións e valores simbólicos da bisbarra.
E como estamos en primavera que mellor que ir de visita polas Rías Baixas ata o Baixo Miño. A
través desta viaxe, visitaremos praias, illas, viñedos, camiños,
pazos, igrexas, balnearios... coñeceremos recursos patrimo-
editorial niais e naturais, vilas mariñeiras ou cidades como Pontevedra
ou Vigo. E desgustaremos a mellor e máis exquisita gastronomía
de Galicia.
Pero, ademais desta viaxe ás Rías Baixas, visitaremos, a través
doutra das nosas reportaxes, a comarca vitivinícola do Ribeiro para degustar os mellores viños
e conmemorar os 50 anos da súa Feira do Viño, festa declarada de Interese Turístico e coñecer
máis sobre ás terras de Ribadavia.
Finalmente, marchamos ao interior, ao corazón de Galicia para ver como un cento de agricultores
e unha decena de empresas envasadoras fan posible co seu esforzo e dedicación á produción
da pataca de Galicia.
3