Reklamoni bizneset dhe prodhimet tuaja në hapësirat e ... - albsuisse

More documents

Recommendations

Info

kËndvËshtrim nëntOr / nOVeMber 2011 DIasPora Dhe vlerat evroPIane, anashkalohen tërësIsht në zGjeDhjet e arDhshme Për PresIDent 600 mijë kosovarë jetojnë jashtë territorit të Republikës së Kosovës. Të gjithë ne e dimë se diaspora shqiptare ka qenë, është dhe do të jetë njëra nga shtyllat kryesore të qëndrueshmërisë dhe zhvillimit të shtetit tonë të ri. Ishte diaspora në Shtetet e Bashkuara të Amerikës që jo vetëm që dërgoi bijtë dhe bijat më të mirë të kthehen në Kosovë e të luftojnë për çlirimin e vendit nga regjimi i Milosheviçit nëpërmjet Batalionit Atlantiku e shumë batalioneve tjera, por po e njëjta Diasporë loboi edhe në kryeqytetin global – Uashington, në Kongres e Senat, për t'i ndihmuar popullit të stërvuajtur në Kosovë për liri dhe demokraci. Në vitin 2008 u shpall pavarësia e Kosovës dhe sot, pavarësisht disa telasheve të brendshme në pjesën veriore të shtetit tonë, shtetësia e Kosovës është njohur nga më shumë se 84 shtete. Në 2008 Kuvendi po ashtu vendosi për flamur, himn etj. Vendime këto që zakonisht në vende që i thonë vetes se jetojnë në demokraci, zakonisht vendosen nëpërmjet referendumit. Në rregull. Kjo për arsye të njohura të pavarësisë së kushtëzuar edhe nuk ndodhën në Kosovë. Si pjesë e marrëveshjes në mes të liderit të PDK-së Hashim Thaçi, liderit të AKR-së dhe Koalicionit për Kosovë të Re Behgjet Pacolli si dhe liderit të LDK-së, Isa Mustafa, ishte vendosur këtë pranverë që të formohej një komision që do të prezantojë ndryshime kushtetuese me qëllim që presidenti i ardhshëm i Republikës së Kosovës të zgjidhet drejtpërdrejt nga populli e jo nga deputetët e Parlamentit siç ka qenë deri më tani. Qëllimi ishte që të qartësohet më mirë pozita e vendimmarrësve të vendit si dhe të rritet efektiviteti i demokracisë së njomë kosovare. Para pak ditësh ky komision ka prezantuar një sërë ndryshimesh për Kushtetutën e Kosovës rreth kësaj teme. Për nenin 93, ata, ndër të tjerash, kanë propozuar që presidenti i ardhshëm i vendit të mos ketë të drejtë t'i mbajë dy shtetësi. Njëri propozim është se në rastin e kandidimit për president kandidati duhet të heqë dorë nga nënshtetësia tjetër dhe ta mbajë vetëm atë të Kosovës. Sot është viti 2011 – ne po jetojmë në kontinentin e Evropës dhe po synojmë edhe të arrijmë deri te lëvizja e lirë, dmth. pa viza, në vendet e Unionit Evropian e edhe të integrohemi në këtë familje të madhe demokratike. Janë katër aspekte shumë të rëndësishme që dëshmojnë se ky propozim i tanishëm ku nuk lejohet nënshtetësia e dyfishtë, duhet të ndryshohet gjithsesi para votimit në dhjetor: Ne jemi në Evropë dhe po dëshirojmë të integrohemi në Unionin Evropian (UE). Pse të mos i marrim si shembull të qeverisjes së mirë vendet funksionale demokratike? Kushtetuta e Francës psh. thotë se kushtet për kandidim e zgjedhje për president të Francës janë po të njëjtat sikurse edhe për deputetë të parlamentit francez. Ju që nuk e dini një përkujtim të vogël psh. presidenti i tanishëm i Francës Nicholas Sarkozy të dy prindërit i ka hungarezë. Në Gjermani thuhet se kandidati për president duhet ta ketë shtetësinë gjermane dhe nuk i eliminon ata që kanë nënshtetësi te dyfishta. Shumica e shteteve demokratike perëndimore që ne gjithmonë i marrim si shembuj për të mirë, shumë e më shumë po i