Create successful ePaper yourself
Turn your PDF publications into a flip-book with our unique Google optimized e-Paper software.
E enjte, 20 shtator 2012<br />
Mielli ishte gjëja më e mençur që mund të zgjidhej. Së pari,<br />
sepse është paqësor, madje nuk iu hodh Kryeministrit as<br />
direkt në trup, por mbi makinën e tij. Së dyti, sepse ky miell<br />
e ka një simbolikë, përveç asaj se është një mjet paqësor<br />
proteste: ai është materiali me të cilin bëhet buka.<br />
Mbi qesen<br />
me miell<br />
Fatos Lubonja<br />
Shumë lexues më kanë kërkuar të shprehem, si<br />
ish-i burgosur politik, lidhur me incidentin e qeses<br />
me miell që iu hodh Kryeministrit nga ish-të përndjekurit<br />
Skënder Tufa dhe Agim Kollçaku. E para gjë<br />
që dua t’ju them është se solidarizohem me qesen<br />
me miell. Është minimumi i protestës që mund të<br />
bëjë kategoria e ish-të burgosurve kundrejt mosmbajtjes<br />
së premtimeve që i ka bërë kjo maxhorancë,<br />
dhe, më keq akoma, ndaj mënyrës tallëse dhe fyese<br />
me të cilën i ka trajtuar ata. E them këtë edhe sepse<br />
disa ditë para se të ndodhte incidenti takova një ishbashkëvuajtës<br />
që më tha diçka e cila më la në një<br />
shije shumë të hidhur. Atij i kujtohej se në fi llimivitet<br />
‘90, si sekretar i Komitetit Shqiptar të Helsinkit,<br />
isha bërë ndërmjetës edhe për sjelljen e një sasie<br />
pakosh me ndihma. Qenë disa pako kartoni, brenda<br />
të cilave kishte diçka si dy pako makarona, ndonjë<br />
pako oriz, ndonjë pako sheqer, ndonjë konservë;<br />
pra gjithë-gjithë, disa kile ushqime. I solli Caritas-i<br />
i Vjenës dhe i shpërndau Shoqata e ish-të Përndjekurve,<br />
e sapokrijuar asokohe.<br />
“A ke mundësi të na lidhësh me ndonjë shoqatë të<br />
tillë?” – më tha ish bashkëvuajtësi tashmë i thinjur.<br />
Të them të drejtën, hapa sytë. I thashë se s’më dukej<br />
se ishte më koha e të tilla ndihmave. “Nuk ditke<br />
gjë, – më tha, – më vjen keq, por i paske humbur<br />
lidhjet me ish-bashkëvuajtësit”.<br />
U largova me një hidhësirë në shpirt e me mendimin<br />
se kushedi se çfarë do të thoshte ai kur të<br />
takonte atë pjesë të ish-bashikëvuajtëve me të<br />
cilët paskam humbur lidhjet sepse për ish-të burgosurit,<br />
solidariteti i kohës së vuajtjes mbetet më i<br />
rëndësishëm se e tashmja, madje i kapërcen edhe<br />
afi liacionet politike. E, pra, s’mund të mos kujtohesha<br />
edhe një herë se kjo maxhorancë ka hartuar<br />
një ligj përpara disa vjetësh, sipas të cilit, një ish-të<br />
burgosuri i takon të marrë për çdo vit të humbur<br />
në burg, në moshën e energjive më të mira, duke<br />
qenë i pafajshëm, një shumë lekësh që, po të ketë<br />
familje sot, mund të konsiderohet (e ndarë në muaj<br />
e ditë), si niveli i minimumit jetik për një familje.<br />
Sipas ligjit, kjo shumë do të jepej në tetë vjet, në tetë<br />
këste. Kanë kaluar mbi pesë vjet dhe është dhënë<br />
vetëm kësti i parë, që kuptohet se është ngrënë me<br />
kohë nga ata që e kanë marrë. Pastaj e modifi kuan<br />
ligjin dhe thanë se do t’ua jepnin atyre që kanë<br />
kaluar 85 vjeç dhe pastaj (pasi u tall edhe opozita<br />
vetë, që konsiderohet si partia e persekutorëve të<br />
tyre, me këtë vendim) e bënë për ata që kanë kaluar<br />
