You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
24<br />
shkurteshqip<br />
Shkurt e shqip / e-mail: shkurteshqip@gazetaexpress.com<br />
tel: 038 76 76 76, fax: 038 76 76 78 adresa: Dardania 1/1 , Prishtinë<br />
Komentet e lexuesve në <strong>Express</strong> Online<br />
<strong>Express</strong>, 19 shtator 2012<br />
Dyshojnë<br />
në legjitimitet<br />
Babloku<br />
Z.Kuqi, legjitimitetin më të madh e ka Presidentja, kur po e krahasoj<br />
me juve të zgjedhurit nga popullit!<br />
Ken<br />
Mënyren se si është zgjedhur presidente Atifete Jahjaga me marrëveshjeve<br />
politike tani e ka rolin si një ushtrues detyre që tani ajo marrëveshje politike<br />
nuk po respektohet as nga ata që e kanë zgjedhur. Legjitimiteti është<br />
zero sikurse zgjedhja e Ramon Morines në ish sistemin e Milosheviqit.<br />
Beqa<br />
E lus zotëri Kuqin që të ma sqaroj se ku është dallimi në mes të legjitimitetit kushtetues<br />
e juridik dhe legjitimitetit demokratik!? Qeveritarët tonë vërtet mendojnë<br />
se ne hamë bar e mundohen të shkepin mjegull..mjegull...mjegull. Sa i<br />
perket fatit te presidentes nuk me intereseon aspak ajo pune, se kush bon pazar<br />
me dreqin ashtu edhe i del hesapi. Por me pengon kur qeveritaret ton, si<br />
ne këtë rast, japin deklarata që vërtet nuk kanë kurrfarë kuptimi!Deri kur!?<br />
Samiri<br />
Mos u nguteni se Haradini Kuci mire e ka cek se Atifetja nuk ka legjitimitet. ajo<br />
nuk u zgjodh si rezultat e votes se lire te qytetarëve-qe do te kishte legjitimitetin<br />
demokratik,ajo u zgjodh si presidente e përkohshme nga 4 persona dhe u<br />
votua ne parlament dhe gjykata kushtetuese e mbrojti si legjitime presidenten<br />
deri ne fund te mandatit-qe d.m.th.Legjitimitet juridik, e jo demoktratik nga se<br />
kushtetuta e Kosoves eshte jo demokratike por e imponuar nga te tjeret.<br />
Gzimi<br />
Po brengosen këta tanët që s’po ja jep ai dorën. Se çdo keqe që e keni mbjell po korrni<br />
tash edhe deklaratë e pavarësisë e pate lexu Thaçi ku mori roli e presidenti a ka pase<br />
legjitimitet se Presidenti është 1 po këta PDK po doj me ndryshu siç po ju vjen me<br />
mire e Kuqi a ka legjiminitet vete se dha dorheqje e veq e futi bishtin mese kembeve<br />
e u kthy prap pake burra ka ne politiken e kosoves qe kane b.... se shumica jane te<br />
dëgjueshëm ndaj huajve se jane pasuru me hajni e kta qe po doj me ndyshu diq jane<br />
VV po kta tane me huaje spo lene me qel syte se këtyre spo ju konveno e vërteta.<br />
Jaha<br />
Send s’ka prej saj as legjimitet as marre skish hiq me hanger<br />
djersen e popullit kjo ish katastrofë njeri.<br />
Big brother<br />
Në Kosovë askush nuk ka legjitimitet sepse vetëm 20% e popullsisë kanë dalë në<br />
votime. Këta të njëjtit politikan (janë rreth 20 individ), të të gjitha partive politike qe<br />
15 vjet dalin në televizor e në kuvend e mundohen veç me shit mend. A thua kur do ta<br />
kuptojn qe jan aq te mjer dhe bajat.Keta para se te dialogojn me Serbin se pari duhet<br />
te dialogojn me popullin te cilin per çdo dite po e varferojn,poshtrojn dhe po ja cenojn<br />
