PATRIMONIO OCULTO

Abril-Xullo
minable relación doutros menores entre os que destacan a
fortificación que acolle o Museo de Valle Inclán (A Pobra do
Caramiñal), as Torres do Oeste (Catoira), Santa Mariña de
Dozo (Cambados) e as instalacións romanas de Adro Vello
(O Grove).
Por outra banda, a ría de Arousa ten desde os anos 60 do
século pasado o único vía crucis marítimo do mundo, a Ruta
do Mar de Arousa-Río Ulla, unha das vías do Camiño de
Santiago, que recorda a chegada a Galicia por mar do corpo
do apóstolo Santiago.
Tamén debemos resaltar as festas e celebracións que
teñen lugar nesta contorna, como a Romaría Viquinga de
Catoira, de Interese Turístico Internacional, ou aquelas de
Interese Turístico Nacional, como a do Viño Albariño
(Cambados) e as patronais de San Roque da Vila (Vilagarcía
de Arousa).
Para rematar, sinalar as de Interese Turístico Galego: Exaltación
do Marisco (O Grove), a de Xesús O Nazareno e Procesión
das Mortallas (A Pobra do Caramiñal), a da Virxe de
Guadalupe (Rianxo), a da Dorna (Ribeira), a Romaría de
San Ramón de Bealo (Boiro); ou a Semana Santa de Paradela
en Meis.
Imaxe dos hórreos de
Combarro.
RÍA E TERRAS DE PONTEVEDRA
Os concellos que integran esta ría son: A Lama, Barro,
Bueu, Caldas de Reis, Campo Lameiro, Cangas, Cotobade,
Cuntis, Marín, Moaña, Moraña, Poio, Ponte Caldelas, Pontevedra,
Portas e Vilaboa.
As terras da ría de Pontevedra están marcadas pola súa
tradición mariñeira. Ons, Aldán, Bueu, Marín... na outra
beira, ao final da ría, a costa da Vela, cos seus cantís e,
no alto, o monte do Facho, antigo castro e santuario romano.
Pontevedra é a capital das Rías Baixas. Unha cidade señorial
chea de vida, co casco histórico máis importante de
Galicia, despois do de Santiago de Compostela. No casco,
varios edificios emblemáticos acollen un museo con importantes
fondos: o Museo Provincial de Pontevedra. Entre
os seus atractivos, a praza da Ferrería, o santuario da Peregrina
coa súa planta en forma de cuncha e a basílica de
Santa María A Maior, construída polo gremio de mareantes
no século XIV. Moi preto, debe visitarse o mosteiro de Poio,
de orixe medieval.
Ao norte, antes de chegar ao minúsculo e ben conservado
casco vello de Cuntis, facemos parada nos petróglifos de
55