Manual mbi Identitetin dhe Ideologjine e Partive Politike.pdf

Iniciative Rajonale e Partive Politike të EQV
Socialdemokratët në bashkëpunimin rajonal:
Qendrat dhe Fondacionet e Trajnimit të Prtive
Politike
Iniciativa rajonale e NDI-së mbi partitë politike po financon një aktivitet me 15-16 Mars 2008 në Beograd,
Serbi në bashkëpunim me Qendrën Ndërkombëtare Olof Palme të Socialdemokratëve në Suedi,
Fondacionin holandez Alfred Mozer dhe qendrën e trajnimit të Lëvizjes Socialiste greke Panhelenike
(PASOK). Aktiviteti ka si qëllim t’i asistojë partitë politike socialdemokrate të Europës juglindore që të
adresojnë çështje të zhvillimit politik dhe të trajnimit të partive përmes fondacioneve të partive politike ose
të qendrave të trajnimit. Iniciativa rajonale e partive politike e Institutit, me fonde nga Ndihma Amerikane
për Demokraci, po ndihmon partitë që të qartësojnë dhe të zhvillojnë agjendat politikat që reflektojnë vlera
ideologjike dhe orientime politike, në kuadër të rrymave partiake në Europë dhe partive simotra në Ballkan.
Seminari rajonal do të nxis bashkëpunimin mes partive socialdemokrate në Ballkanin Perëndimor, meqë
pjesëmarrësit do të ndajnë eksperiencat dhe sfidat që janë hasur gjatë ngritjes së institucioneve partiake, të
krahasojnë format dhe funksionet e organizatave dhe të përcaktojnë praktikat më të mira për vendosjen dhe
implementimin e tyre.
Zhvillimi i Politikave dhe Trajnimi i Partive: Qëllimi, Funksioni dhe Roli
Partitë në Europën juglindore po gjejnë mënyrat për të përmirësuar proceset e zhvillimit të politikave
dhe të hartojnë mekanizmat e komunikimit dhe të trajnimit, disa duke krijuar fondacione partiake,
institute kërkimore, ose qendra trajnimi. Seminari do të fokusohet, nëse këto institucione të lidhura me
partitë veprojnë si institute kërkimore, në mënyrë që të bëjnë kërkime dhe të zhvillojnë platformat
politike, të analizojnë rolin e tyre në qartësimin dhe edukimin e anëtarëve të partisë mbi identitetin
socialdemokrat. A do të veprojnë ato si fondacione politike për të koordinuar marrëdhënien e partisë me
vendet e tjera? A do të veprojnë ato si qendra trajnimi për edukimin politik e anëtarëve të rinj ose të
kandidatëve të partive? A do të kenë ato përgjegjësi për edukimin politik në parti? Çdo pyetje është një
funksion i dobishëm i organizatave të reja partiake dhe asnjë nuk është reciprokisht e veçantë për të
tjerat. Megjithatë, funksioni institucional duhet të jetë i qartë, konkret dhe i implementuar nga ana
strategjike për këto institucione që t’i japin një kontribut të rëndësishëm zhvillimit të partive politike.
Zhvillimi i Politikave dhe Trajnimi i Partisë: Struktura Organizative
Këto institucione të reja vazhdojnë të përballen me shumë sfida, kryesisht me rolin e tyre vis-a-vis me
strukturën e partisë dhe mandatin e tyre brenda partisë. Seminari do të shqyrtojë shkallën me të cilët
janë të integruara institucionet dhe sa zgjatet mandati i tyre në lidhje me partinë. Disa institucione
marrin një dimension ndërkombëtar ashtu si institucioni përfaqësues i partive të tjera socialdemokrate
në rajon dhe Europë. Këto institucione kanë mundësinë të marrin rolin e koordinimit të mbështetjes së
donatorëve, duke konsideruar shpërndarjen e burimeve të asistencës ndërkombëtare mbi partitë politike
në Evropën juglindore. Kjo propozon një pyetje tjetër të rëndësishme: fondet a do të vinë nga vetë partia
apo nga mbështetja e donatorëve?
Qëndrueshmëria Institucionale
Edhe pse çështja e formimit dhe funksionit është elementi themelor me të cilin ballafaqohen partitë
politike që kërkojnë të ndërtojnë institucionet, sfida të tjera mbesin për të siguruar këto institucione të
jenë efektive dhe të qëndrueshme brenda partisë së tyre. Si mund të krijojnë partitë fondacione të
qëndrueshme dhe qendra trajnimi? Ndërsa partitë pjesëmarrëse janë në faza të ndryshme të procesit të
zhvillimit të institucioneve të tyre, institucionet akoma përfaqësojnë një potencial të madh për
koordinimin dhe bashkëpunimin mes partive. Ata gjithashtu mund të shërbejnë si një forum i
vazhdueshëm për të ndarë burimet, idetë, trajnerët dhe materialet. Ky seminar përfaqëson një pikë nisje
për dialogun e vazhdueshëm mes partive socialdemokrate në rajon duke njohur nivelin e zhvillimi që
secili institucion partiak ka arritur.
58