perdite e ma shume intigritetin personal,moralin,krenarin dhe atdhedashurin.<br />
Lumi<br />
me marrëveshje u ardhe po nuk do me shku zoja ne rregull vetëm i kishe propazu<br />
LDK mos lesho pe mos i voto ligjet ne parlament edhe pikë...<br />
Sqarim<br />
Opinionet e botuara në rubrikën "Shkurteshqip"<br />
nuk shprehin qëndrimet e redaksisë.<br />
<strong>Express</strong><br />
E enjte, 20 shtator 2012<br />
Grandiozët<br />
e Grandit<br />
Ndue Ukaj<br />
“Sundimtarët shqiptarë janë kusarë të<br />
mirë”, shkruante Eqrem Bej Vlora, në një<br />
artikull të botuem me 1930. Nga ajo kohë<br />
kur u shkrua ky artikull, na ndanë afro një<br />
shekull, ndërkaq politikanët shqiptarë,<br />
kudo hapësirave shqiptare, përveç se<br />
janë ba musketarë më të fortë, po ashtu,<br />
shumica prej tyre, janë kusarë të mirë e<br />
ma të zotë, dhe grandioz të epshëm me<br />
realizua çdo gjë që i vetëplotëson interesat<br />
tyre egoiste.<br />
Ka vite, qysh kur Kosovës i mungon<br />
atmosfera intelektuale, atmosfera kulturore,<br />
atmosfera artistike dhe atmosfera e<br />
shëndoshë politikë. Kjo gjendje anemike,<br />
prodhon vetëm lajme të këqija, që janë<br />
ba shujtë për qytetarin e mjerë, që zgjohet<br />
dhe bie duke u marrë me personazhet<br />
e jetës politike, që ja kanë nxi jetën.<br />
Kosovën dhe qytetarët e saj, i ka ngopur<br />
tej mase politika, e cila prodhon<br />
vetëm lajme te këqija, që rëndojnë jetën<br />
edhe ashtu të rëndë të qytetarëve tanë.<br />
Madje, edhe kur ndodh diçka e mirë, ajo<br />
mbështjellët menjëherë më tisin e zi të<br />
lajmeve të këqija, që zakonisht i prodhon<br />
politika. Kjo ka shkërmoq keq qytetarinë<br />
e këtij vendi, duke e detyrua ta zhvendos<br />
vëmendjen, nga problemet kardiake te<br />
shoqërisë, tek zyrat e qeverisë dhe parive<br />
politike, prej ku shumëzohen te këqijat e<br />
këtij vendi dhe për këtë vend.<br />
Prandaj, kush thotë se skena politike<br />
në vend është e ndarë dhe e përçarë, e<br />
ka shumë gabim. Shikoni telenovelën<br />
e Grandiozëve të Grandit. Përmasa e<br />
kësaj ngjarje, nuk duhet kuptuar, as tek<br />
3. 6 milionët e përfolur, as tek 8 milionët<br />
e kërkuar në mënyrë groteske. Përmasa<br />
e kësaj telenovele tragjike, s’ duhet<br />
reduktuar dhe assesi s’duhet kuptuar<br />
vetëm tek një objekt, që dikur ishte nga<br />
më të njohurit në kryeqytet dhe vend.<br />
Përmasa e kësaj ngjarje, është simbioza<br />
tragjikomike, që shpjegon qartë se<br />
morali politik në shoqërinë tonë është<br />
zero, që shpjegon qartë se biznesi është<br />
i pistë dhe se institucionet janë vende<br />
për zhvatje. Zhvillimet e fundit rreth këtij<br />
objekti, tregojnë qartë se për ta vjedh<br />
shtetin, këtu ka kompromise të plota,<br />
mes pozitës dhe opozitës, mes pseudo të<br />
majtëve dhe pseudo të djathtëve, ndërsa<br />
për ta zhvat qytetarin e Kosovës, dallimet<br />
politike, shuhen sa çelë e mbyll sytë.<br />
Në fakt, Grandi është metafora e jetës<br />
sonë, qysh kur shtetin tonë e kanë kap<br />
përpara një kastë politikanësh sharlatanë,<br />
të cilët, krejt aksidentalisht janë<br />
