Manual mbi Identitetin dhe Ideologjine e Partive Politike.pdf

Përse ekzistojnë Partitë Ndërkombëtare?
Partitë Ndërkombëtare janë grupe të mëdha partish nga e gjithë bota që kanë ideologji të ngjashme
të bashkuara nga misione të përbashkëta. Këto organizata shërbejnë si rrjete për partitë politike për
të mësuar nga njëra tjetra dhe gjithashtu për të promovuar ideologjinë e tyre në një nivel global. Ato
i ofrojnë anëtarëve kuadër pune për shkëmbimin e ideve dhe për veprime të përbashkëta, si dhe
ofrojnë ndihmë praktike për partitë politike shpesh në formën asistencës teknike. Partitë
ndërkombëtare gjithashtu promovojnë dhe ndihmojnë t’i japin formë partive politike të
sapoformuara në demokracitë në zhvillim.
Janë katër parti kryesore ndërkombëtare:
Internacionalja Demokrate e Qendrës(CDI) (http://www.idc-cdi.org/),
Internacionalja Liberale (LI) (http://www.liberal-international.org/),
Internacionalja Socialiste (SI) (http://www.socialistinternational.org/main.html)
Unioni Internacional Demokrat(IDU) (http://www.idu.org/).
NDI punon me tre parti kryesore të mëdha: CDI, LI dhe SI. Ndërsa qëndrimi zyrtar i NDI-së
ndryshon në secilin grup, Instituti është organizata e vetme që njihet nga të tri partitë. Partia
Republikane Amerikane është anëtare e partisë internacionale të katërt, IDU. Anëtarët e partisë së
CDI dhe të IDU përputhen njëra me tjetrën, sa që disa kanë anëtarësi të dyfishtë.
Për tu pranuar në një nga partitë ndërkombëtare nuk aq e shpejtë apo e thjeshtë; procedura e
aplikimit mund të jetë e gjatë dhe konkurruese. Partitë duhet të tregojnë se kanë një platformë që
përputhet dhe shpesh anëtarësia duhet të aprovohet nga Kongresi i Partisë, i cili ndodh çdo dy apo
tre vjet.
Fragment nga prezantimi i Richard Normington, ish Sekretar i Përgjithshëm, IDU, mbi
“Standardet për Anëtarësi në Partitë Politike Ndërkombëtare.”
Pse duhet të bëheni pjesë e një partie ndërkombëtare?
• Status dhe njohje ndërkombëtare, veçanërisht për anëtarët e rinj;
• Ndarje e informacionit mbi fushatën;
• Ndihmë e drejtpërdrejtë politike; dhe
• Sistemi i identifikimit “Miq dhe Armiq” për bazat e partisë.
Anëtarët e Partisë ndërkombëtare duhet...
• të ndajnë vlerat dhe qëllimet e Ndërkombëtarëve përkatës;
• të përfaqësohen në nivel kombëtar ose të kenë një prezencë të nivelit të lartë në rajon;
• Të kenë një strukturë partiake demokratike; dhe
• të kenë mbështetjen e anëtarëve ekzistues të partive ndërkombëtare.
Si mund të anëtarësohem në një parti ndërkombëtare? – shembulli i IDU...
“Partitë që duan të bëjnë pjesë në IDU mund të kenë të paktën një parti anëtare për ta mbështetur atë. Anëtari do ta informojë
IDU-në për aplikantin dhe do ta drejtojë atë përgjatë procesit të pranimit. Partitë aplikuese duhet:
• Të mbështesin Deklaratën e Parimeve të Londrës për IDU (1983);
• Të dërgojnë një letër nga Lideri i Partisë ose nga kryetari duke i kërkuar për anëtarësim;
• Të dërgojnë një kopje të statuteve të partisë dhe të rregullores;
• Të dërgojnë një manifest zgjedhor ose politikat për shqyrtim;
• Të kenë mundësi të paguajnë kuotën e anëtarësimit; dhe
• Të ftojnë IDU-në për të vizituar partinë për të faktuar çdo gjë.
Miratimi jepet nga Ekzekutivi, bazuar në unanimitet dhe konfirmuar nga Konferenca e Liderëve Partiak.”
50