65 vjeçët. Në fakt, qysh nga mënyra se si i sorollatën<br />
ish-të burgosurit zyrë më zyrë për të plotësuar dokument<br />
pas dokumenti për të provuar se kishin<br />
qenë në burg politik – ndërkohë që shteti i kishte të<br />
gjitha të dhënat për këtë – shumë ish-të burgosur e<br />
kuptuan se kishim të bënim me një mashtrim, me<br />
një tallje dhe arrogancë të pamerituar ndaj një jete<br />
të kaluar në mjerim. Dhe ky mashtrim, kjo tallje,<br />
unë them se një qese me miell sot e ka shumë pak.<br />
Së dyti: një qese me miell është një formë proteste<br />
që në vendet demokratike duhet të konsiderohet<br />
gjëja më normale. Kam asistuar personalisht në<br />
situata kur politikanët janë qëlluar me domate<br />
me vezë nga turma protestuesish, dhe asgjë nuk<br />
ka ndodhur. Policia thjesht nuk ka lejuar konfrontimin<br />
fi zik. Kurse këtu te ne, sikur u bë kiameti.<br />
Dëgjon, madje, edhe nga ata që thonë se ata që e<br />
kanë hedhur duhet të jenë të çmendur. Jo, po ta<br />
mendosh thellë-thellë, të del se më të çmendur<br />
janë ata që i janë adoptuar një realiteti të tillë, ku<br />
mashtrimi dhe fyerja që i bën pushteti qytetarit<br />
pranohet si normale.<br />
Mielli ishte gjëja më e mençur që mund të zgjidhej.<br />
Së pari, sepse është paqësor, madje nuk iu<br />
hodh Kryeministrit as direkt në trup, por mbi makinën<br />
e tij. Së dyti, sepse ky miell e ka një simbolikë,<br />
përveç asaj se është një mjet paqësor proteste:<br />
ai është materiali me të cilin bëhet buka. Pra,<br />
zgjedhjen e tij duhet ta kuptojmë si dhënie të mesazhit<br />
se kjo qeveri e ka katandisur këtë kategori<br />
për bukën e gojës.<br />
Është tejet shqetësuese kur dëgjon në lajme se<br />
për shkak të këtij incidenti na qenkan keqtrajtuar<br />
protestuesit dhe qenkan shkarkuar ndonja njëzet<br />
policë, pasi nuk paskan qenë në lartësinë e detyrës<br />
së ruajtjes së Kryeministrit. Kjo do të thotë që në<br />
vend që të refl ektohet edhe një herë për atë që ka<br />
bërë dhe nuk ka bërë klasa politike ndaj kësaj kategorie,<br />
zgjidhet rruga e konfrontimit me dhunë policore<br />
dhe frikësim. Sipas meje, e para gjë që duhej<br />
bërë duhet të ishte refl ektimi mbi këtë gjendje të<br />
kësaj kategorie dhe dhënia e një përgjigjeje serioze<br />
dhe të përgjegjshme se pse nuk është respektuar<br />
ai ligj që u aprovua nga vetë kjo maxhorancë. Së<br />
dyti, do të duhej të refl ektohej ca më shumë për<br />
shkaqet e kësaj mungese serioziteti në përmbushjen<br />
e premtimeve, se çfarë ka bërë kjo klasë politike<br />
me paranë publike, me privatizimet e pronës<br />
së përbashkët? Dhe më gjerë akoma, kjo qese me<br />
miell duhet të na bëjë të refl ektojmë për dehumanizimin<br />
e politikës nga një pakicë që kontrollon fatet<br />
e vendit në atë shkallë sa po bëhet gjithnjë e më e<br />
pandjeshme për gjithçka tjetër që ekziston jashtë<br />
oborrit të vet privat; duke ngritur edhe mure reale<br />
dhe virtuale për ta ndarë këtë oborr prej njerëzve<br />
pa e kuptuar se kjo jo vetëm është e pamundur, por<br />
edhe burim tragjedish.<br />
Eja në<br />
IPKO<br />
dhe<br />
merr falas!<br />
Bleni numër të ri, për<br />
vetëm 3€ me<br />
3€ mbushje dhe<br />
merrni FALAS:<br />
1000 MIN, 1000 SMS<br />
ose 1000 MB,<br />
sipas zgjedhjes tuaj.<br />
3