klike iha ne'e - Governo de Timor-Leste

Promove Crescimento Económico
Desenvolvimento económico Timor-Leste nian sei hatúr metin iha
indústrias essenciais tolu: agricultura, turismo no petróleo. País né
iha vantagens bot iha nível indústrias hirak né tanba nia recursos
naturais, localização geográfica ho perfil económico.
Além-de cria ona bases de-arranque husi setores hirak nebé temi
iha leten, Governo investe mos iha medidas hodi cria emprego,
hakbít setor privado no desenvolve áreas rurais, hanesan condições
fundamentais lori promove crescimento económico ho forma
equilibrada no justa. Nuné, implementa ona reformas importantes
hanesan:
• Aprovação Lei Tributária hanesan parte husi fases reforma
fiscal Estado nian tolu nebé diferentes. Lei ida né mai hametin
no mos substitui legislação UNTAET nian kona-ba atividades
impostos hodi resulta redução iha carga fiscal tanba considera
hanesan la tuir realidade país. Etapas rua seluk (Lei kona-ba
impostos no deveres) prepara mos ona no bele taka lacunas
ka faltas kona-ba fiscal, no garante sistema ida ke justo liu ba
interessados hotu-hotu.