PATRIMONIO OCULTO

Abril-Xullo
gustación do millo corvo de Bueu. Non podemos esquecer
a Festa da troita (Ponte Caldelas), a Festa de San Miguel
e Danza das Espadas (Marín) e a Festa do lacón con grelos
(Cuntis).
E para quen queira emprender viaxe a Compostela, unha boa
idea é facelo seguindo o Camiño Portugués a Santiago, que
entra en Galicia pola localidade de Tui, e que cruza o territorio
no sentido sur-norte.
RÍA DE VIGO E BAIXO MIÑO
Esta ría confórmana os concellos da Cañiza, A Guarda, Arbo,
As Neves, Baiona, Covelo, Crecente, Fornelos de Montes,
Gondomar, Mondariz, Mondariz-Balneario, Mos, Nigrán, O Porriño,
O Rosal, Oia, Pazos de Borbén, Ponteareas, Redondela,
Salceda de Caselas, Salvaterra de Miño, Soutomaior, Tomiño,
Tui e Vigo.
A beira sur da Ría de Vigo é unha sucesión de interminables
areais dourados: Samil, O Vao, Patos, Praia América... e de
recollidos portos como Canido ou Panxón. E gardando a en-
Vendedora de ostras na
Pedra, Vigo.
trada da ría, fronte á cidade de Vigo, as Illas Cíes nas que
o areal de Rodas é, segundo o diario The Guardian, a mellor
praia do mundo. Integradas no Parque Nacional das
Illas Atlánticas –que comprende Cíes, Ons, Sálvora e Cortegada–,
as Cíes son o paraíso de augas turquesa e area
branca da costa galega.
O acceso a elas está limitado a 2.200 persoas ao día e existen
camiños que conducen a cada un dos seus tres faros.
Están comunicadas por un servizo regular de transporte marítimo
de pasaxeiros desde varios portos. Nas Cíes, habita a
colonia máis grande do mundo de gaivotas patiamarelas e a
zona submarina que as rodea constitúe un dos ecosistemas
máis ricos da costa de Galicia, destacando o seu frondoso
bosque de algas pardas.
Terra dentro é imprescindible percorrer a vila termal Mondariz
Balneario, co seu espléndido Hotel Balneario e o seu
campo de golf; O Rosal, un fértil val de kiwis, flores e vides
da Denominación de Orixe Rías Baixas; e A Guarda, famosa
pola súa lagosta e polo impoñente castro de Monte Trega.
57