ndërrojnë ligjet e po e lejojnë dyshtetësinë. Pse? Sepse për dallim nga shumica e atyre deputetëve tanë që i kanë propozuar këto ndryshime të çuditshme, Evropa e ka kuptuar se po jetojmë në një botë ku ne shumë e më shumë po udhëtojmë në vende tjera, po studiojmë, punojmë e bëjmë biznese në vende të tjera. Shumë normale kjo dhe e domosdoshme në shekullin 21. Edhe Konventa Evropiane për Nënshtetësi, e nënshkruar më 6 nëntor 1997 e cek shumë qartë se realiteti evropian pas rrëzimit të komunizmit dhe bashkimit të Evropës thuajse e bën të natyrshme që një evropian t'i ketë 2 apo më tepër nënshtetësi. A nuk duhet kjo të merret parasysh kur të vendosim për ligjin e ardhshëm për zgjedhjen e presidentit edhe ne në Kosovë? 600 mijë kosovarë që jetojmë jashtë apo disa nga ne që jemi kthyer në Kosovë, anashkalohemi tërësisht nga çdo mundësi për garim për president. Pse? Ne që ikëm nga Kosova përpara, ikëm sepse na diskriminoi e ndoqi regjimi komunist apo ai i Miloseviçit. Në vitin 1991 me qindra mijëra ikëm sepse na diskriminoi regjimi i atëhershëm sepse ishim shqiptarë. E sot? Sot po diskriminohemi sepse nuk po na lejohet aspak të marrim pjesë në marrjen e vendimeve jetike për Kosovën. Ne gjithmonë e kemi mbajtur Kosovën, 3%, pastaj Vendlindja thërret, etj., etj. Dmth. ne jemi ”shumë të mirë” për mbushjen e xhepave në Kosovë, por jo edhe për udhëheqjen e shtetit? Një tjetër gjë shumë e pakuptueshme është se pse ky komision ka planifikuar të mbajë takime me qytetarë në 11 komuna, por asnjë takim nuk mendohet të ketë në Diasporë? Ky veprim anësor nuk është asgjë tjetër, përpos Diskriminim total kundër nesh që i kemi dy pasaporta. Kosova është shtet i vogël dhe edhe nëse na diskriminoni neve 600 mijë shqiptarëve që kemi jetuar apo jetojmë jashtë vendit, deshëm apo nuk deshëm, ne jemi pjesë e një regjioni ku jetojnë, udhëtojnë e punojnë njerëz me përkatësi të ndryshme etnike. Ka nënshtetas kosovarë që kanë shtetësi shqiptare, ka nënshtetas kosovarë që kanë nënshtetësi serbe, ka nënshtetas kosovarë që kanë nënshtetësi kroate, maqedonase etj. Kosova nuk është unike në ketë aspekt, sepse njësoj është dhe në vendet tjera përreth. E natyrshme kjo. Dmth. minoritetet dhe ata që i mbajnë dy pasaporta nga Kosova e ndonjë vend fqinj nuk do të kenë mundësi kandidimi? Edhe Minoritetet do të diskriminohen? (mos të harrojmë se shumë ministra në qeverinë e tanishme të Kosovës e edhe Kuvend kanë nënshtetësi të dyfishtë). Neni 98 që bën fjalë për Imunitetin e presidentit, Komisioni për Ndryshimet Kush- 34 www.albsuisse.ch
nëntOr / nOVeMber 2011 tetuese po ashtu propozon që Presidenti i Kosovës ta ketë të njëjtin imunitet që e kanë deputetët e Kuvendit të Kosovës. Është shumë e natyrshme që këtu të shtrohet pyetja: Pse kur bëhet fjalë për Imunitet, po mjafton të krahasohet presidenti me deputetët (të zgjedhur po ashtu nga populli), por jo edhe në rastin e kandidimit? A nuk është ky moral i dyfishtë? Është e pamundur të mos përmendet këtu edhe Verdikti i Gjykatës Kushtetuese të Kosovës rreth imunitetit të deputetëve të Kuvendit të Kosovës. Çfarë imuniteti paskan deputetët? Jo, me këtë propozim të tanishëm po diskriminohen edhe ata 120 deputetë në Kuvendin e Kosovës. Deputetet vendosin për ligje që vlejnë për çdo cep të vendit dmth. ata janë shtylla e shtetit tonë. Të njëjtat kushte që qiten për t'u zgjedhë deputet i Parlamentit të Kosovës duhet të