Manual mbi Identitetin dhe Ideologjine e Partive Politike.pdf

Që nga formimi në
vitin 1983, Unioni
Demokrat
Ndërkombëtar 7
(IDU) ka vepruar
si shoqatë
e partive politike të qendrës dhe të
qendrës së djathtë. Themeluesit e
organizatës përfshijnë Margaret
Thatcher, George H.W. Bush, Jacques
Chirac, dhe Helmut Kohl. Prej 20
viteve që nga krijimi, IDU ka në gjirin
e saj 80 parti anëtare nga mbi 60
shtete. Partitë konservatore,
Demokristiane dhe parti të tjera të
ngjashme që formojnë anëtarësinë e
IDU ndajnë idenë e demokracisë
liberale, lirisë së individit dhe rolit të
iniciativës së individit si dhe
mbështesin ekonominë dhe
konkurrencën e lirë për zhvillimin
ekonomik.
IDU si një organ i plotë, dhe si Union
e Organizatë Rajonale mblidhet
rregullisht. Në Takimin Ekzekutiv,
merren në konsideratë partitë që kanë
aplikuar për t’u bashkuar dhe jepen
raporte dhe informacione. Çdo tre-
katër vjet mbahet Takimi i Liderëve
Partiak ku zgjidhen oficerët e IDU.
IDU mban aktivitete vjetore siç është
Forumi i Liderëve të Rinj. IDU
organizon një aktivitet çdo katër vjet i
cili përkon me Konventën
Republikane në Shtetet e Bashkuara.
Aktivitete të tjera të IDU-s përfshijnë
organizimin e seminareve për fushata
për politikanët dhe anëtarët e partive
duke bërë që partitë e qendrës së
djathtë të ndajnë eksperiencat e tyre
për të arritur suksesin.
Unioni Demokrat Internacional (IDU)
Deklarata e Parimeve, Londër 1983
Duke marrë parasysh bindjet e përbashkëta që shoqëritë demokratike i
ofrojnë individëve në botë kushtet më të mira për një hapësirë politike të lirë,
liri personale, mundësi të barabarta dhe zhvillim ekonomik nën shtetin ligjor;
dhe si rrjedhim,
Të Qenit i Angazhuar për të përparuar me vlerat shoqërore dhe politike mbi
të cilat bazohen shoqëritë demokratike, duke përfshirë lirinë bazë personale
dhe të drejtat themelore të njeriut, sipas Deklaratës Universale të të Drejtave
të Njeriut; veçanërisht e drejta e fjalës së lirë, organizimi, asambleja dhe
disidenca pa dhunë; e drejta e zgjedhjeve të lira dhe liria për të organizuar një
opozitë parlamentare efektive ndaj qeverisë; e drejta për media të lirë dhe të
pavarur; liria e besimit fetar; barazia para ligjit; mundësitë dhe prosperiteti
individual,
Duke marrë parasysh bindjet e përbashkëta në një shoqëri të hapur, ku
pushteti është i ndarë mes institucioneve të lira, i përkushtuar në krijimin e
kushteve që do i mundësojnë secilit individ të arrij potencialin e plotë dhe të
mbajë përgjegjësitë e tija; dhe ku është detyra që qeveria t’i shërbejë individit
dhe të ruaj dhe të promovojë lirinë e tij; dhe njëherazi
Duke i vënë theksin organizimit të një shoqërie të lirë dhe të hapur, duke
mbështetur institucionin e familjes si një forcë thelbësore dhe kohezive,
gjithashtu dhe përgjegjësinë sociale drejtë të dobëtëve dhe të pafatëve, duke
inkurajuar veçanërisht ndërmarrjet individuale dhe zgjedhjen në ofrimin e
shërbimeve;
Të Qenit i Dedikuar ndaj një shoqërie ku individët punojnë së bashku për të
mirën e përbashkët;
Duke marrë parasysh bindjet e përbashkëta që demokracia në politikë dhe
prona private janë elementë të pandarë dhe ekonomia e tregut e orientuar nga
shoqëria ofron mjetet më të mira për të ngritur pasurinë dhe prosperitetin
material për të plotësuar aspiratat legjitime të individëve, dhe lufta e së keqes
shoqërore si papunësia dhe inflacioni;
Duke Besuar se kjo është mënyra më efektive për të mundësuar lirinë për
iniciativën dhe ndërmarrjen individuale, zhvillimin ekonomik përgjegjës,
mundësitë e punësimit, taksat e ulëta dhe zgjedhjen e konsumatorit;
Duke marrë parasysh kërcënimet nga ekstremi i Majtë dhe i Djathtë;
Refuzimi i çdo lloj forme totalitarizmi, i cili sjell shumë vuajtje dhe kufizime
të lirive sot,
Duke marrë parasysh detyrat e rëndësishme globale të cilat e bëjnë të
nevojshme dhe të dëshirueshme një bashkëpunim të ngushtë dhe efikas të
partive të tyre, të frymëzuar nga bindjet e tyre;
Angazhimi për të punuar për një bashkëpunim edhe më të ngushtë mes të
gjithë njerëzve nga kombet demokratike, ndërsa njihen të drejtat e secilit komb
që kë për të ruajtur identitetin e tij dhe interesat jetësore, për të përdorur
ndikimin dhe vlerat politike të sipërpërmendura për të mirën e botës,
veçanërisht duke promovuar përgjegjësitë e ndërsjella të të gjitha kombëve për
zhvillimin ekonomik global;
Përkushtimi për një botë ku mbizotëron liria dhe paqja;
Deklarim i Mëtejshëm që kauza e paqes do të promovohet në përputhje me
parimet e shprehura në këtë Deklaratë; dhe
Ftesa e partive të tjera për t’u regjistruar;
Rënia dakord që të krijohet një grup pune për të ndjekur ideologjitë e
përbashkëta, të referuara si UNIONI DEMOKRAT INTERNACIONAL.
IDU Secretariat: P.O. Box 1536 Vika/N-0117 Oslo/Norway/Tel: +47 2282 90000
http://www.idu.org
30