PATRIMONIO OCULTO

Abril-Xullo
Na Mariña lucense, a Galicia verdecente
asómase ao Cantábrico. A Mariña, que
comprende todo o norte da provincia de
Lugo, confórmana os concellos de Alfoz,
Barreiros, Burela, Cervo, Foz, Lourenzá,
Mondoñedo, Ourol, A Pontenova, Ribadeo, Riotorto, Trabada,
O Valadouro, O Vicedo, Viveiro e Xove.
O litoral, de case un centenar de quilómetros, é coñecido como
a costa máxica, conecta coa serra que delimita o interior a través
de vales fértiles e fermosos que perfilan un armazón de
paisaxes singulares. Aí, entre montañas algúns, mirando ao
mar outros, e, ata no Camiño de Santiago habitan, repartidos
e dispersos, un gran número de artesáns responsables de que
non se perdan oficios tradicionais e centenarios propios do
medio rural galego, xunto con outros dedicados ás disciplinas
artesanais máis vangardistas e innovadoras.
Fra traballando na realización dunha
barca no seu taller a pé da praia.
Neste territorio de gran riqueza patrimonial e natural, podemos
visitar a soberbia ría do Barqueiro, a praia das Catedrais,
monumento natural escavado polo mar de enormes dimensións;
percorrer do estuario do río Sor, paraíso de peixes
e aves acuáticas, ao estuario do Eo, reserva da Biosfera; ou
Foz, Viveiro e Ribadeo, portos que aínda conservan a pegada
dun pasado señorial.
En Cervo, Sargadelos, unha das cerámicas máis representativas
de Galicia, e no interior da Mariña lucense, a serra do
Xistral, terra de turbeiras e cabalos salvaxes; e Mondoñedo,
no Camiño de Santiago, antiga sede episcopal cunha fermosa
catedral do século XIII.
Rutas da Artesanía
Percorremos a Mariña lucense a través das Rutas da Artesanía;
unha proposta turística que permite que o visitante
41