gjend brenda portave të politikës.<br />
Ata din të jenë kusarë të zotë, të shantazhojnë,<br />
të korruptojnë të tjerët dhe të<br />
vetkorruptohen, të krijojnë klane dhe<br />
gjithfarë grupesh të tokës e nëntokës,<br />
por s’dinë të ofrojnë ide për shtetin stabil,<br />
s’dinë dhe s’duan me preventue korrupsionin,<br />
thjesht, ata s’dinë të krijojnë shtet<br />
për të gjithë.<br />
Në Kosovën e dërmuar, grandiozët e<br />
shtetit, ata që kanë kap fatin e qytetarit,<br />
nuk ndalen së talluri me fatin e një<br />
vendi, që çdo ditë thellohen në mjerim,<br />
ashtu sikurse Grandi, që për çdo vit e<br />
humb shkëlqimin e tij të dikurshëm.<br />
Këtë tallje, tashmë e shpërfaqën edhe<br />
njëherë hapur, disa sharlatantë që as një<br />
fjali politike, nuk din të artikulojnë qartë.<br />
Sikur të mos mjaftonin deformimet<br />
e panumërta që e zotërojnë jetën<br />
shoqërore e politike në vend, sikur të<br />
mos mjaftonte mjerimi dhe gjendja e<br />
rënd sociale, që është ba shujtë e përditshme<br />
për qytetarin e Kosovës, atij i<br />
duhet vazhdimisht të dëgjoj për aferat<br />
milionëshe të korrupsionit, nga ata që<br />
predikojnë moral politikë, nga politikanë<br />
që tallen me fatin e një populli të tërë.<br />
E nga kjo gjendje anemike, tashmë<br />
është ba vështirë të dilet. Mirëpo, një<br />
nga detyrat e para dhe imediate, për<br />
idealistët e një Kosovë tjetër, duhet me<br />
qenë lufta për liri te shpirtit, një lufte kjo<br />
që duhet ndjek pa kompromis, kundër<br />
plogështisë dhe erresinës se mendjes.<br />
Kjo betejë, synim duhet ketë tejkalim e<br />
të sotmes së mjerë, drejt një të ardhme<br />
ma të ndritshme. Po nuk u fi tua jo betejë,<br />
agonia shoqërorë do të zgjatet dhe në<br />
vendi do të thellohet në mjerim. Ndërkaq,<br />
kopetë politike, kuazo intelektuale,<br />
vetëm sa do te shtohen, duke u ba rrezik i<br />
brendshëm qe ha nga brenda shoqërinë.<br />
Kjo kastë, e ka shkërmoq qenien shqiptare,<br />
duke demonstrua çdo ditë, mosdije,<br />
arrogancë dhe papërgjegjësi.<br />
Nëse kthehemi dhe e analizojmë këtë<br />
gjendje nga perspektiva historike, shohim<br />
qartë se kjo gjendje dhe mentalitet<br />
sundimtarësh, nuk na është ndare<br />
që tash e një shekull. Poeti kombëtar,<br />
At Gjegj Fishta, në satirat e tij, kështu i<br />
stigmatizonte politikanët shqiptarë të<br />
kohës: "Ju rrugaca sallahana/ vagabonda<br />
shakllabana/... rricna t'ndyet, mikrobe<br />
të kqi/ qi të mjerës moj Shqipni/<br />
kthelltë hi i keni në mushkri/pa dhimbë<br />
gjakun tuj ia pi/ por der kur, bre batakçi!<br />
"(At Gjergj Fishta, Gomari i Babatasit,<br />
Metamorfoza)<br />
Është koha e fundit, me riedukue<br />
vetën për me kuptua ma mirë shtetin,<br />
për me dashur ma shumë kombin, për<br />
me punua ma shumë për tashmen dhe<br />
me projektua ma sigurt dhe me vetëdije<br />
të ardhmen. Thjeshtë, tani na duhet<br />
të kuptojmë se: “atdhetarizëm don me<br />
thanë dashuri për njerëz, dashuri të<br />
sinqertë, dashuri vepronjëse, dashuri<br />
ideale..." At Anton Harapi. Pa këtë postulate,<br />
ardhmja jonë shfaqet e mjegullt.