klike iha ne'e - Governo de Timor-Leste

Halo Plano ba Futuro:
Plano Estratégico Desenvolvimento 2011-2030
Iha Julho 2011 Parlamento Nacional aprova Plano Desenvolvimento
Estratégico Timor-Leste ba 2011 tó 2030. Plano né liuhusi processo
consulta pública, iha fulan lima laran, iha subdistritos 65. Estabelece
buat nebé precisa halo atu bele concretiza ka realiza visão Povo
Timoroan tomak nian, katak harí Nação pacífica no próspera ida tó
tinan 2030.
Plano né hatudu dalan ida lori halo Timor-Leste nakfilak sai Nação
ida ho população mesak matenek no badinas, ho cuidados saúde,
infra-estruturas nebé diak, setor privado nebé forte, economia ida ke
diversificada ho sociedade próspera, ho rendimentos, ai-hán, uma
nebé diak ba cidadãos hotu-hotu.
Plano né identifica no avalia prioridades no sai hanesan mata-dalan
ba implementação estratégias ho ações nebé recomenda ba curto
prazo (tinan ida tó lima), ba médio prazo (tinan lima to’o sanulu) no
ba longo prazo (tinan sanulu to ruanulu).
Iniciativas principais PED nian lori garante ita-nia futuro inclui:
Desenvolvimento Capital Social
Educação:
• Hadia qualidade no equidade educação hodi hetan resultados
aprendizagem nebé diak
• Currículo escola pré-primário nian ida ba nível nacional,
programas formação ba professores ho guias aprendizagem
nebé aprova ona