Hüseyn Abbaszadə. Haradansınız, müsyö Abel (roman)
Azərbaycanın Xalq Yazıçısı, Azərbaycan Dövlət mükafatı laureatı Hüseyn Abbaszadənin “Haradansınız, müsyö Abel?” romanı İkinci Dünya Müharibəsində almanlara əsir düşən, amma möcüzə nəticəsində sağ qalan və anlaşılmazlıq üzündən vətənə qayıda bilməyib, Fransada qalmağa məcbur olan Əbil Xeybərovun acınacaqlı hekayəsindən bəhs edir. “Haradansınız, müsyö Abel?” romanı 2018-ci ildə Fransada fransızca nəşr olunub və tezliklə ən çox oxunanlar siyahısında yer alıb. Kitab ilk dəfə olaraq latın qrafikası ilə Azərbaycan oxucusuna təqdim edilir
Azərbaycanın Xalq Yazıçısı, Azərbaycan Dövlət mükafatı laureatı Hüseyn Abbaszadənin “Haradansınız, müsyö Abel?” romanı İkinci Dünya Müharibəsində almanlara əsir düşən, amma möcüzə nəticəsində sağ qalan və anlaşılmazlıq üzündən vətənə qayıda bilməyib, Fransada qalmağa məcbur olan Əbil Xeybərovun acınacaqlı hekayəsindən bəhs edir.
“Haradansınız, müsyö Abel?” romanı 2018-ci ildə Fransada fransızca nəşr olunub və tezliklə ən çox oxunanlar siyahısında yer alıb. Kitab ilk dəfə olaraq latın qrafikası ilə Azərbaycan oxucusuna təqdim edilir
Create successful ePaper yourself
Turn your PDF publications into a flip-book with our unique Google optimized e-Paper software.
Tuluza qatarı Parisə səhər tezdən çatdı. Əbil<br />
oğlu ilə taksiyə əyləşib ‘’Rezidans de Mareşon’’<br />
mehmanxanasına getdi. O, keçən<br />
dəfə paytaxta gələndə də burada qalmışdı.<br />
Düşdüyü nömrə bahalı olmasa da, rahat idi. On yaşlı<br />
Arman ilk dəfəydi, Parisə gəlirdi. O, atasını tələsdirir,<br />
şəhərə baxmağa can atırdı. Əbil isə yorğun idi, yenə<br />
ürəyi sancırdı. Bir hovur dincəlmək istəyirdi. O, sifariş<br />
verdi, nömrəyə qəhvə gətirdilər. Əbil kresloda uzanıb<br />
siqareti tüstülədə-tüstülədə pəncərədən bayıra tamaşa<br />
elədi. Çisək idi. Narın-narın yağış çiləyirdi...<br />
İlk dəfə təxminən dörddəbir əsr əvvəl də Paris<br />
Əbili belə çiskinli havayla qarşılamışdı. Onda almanlar<br />
sovet hərbi əsirlərini eşelonla bura gətirmişdilər. İkinci<br />
dəfə Əbil Parisi 49-cu ildə doktor Leskürü cərrahiyə klinikasına<br />
müşayiət edəndə görmüşdü. Sonra o, 58-ci ildə<br />
viza almağa gəlmişdi. Üçüncü gəlişini heç xatırlamağa<br />
dəyməzdi...<br />
Bu, Əbilin dördüncü gəlişiydi. O, qəzetlərdən oxumuşdu<br />
ki, Parisdə keçiriləcək Beynəlxalq Rəqs Festivalına<br />
Azərbaycan baleti də dəvət olunub. Festivaldan<br />
sonra Bakı teatrı Fransanın şəhərlərinə qastrol səfərinə<br />
çıxacaqdı. Amma onlar Tuluza şəhərində olmayacaqdılar.<br />
Əbil Parisdə yaşayan tanışlarının vasitəsilə Azərbaycan<br />
baletinin Şamz Elize teatrında olacaq ilk tamaşasına<br />
bilet sifariş eləmişdi, həmyerlilərini görmək istəyirdi.<br />
O, on doqquz yaşlı qızı Suzannanın Parisə yola<br />
düşməzdən bir az əvvəl qripə yoluxmasına təəssüf edirdi.<br />
Arvadı Azərbaycan baletinə baxmağı çox arzulasa<br />
da, naxoş qızını xidmətçi qadının ümidinə qoymağa<br />
razı olmamış, Tuluzada qalmışdı. Buna görə də o, Parisə<br />
ailəsilə yox, oğlu ilə gəlmişdi. Əbil paytaxtdan Tuluzaya<br />
zəng çalmış, evlə danışmışdı. Səsində arxayınlıq<br />
hiss olunan arvadı demişdi ki, qızın hərarəti yavaş-ya-<br />
3
Change language