qiten edhe për zgjedhje për president të vendit. Asgjë më shumë e as më pak. Një argument që është përfolur shumë kur arsyetohet pse nuk duhet lejuar shtetësia e dyfishtë për presidentin, është edhe ajo që presidenti i zgjedhur do të jetë edhe koman- www.albsuisse.ch dant i forcave të armatosura dhe vendimet që merren nuk duhet të ndikohen nga vendet tjera. Unë, këta që e përdorin këtë arsyetim, i pyes me gjithë seriozitet: Në cilin planet po jetoni? Cili shtet sot që i thotë vetes shtet demokratik e që nuk është superfuqi, merr vendime madhore pa konsultime të përbashkëta me vendet e tjera mike? Ne që po dëshirojmë të integrohemi në BE, a nuk duhet të mësojmë të lexojnë, e të mësohemi se si merren vendimet e mëdha në këto vende të qëndrueshme demokratike? Ne nuk jemi as Angolë e as Azerbajxhan që nuk lejojnë shtetësi të dyfishtë për president. E as superfuqi botërore si miku ynë i përjetshëm Amerika. Ne jemi Kosovë, pjesë e Evropës dhe po dëshirojmë të bëhemi pjesë e kësaj familjeje apo jo? Prandaj, duhet t'i përshtatemi realitetit si thotë fjala jonë e urtë popullore: “qysh është veni edhe kuveni”. Ju që nuk besoni, hyni në internet dhe lexoni se çfarë kushtet kanë kandidatët për tu zgjedhur president në vende të ndryshme evropiane. Do ta vërtetoni se shumica e vendeve evropiane e lejojnë dyshtetësinë. kËndvËshtrim Unë ju bëj thirrje juve që keni jetuar apo jetoni jashtë, keni familje apo anëtarë të familjes jashtë trojeve të Kosovës, shkoni në këto debate dhe jepeni mendimin tuaj. Shkruani e reagoni që ne 600 mijë kosovarët që kemi nënshtetësi të dyfishtë, mos të diskriminohemi edhe një herë. Reagoni tash, sepse në dhjetor do të merret vendimi në Kuvendin e Kosovës e atëherë do të jetë shumë vonë. Sot Kosova është pjesë e botës së globalizuar dhe po dëshirojmë ët integrohemi në Evropë, por nuk po i respektojmë aspak liritë evropiane për shtetësi të dyfishtë. Funksionaliteti dhe efektiviteti i forcimit të shtetit të Kosovës edhe nga presidenti i ardhshëm është ngushtë i lidhur me lirinë e lëvizjes, gjë që e mundëson edhe dy shtetësia. Mjaft na diskriminuat ne që gjithmonë kemi qenë gjeneratori kryesor për lirinë e Kosovës. Shtetësia e dyfishtë duhet gjithsesi të lejohet për çdo kandidat që pretendon të bëhet presidenti i ardhshëm i Republikës së Kosovës. Avni Dervishi Magjistër i Shkencave Politike Evropiane 35
Page 1 and 2: Nëntori, muaji i festave November
Page 3 and 4: nëntOr / nOVeMber 2011 www.albsuis
Page 5 and 6: nëntOr / nOVeMber 2011 Prof. Nexhm
Page 7 and 8: nëntOr / nOVeMber 2011 www.albsuis
Page 9 and 10: nëntOr / nOVeMber 2011 Mërgimtari
Page 11 and 12: nëntOr / nOVeMber 2011 cili, me ko
Page 13 and 14: nëntOr / nOVeMber 2011 ATDHEU www.
Page 16 and 17: arsimim Kjo qendër, e cila prej vi
Page 18 and 19: integration Text: Christine Spirig
Page 20 and 21: psychologie Die erste Liebe was nun
Page 22 and 23: Artp xfilm kino w w w . a r t p i x
Page 24 and 25: pËrkujtim steve jobs fshehtësIa e
Page 26 and 27: info edhe për disa dekada të ardh
Page 28 and 29: efleksion DeGraDImI I mjeDIsIt kër
Page 30 and 31: kËshilla këshIlla Për ruajtjen e
Page 32 and 33: autor: bravo skandi Vend në Palist
Page 38 and 39: tel/Fax: 062 822 67 24 nat: 079 467

Reklamoni bizneset dhe prodhimet tuaja në hapësirat e ... - albsuisse

You also want an ePaper? Increase the reach of your titles

Delete template?

Save as template?