Sağlamlıq və Rifah həyatınızı dəyişdirə biləcək sirlər

Siz riskdəsiniz?
Həkim mehribanlıqla onu həvəsləndirdi ki, çalışmaqda davam etsin
və qeyd etdi ki, ürəyin vurma qabiliyyətinə infarktın vurduğu ziyanla,
nəzarətdə saxlanmayan diabet, siqaret çəkmək və artıq çəki ilə, əgər
qəti bir dəyişiklik etməsə, o, gənc yaşda ölə bilər.
Co-nun cavabı diqqətəlayiq idi: “Bəs ürək köçürülməsi necə, həkim?
Onun haqqında eşitmişəm. Mən yeni ürək ala bilərəmmi?”
“Kaş ki, bu qədər asan və sadə olaydı” – həkimi dedi. “Donor
ürəkləri kasaddır və sonra da köçürülmədən sonra illərlə dərman
istifadəsi. Bu, kömək edə biləcək axırıncı ümid yeridir, lakin çox azdır.
Sən həyat tərzini dəyişdirməlisən və dərhal”. Nəhayət, Co vəziyyətinin
ciddiliyini başa düşdü və yaşayış tərzini dəyişdirməyə başladı.
Bütün dünyada milyonlarla kişi və qadın Co kimi qeyri-yoluxucu
xəstəliklərdən əziyyət çəkir: ürək xəstəlikləri, xərçəng, tənəffüs yolları
xəstəlikləri və diabet. Onların dörd əsas risk faktorları var: tütündən
istifadə, fiziki qeyri-aktivlik, spirtli içkilər və sağlam olmayan qidalanma
rejimi. Siz özünüz də bunu bilmədən riskdə ola bilərsiniz.
Piylənmə pandemiyası
Artıq çəki və piylənmə problemi elə geniş yayılıb ki, səhiyyə
mütəxəssisləri bunu pandemiya adlandırmağa başlayıblar. Hər hansı
bir xəstəlik bir icmada və ya coğrafi ərazidə yüksək səviyyədə yayılanda
tibb elmi bunu epidemiya adlandırır, lakin bu, eyni zamanda dünyanın
bir çox yerlərində yayılanda pandemiya adlanır.
Ümumdünya Səhiyyə Təşkilatına görə, il ərzində bütün dünyada 2,8
milyon adam çəkinin artıq olması və ya piylənmənin birbaşa nəticəsi
olaraq ölür. Bu, varlı və kasıb ölkələrdə eynidir. Piylənmə artıq yüksək
gəlirli cəmiyyətlərin xüsusiyyəti deyil.
Siz, bədənin kütlə əmsalını (BKƏ) tapmaqla, adətən “sağlamlığa ziyan
vura biləcək normadan artıq piy yığılması” adlanan artıq çəkini və
ya piylənməni hesablaya bilərsiniz. Hesablamanı aparmaq üçün funtla
35