Manual mbi Identitetin dhe Ideologjine e Partive Politike.pdf

Kritika të Përgjithshme mbi Partitë e Qendrës së Djathtë
Burime të marra pjesërisht nga http://www.wikipedia.org
Kritika Politika e jashtme e Qendrës së Djathtës është tepër agresive dhe mund të çojë në
destabilizim.
Mbrojtja Një shtet duhet të paraqitet si i fortë dhe i frikshëm dhe të ndërhyjë kur ta shoh të
nevojshme. Të kesh një qasje më të zbutur mund të shihet si një lehtësim dhe bën që
shtetet e tjera të veprojnë ashpër.
Kritika Anëtarët e qendrës së djathtë injorojnë gjendjen e vështirë të të varfërve dhe politikat e
tyre ekonomike rrisin hendekun e pabarazisë financiare.
Mbrojtja Hendeku mes të pasurve dhe të varfërve i inkurajon njerëzit të punojnë shumë dhe të
bëhen novator. Programet mbi mirëqenien krijojnë një sistem mbështetjeje te qeveria.
Kritika Politikat mbështeten në standardet morale të fesë.
Mbrojtja Politika e Qendrës së djathtë nuk është detyrimi i fesë në shoqëri, është mbrojtja e
traditave të shoqërisë, ku pjesa më e madhe u themelua mbi bazat fetare.
Kritika Politika e Qendrës së djathtë është diskriminuese kundër minoriteteve.
Mbrojtja Politika e qendrës së djathtë nuk është një sulm kundër grupeve minoritare, por një
përpjekje për të ruajtur vlerat tradicionale dhe të vazhdojë praktika e një status kuo-je.
Kush është konservator ?
“Konservatorët besojnë se ekziston një rend morali i jashtëzakonshëm, me të cilin ne duhet të
përpiqemi të rregullojmë rregullat e shoqërisë. Konservatorët i mbahen parimit të vazhdimësisë
shoqërore. Ata preferojnë të keqen që njohin se sa një të keqe të re. Rregulli, drejtësia dhe liria, ata
besojnë se janë produkte artificiale të një eksperience të gjatë dhe të dhimbshme shoqërore, rezultate që
vinë nga shekuj me gjyqe, reflektime dhe sakrifica. Konservatorët janë të ndëshkuar nga parimet e
tyre rreth jo perfektes. Natyra njerëzore vuan tepër nga disa gabime të pandreqshme, konservatorët e
dinë. Kur njeriu është jo i përkryer, nuk mund të krijohet një rend social perfekt.”
Nga Mendje Konservatore Russell Kirk
Figura të Shquara:
Ronald Reagan (1911 - 2004)
Ronald Wilson Reagan ishte presidenti i 40-të i Shteteve të Bashkuara, duke
qëndruar në pushtet nga viti 1981 deri në vitin 1989. Politika e tij ekonomike
apo “Reaganomik”, konsistonte në heqjen gjerësisht të taksave dhe në
modelimin e rregullave, duke rezultuar në një inflacion më të ulët por në një
borxh kombëtar të madh. Ai njihet gjithashtu për politikat me Bashkimin
Sovjetik, duke mos pranuar të ulte tensionet por e shihte palën kundërshtare
si “Perandoria e Djallit”. Ai arriti të negocionte me Kryeministrin sovjetik
Mikail Gorbaçov për të reduktuar arsenalin e armëve bërthamore për të dy
vendet dhe t’i jepte fund paqësisht Luftës së Ftohtë
26