Manual mbi Identitetin dhe Ideologjine e Partive Politike.pdf

Europa Qendrore &
Lindore
Meqë shtetet e Europës Qendrore dhe Lindore kanë kaluar nga regjimet
komuniste në demokraci të qëndrueshme, NDI ka ripërcaktuar
strategjinë për sa i përket asistencës, duke zvogëluar praninë e saj në
Bullgari dhe Rumani në mënyrë që të reflektonin rolin e ri të ofruesve
të asistencës. NDI i jep gjithashtu një prioritet Ballkanit perëndimor, ku
shtetet kanë vështirësi për të zgjidhur konfliktet etnike, të promovojnë
qeveri transparente dhe gjithëpërfshirëse, si dhe të bëjnë pjesë në
komunitetin Euro-Atlantik.
Deklarata e Pavarësisë së Kosovës në Shkurt të vitit 2008 hapi kapitullin e fundit të
shpërbërjes së Jugosllavisë dhe shkaktoi një termet politik që akoma po tund Moskën,
Brukselin dhe Uashingtonin. Transigjenca e Serbisë për sa i
përket Kosovës, me të gjitha gjasat do të pengojë
progresin demokratik dhe do të shkaktojë destabilitet në
rajon. Elektorati i Serbisë mbetet i ndarë mes reformatorëve
pro-Evropian dhe nacionalistëve të frymëzuar nga ish
Presidenti Jugosllav Sllobodan Milloshevic. Republika Srpska
e Bosnjës ka vazhduar retoriken e saj mbi shkëputjen, jo vetëm
duke kërcënuar perspektivat e vendit për anëtarësimin në BE
por duke vënë në pikëpyetje integritetin e shtetit. Ndërsa,
mospranimi në NATO i Maqedonisë në prill të 2008-ës për
shkak të debatit me Greqinë lidhur me emrin e fut rajonin në
një pasiguri më të madhe.
Marja Bijl nga Partia e Punës Sociale
Hollandeze diskuton procesin e zhvillimti të
politikave të partisë së saj para liderëve të 10
partive social-demokrate në Ballkan. NDI
organizoi një aktivitet në Beograd, në Mars të
2008 në bashkëpunim me fondacionet e partive
socialdemokrate nga Hollanda, Suedia dhe
Greqia. Aktiviteti është pjesë e iniciativës rajonale
të NDI-së për të asistuar partitë e qendrës së
majtë, liberale dhe ato konservatore në Ballkan
mbi reformat në kontekstin e integrimit Europian.
Pavarësisht presioneve politike, këto shtete janë duke ndërtuar institucionet demokratike për të adresuar problemet e mëdha
të konfliktit etnik, kapacitetet e dobëta në qeverisje, ekonomitë e paqëndrueshme dhe korrupsionin. Mbështetja e
demokracisë ofron mundësi për të zgjidhur këto sfida për një afat kohor të gjatë duke krijuar sisteme politike të hapura,
pjesëmarrëse, përgjegjësi dhe së fundi të qëndrueshme.
NDI dhe partnerët e tij i kapërcejnë këto barriera, të cilat mund të jenë me natyrë etnike,
gjinore ose politike, për të krijuar një marrëdhënie mes qytetarëve dhe qeverisë duke
mbështetur parlamentet, duke udhëzuar partitë politike, organizatat jo fitimprurëse (OJF) dhe
grupet civile. NDI asiston parlamentet për ta bërë procesin legjislativ më transparent për
qytetarët me anë të seancave publike dhe dyerve të hapura, dhe deputetët po punojnë me NDInë
për të hapur zyra të reja zgjedhore në mënyrë që të bashkëveprohet direkt me qytetarët që
ata përfaqësojnë. Programeve lokale të NDI-së i shtohen dhe iniciativat rajonale novatore për
të rritur pjesëmarrjen politike të Romëve, nxitjen e tolerancës ndër-etnike, si dhe për të
krijuar mundësi shkëmbimi dhe mësimi ndërmjet parlamenteve përmes shkëmbimeve të stafit
parlamentar mbi procesin legjislativ dhe mbikëqyrjen e ekzekutivit.
Programet e NDI janë të financuara nga Agjencia Amerikane për Zhvillimin Ndërkombëtar; Ndihma Amerikane për
Demokraci; Departamenti i Shtetit Amerikan, Byroja për Demokraci, të Drejtat e Njeriut, dhe të Punës; Qeveria e
Zvicrës; dhe Instituti i Shoqërisë së Hapur. Instituti përfiton nga partneriteti me Këshillin e Europës dhe me
Organizatën për Siguri dhe Bashkëpunim në Europë si dhe me mbështetjen e misionit të BE-së dje ambasadave
Europiane.
Për më shumë informacion mbi programin e Europës Qendrore dhe Lindore, ju lutem kontaktoni Rob
Benjamin në robben@ndi.org ose Catherine Messina Pajic në cpajic@ndi.org