PATRIMONIO OCULTO

Poida que un dos trazos máis singulares da
costa de Galicia sexa a presenza das súas rías,
brazos de mar que se introducen no continente
creando un litoral recortado. Só Irlanda,
China e a Bretaña francesa contan cun fenómeno
xeolóxico tan especial como o das rías galegas. Vales
tectónicos afundidos afectados polos movemento das mareas,
polo que se produce no seu interior unha mestura da
auga doce do río coa auga do mar. Na súa xénese, unhas
víronse favorecidas pola existencia dunha intensa rede de
fracturas de esgazadura que facilitaron a penetración do
mar e marcaron o seu deseño; como é o caso das Rías Baixas
que se encadean no sudoeste de Galicia, desde o Monte
Louro, en Muros, ata a desembocadura do Miño. Son as de
maior extensión e as que dun xeito uniforme se alongan de
sudoeste a nordeste.
No seu litoral recortado, os tramos de costa acantilada, rochosa
e brava, dan paso a amplos areais aos que se pode
acceder, desde terra ou desde o mar, aproveitando os numerosos
portos. Nestas rías, as temperaturas son suaves
durante boa parte do ano, pero con abundancia de precipi-
52
Mosteiro de Armenteira, Meis.
tacións ao longo do outono e inverno. Unhas condicións meteorolóxicas
que propician o desenvolvemento de frondosas
masas forestais que zumegan verdor e que cobren este
destino.
Extensos espazos cubertos de árbores e campos de cultivo
nos que os froiteiras, as hortalizas e as vides rodean aldeas,
vilas e cidades creando unha paisaxe alegre e colorida. Ademais,
a esta riqueza e variedade do seu medio natural únese
a ampla gama de produtos do mar ou da terra, de peixes e
mariscos que se poden degustar ao longo de todo o territorio.
Produtos todos eles acompañados co viño propio destas
terras, da Denominación de Orixe Protexida Rías Baixas. Para
moitos, un dos mellores brancos do mundo. E no Baixo Miño,
o mellor da horta.
O amante da arte atopará numerosos lugares nos que deterse:
castros, igrexas románicas, góticas ou barrocas. Pazos
ou magníficos museos, como os que se atopan en Pontevedra,
Vigo ou Bueu. Ademais, as festas e romarías que se suceden
ao longo de todo o ano, especialmente durante o
verán, permitirán ao visitante penetrar nas tradicións e crenzas
galegas.
Abril-Xullo