Create successful ePaper yourself
Turn your PDF publications into a flip-book with our unique Google optimized e-Paper software.
E premte, 22 tetor 2010 25<br />
kompjuterit. Kjo sindromë është<br />
duke prekur me të madhe, ndoshta<br />
edhe më me vrull, edhe<br />
familjen kosovare dhe fëmijët.<br />
Prandaj, do të ishte e rrugës që të<br />
parandalojmë ndikimin negativ<br />
të TV-së, duke u përkujdesur për<br />
kohën e qëndrimit të fëmijëve<br />
para televizorit dhe lojërave<br />
elektronike. Prindërit, por edhe<br />
edukatorët, janë faktorë kryesorë<br />
në këtë drejtim. Prindërit duhet t’i<br />
ndihmojnë fëmijët e tyre në aspektin<br />
pozitiv, duke u përfshirë në<br />
shikimin e përbashkët të TV-së,<br />
duke përzgjedhur programet dhe<br />
së bashku me fëmijët duke diskutuar<br />
për atë çfarë shohin - për të<br />
mirat, por edhe për anët e këqija.<br />
Ata duhet të përcaktojnë rregullat<br />
në raport me shikimin dhe kohën<br />
e qëndrimit para televizorit, si dhe<br />
ambientet ku qëndrojnë fëmijët<br />
kryesisht të ketë libra, revista të<br />
fëmijëve, lodra të ndryshme, etj.<br />
Por, assesi që në dhomat e gjumit<br />
të ketë TV dhe gjatë ngrënies të<br />
shikohet ai. Në qoftë se fëmijët<br />
duan të shohin TV-në, sugjeroni<br />
fëmijëve ndonjë lojë, shëtitje të<br />
vogël, lexoni së bashku me ta, le<br />
të vizatojnë ose të kenë ndonjë<br />
aktivitet që fëmijët kanë dëshirë<br />
të bëjnë, e pse jo edhe të dëgjoni<br />
muzikë e të vallëzoni së bashku<br />
me ta, etj. Pra, përdorni taktikën<br />
e orientimit pozitiv të dëshirave<br />
dhe të kërkesave të fëmijës. Samiu<br />
ynë i madh pat thënë: ”Fëmijës<br />
duhet dhënë atë që i duhet, jo atë<br />
që e kërkon”. Duhet shmangur<br />
situatën kur ne biem në pozitën<br />
e fëmijës, e fëmija në pozitën<br />
e prindit. Nëse ata përfitojnë<br />
ndjenjat dhe emocionet tona<br />
dhe në një mënyrë marrin frenat<br />
e komandimit në dorë, ndërsa<br />
ne si prindër vetëm plotësojmë<br />
dëshirat e tyre, nuk do të arrijmë<br />
që të ndërtojmë personalitete<br />
të përshtatshme për shoqërinë.<br />
Me këtë nuk do të nënkuptonim<br />
tutorizmin ose ndonjë formë të<br />
kontrollit të përhershëm mbi ta,<br />
por një zhvillim normal, mjedis<br />
kreativ dhe mbjellje të ndjenjës<br />
së përgjegjësisë në varësi me pozitën<br />
që zë fëmija në familje, kopsht,<br />
shkollë, e më vonë në rrethin<br />
e gjerë shoqëror. Jeta pa rregulla<br />
dhe papërgjegjësi nuk garanton<br />
ndërtimin e brezit të shëndoshë.<br />
Këtu bën pjesë patjetër edhe krijimi<br />
i mjedisit pedagogjik në raport<br />
me mjetet audiovizuele si dhe raportin<br />
e tyre me fëmijët, kohën e<br />
qëndrimit para ekranit, llojin dhe<br />
cilësinë e emisionit çfarë bën dhe<br />
nuk bën të jetë material edukativ<br />
për fëmijët.<br />
Edhe pse nganjëherë gjërat<br />
teorike është vështirë të zbatohen<br />
në praktikë nuk do të thotë<br />
se nuk është e domosdoshme<br />
të punojmë, të përpiqemi që të<br />
gjejmë rrugë, të debatojmë e të<br />
diskutojmë që ta ndërtojmë një<br />
urë, duke ndihmuar fëmijët që në<br />
këtë drejtim të zhvillojnë aftësitë<br />
dhe predispozitat e tyre.<br />
Një histori shqiptaro-europiane<br />
Leart Kola<br />
Së fundi, nga një sondazh i bërë<br />
në Ballkan për të matur mbështetjen<br />
që popujt kanë për integrimin<br />
në strukturat e BE-së, rezultoi që<br />
shqiptarët ishin më lart në përqindje<br />
se cilido vend tjetër. Aq i lartë<br />
është entuziazmi, saqë mund të<br />
themi se në Shqipëri nuk bëhet<br />
më fjalë për mbështetje, se kjo<br />
do të implikonte një lloj racionaliteti<br />
logjik. Mbështetje do të thotë<br />
që ti e ke të qartë projektin, e di<br />
se çfarë humb e çfarë fiton, e në<br />
fund vendos ta mbështesësh apo<br />
jo këtë projekt, që në rastin tonë<br />
është ai i Bashkimit Europian.<br />
Në Shqipëri bëhet fjalë për<br />
dashuri pa kushte, për një lloj<br />
magjepsjeje, e cila nëse do e dekonstruktonte<br />
në terma socialekonomikë<br />
projektin europian<br />
do ia prishte magjinë dashurisë.<br />
Kështu që shqiptarët vendosin<br />
që Bashkimin Europian ta dashurojnë<br />
pa kushte prej 20 vjetësh,<br />
