Manual mbi Identitetin dhe Ideologjine e Partive Politike.pdf

Politika të Përbashkëta të Partive Politike Liberale
Me burime të marra pjesërisht nga Enciklopedia e Demokracisë, vol.5, Seymour Martin Lipset
Fusha Politike Platforma Liberale/Programi i Politikave
Ekonomia E drejta e pronës dhe liria për të bërë kontrata është baza e të gjitha lirive. Nuk duhet të
ketë ndërhyrje nga qeveria në ekonomi pasi ajo prish balancat e tregut të lirë. Kufijtë
tregtar dhe subvencionet e qeverisë te bizneset duhet të hiqen sepse ato pengojnë efektet
pozitive të tregut të lirë në tregjet ndërkombëtare.
Taksat Taksat duhet të jenë të kufizuara sa më shumë, vetëm të prokurohen fonde mjaftueshëm
për të mundësuar shtetin të ofrojë shërbime jetësore.
Tregu Tregu i lirë është opsioni ekonomik më i mirë dhe çdo kush fiton nën këtë sistem. Çdo
barrierë në treg shkakton humbje të pakthyeshme në tregun ndërkombëtar dhe atë të
brendshëm.
Racizmi Racizmi kërcënon të drejtat individuale. Shoqëria duhet të bazohet në mundësitë e
barabarta të njerëzve, dhe nuk duhet diskriminuar bazuar në racë, gjini, etni apo kulturë.
Shteti nuk duhet të imponojë rezultatin cilësor përmes kuotave të punësimit për gratë
apo minoritetet.
Mjedisi Mjedisi duhet të mbrohet nga dora e njeriut dhe ato zona që janë dëmtuar duhet të
riparohen. Bashkëpunimi me bizneset duhet të rregullojë masat e ruajtjes mjedisore dhe
zhvillimi i qëndrueshëm duhet të forcohet me ligj.
Siguria Shoqërore Duhet një rrjet i sigurisë për të mbrojtur ata që janë të sëmurë, të moshuar, ose të
margjinalizuar.
Emigracioni Nuk ka konsensus për të drejtën e shtetit për të kufizuar fluksin e emigracionit. Individët
duhet të gëzojnë lirinë për të udhëtuar brenda dhe në shtete të ndryshme.
Politika e
jashtme
Ka dallime mes liberalëve për sa i përket marrëdhënieve ndërkombëtare:
Mbështesin Kombet e Bashkuara dhe institucionet ndërkombëtare për të parandaluar
luftërat.
Kundër ndërhyrjes dhe skeptike për përdorimin e sigurisë kolektive.
Qytetaria Diversiteti konsiderohet të jetë një kusht paraprak për drejtësi.
Politika
shoqërore
Të drejtat e
njeriut
Liria duhet e jetë e barabartë për çdo qytetar. Disa standarde të kujdesit shëndetësor dhe
të arsimimit duhet të jetë të njëjta për të gjithë qytetarët, ndërsa ka dallime mes liberalëve
për sa i përket mënyrës së shpërndarjes nga qeveria të këtyre shërbimeve, në një mënyrë
për të balancuar si përgjegjësinë individuale ashtu dhe atë kolektive. Shteti nuk duhet të
përcaktojë vlerat personale, qofshin ata fetare apo të stilit të jetës.
Të drejtat e njeriut janë universale. Dënimi kapital është çnjerëzor dhe duhet hequr.
Liberalizmi Politik në Histori:
Magna Carta
Magna Karta Liberatatum është një kartë e famshme angleze që u hartua në vitin 1215 si
rezultat i mosmarrëveshjeve mes Papës Inoçenti III, Mbretit John, dhe baronëve anglez në
lidhje me të drejtat e Mbretit. Magna Karta ishte një dokument revolucionar që tregonte
liberalizmin politik, duke mbrojtur të drejtat e individëve në një sistem monarkik dhe duke
deklaruar që veprimet e mbretit duhet të lidhen me ligj. Kjo ndikoi në krijimin e konceptit
“shteti ligjor” dhe ka qenë një ndër dokumentet më të rëndësishëm në historinë
demokratike.
39