Sağlamlıq və Rifah həyatınızı dəyişdirə biləcək sirlər

Həyat boyu üçün olan qidalanma rejimi
nacaq olmasa bahalı maşının yürüşü azalır, gücü itir və mühərriki rəvan
getmir. Eləcə də, düzgün qidasız bizim bədənimiz də yaxşı işləmir.
Ən yaxşı qidalardan seçilmiş balanslı qidalanma rejimi böyümə,
bədənimizin qayğısına qalma və enerji üçün lazım olan qidalı maddələri
verəcək. Aşağı keyfiyyətli qidaları seçəndə və ya ən yaxşı qidaları
da lazım olan qədər yeməyəndə bədənimizin mexanizmi ziyan
çəkir. Əgər çox rafinə olunmuş qidalar yesək, asanlıqla kökələ və lazımlı
vitaminlərin çatışmazlığına məruz qala bilərik. Bizi Yaradan bizim
qayğımıza qalır, eləcə də biz öz qayğımıza qalmalıyıq. Həvvari Yəhya
dua edəndə Rəbbin ürəyinin arzusunu təkrar edirdi: “Çünki həqiqət
daxilimizdə qalır və əbədi olaraq bizimlə olacaq” (3-cü Yəhya, 2).
Bədənimizin qayğısına qalmaq Məsihçi olmaqdan əlavə etdiyimiz
bir şey deyil. Bu, Allahın bizim həyatımız üçün olan planının qəlbindədir.
Səhv başa düşməyin. Biz göyə düzgün yemək yeməklə gedə bilmərik.
Biz mərhəmət və yalnız mərhəmət vasitəsilə xilas olmuşuq (Efeslilərə
2:8). Lakin Allahın bizim həyatımız üçün olan məqsədinə çatmaqda
uğursuzluğa düçar ola bilərik, çünki pis yemək vərdişlərimiz vaxtından
qabaq və qarşısı alına biləcək xəstəlik və ölüm gətirir. Bu haqda səhvə
yol verməyin: Nə yediyimiz vacibdir.
Yaxşı qidalanmanı başa düşmək
Biz yemək üçün seçdiyimiz qidalardan bədənimizə yanacaq veririk.
Onlar sağlam və məhsuldar həyat üçün lazım olan qidalı maddələri verir.
Həzm qidanı hissələrə bölən mürəkkəb bir prosesdir ki, bədən onları
sovurub həyat üçün istifadə edə bilsin. Bu proses ağızda başlayıb,
mədəyə, oradan da nazik bağırsağa və nəhayət, yoğun bağırsağa keçir.
Bədənimizin ehtiyacı olan qidalı maddələri bu vacib kateqoriyalara
bölə bilərik:
• Karbohidratlar: “Ən yaxşı yanacaq” qidalanma rejimində karbohidratların
böyük hissəsi zəngin, rafinə olunmamış mənbələrdən
25