pavarësisht se jo gjithmonë kanë<br />
marrë shenja reciproke nga vetë<br />
Bashkimi.<br />
Kjo sjellje politike në botën<br />
shqiptare nuk është e re, në fillim<br />
donim jugosllavët, madje dhe pse<br />
sot mund të duket e pamundur,<br />
në një intervistë për “Nju Jork<br />
Tajms” në vitin ‘45 Enver Hoxha i<br />
quante jugosllavët vëllezër të një<br />
gjaku me shqiptarët. Më pas pasoi<br />
dashuria pa kushte me Bashkimin<br />
e madh Sovjetik, e për ta mbyllur<br />
romancë maoiste, nën tam-tamet<br />
e vëllazërisë mes popullit shqiptar<br />
dhe atij kinez. Sheshi që qëndron<br />
në mes të Tiranës, që quhet<br />
“Skënderbej”, ka pritur e përcjellë<br />
turma të mëdha njerëzish e liderë<br />
popujsh që janë adhuruar me të<br />
njëjtën dashuri e janë sulmuar<br />
me të njëjtën urrejtje. Gjithë kjo<br />
ka ndodhur në një hapësirë kohore<br />
jo më shumë se 60-vjeçare. Pra<br />
nëse përdorim një shembull simbolik,<br />
një shqiptar me jetëgjatësi<br />
mesatare është stacionuar në atë<br />
shesh sistematikisht për të urryer<br />
apo dashuruar popuj, kultura e<br />
politika që përfaqësoheshin nga<br />
vende të ndryshme, pa e kuptuar<br />
realisht as pse po i dashuronte e<br />
as pse po i urrente.<br />
Pas viteve ’90, i vetmi diell që<br />
ndriçonte fytyrat e mendjet e<br />
shqiptarëve ishte Perëndimi. E<br />
ashtu si dhe me parë, diskutimi<br />
politik u mbush me shprehje<br />
për dashurinë ndaj Perëndimit,<br />
duke i konsideruar europianët e<br />
Brukselit si miqtë shekullorë të<br />
Shqipërisë!!!<br />
Në diskursin politik shqiptar<br />
të këtyre 20 vjetëve pluralizëm,<br />
jo vetëm që nuk ekziston ndonjë<br />
rrymë euroskepticizmi, jo vetëm<br />
që nuk ka një debat teknik mbi<br />
kushtet e integrimit në BE, por situata<br />
tashmë ka dalë nga kontrolli,<br />
duke u zhvendosur nga rrafshi<br />
logjik në atë metafizik.<br />
Liderët shqiptarë akuzojnë sot<br />
njëri-tjetrin për mungesë dashurie<br />
për Europën e Amerikën.<br />
Socialistët deklarojnë që ishin<br />
ata që e nisën procesin e asocimstabilizimit,<br />
pra janë ata dashuria<br />
ontologjike e Perëndimit, ndërsa<br />
liderët e Partisë Demokratike deklarojnë<br />
që janë ata që Perëndimi<br />
do më shumë, sepse në mandatin<br />
e tyre po jepet liberalizimi i vizave.<br />
Situata precipitoi aq shumë, sa<br />
pati festa e gëzime edhe në kohën<br />
e pranimit të aderimit të Shqipërisë<br />
në NATO, një institucion i një<br />
sikleti të domosdoshëm edhe<br />
për vetë europianët, që në thelb<br />
promovojnë vlera të paqes dhe<br />
humanizmit, pra u gëzuam edhe<br />
kur u bëmë pjesë e institucionit<br />
më paradoksal perëndimor.<br />
Pikërisht aderimi në këtë institucion<br />
në Tiranë u prit me festë e<br />
hare, koncerte që organizoheshin<br />
nga të katër anët e Shqipërisë. Një<br />
gosti gjigante për hyrjen në një koalicion<br />
ushtarak që eventualisht<br />
do të bëjë luftëra. Pra ne jo vetëm<br />
dashurojmë pa kushte Perëndimin<br />
dhe vlerat që ai propagandon,<br />
por dhe paradokset e tij.<br />
Kjo situatë orgjie ekzaltuese<br />
dashurie pro-perëndimore i shërben<br />
shumë lidershipit të sotëm<br />
politik në Shqipëri që nëpërmjet<br />
kartës së Bashkimit Europian<br />
krijon hegjemoninë e domosdoshme<br />
jo vetëm për të shtypur çdo<br />
lloj debati apo diskutimi për politikat<br />
që ata ndërmarrin (zakonisht<br />
justifikimi i politikave që nxjerrin<br />
në rrugë mijëra njerëz, mbyllin<br />
vendet e punës, apo shkatërrimin<br />
e pronës publike e quajnë<br />
kusht nga Bashkimi Europian).<br />
Shpeshherë kjo eurofili përdoret<br />
si mburojë e mirë për aferat jo<br />
shumë legjitime që zhvillon politika<br />
në pushtet, që nuk druhet të<br />
lakojë lehtazi direktivat e BE-së.<br />
Një shembull klasik për këtë<br />
është rasti i Gërdecit. Në një nga<br />
direktivat e NATO-s, kërkohej që<br />
Shqipëria të shkatërrojë armatimet<br />
e saj të vjetra. Menjëherë<br />
ministri i Mbrojtjes ia dha këtë<br />
të drejtë një kompanie shqiptare<br />
me bashkëpunëtorë amerikanë.<br />
Një prej fabrikave të demontimit<br />
shpërtheu duke vrarë 26 njerëz<br />
e duke plagosur qindra të tjerë<br />
vetëm pak km nga Tirana. Fabrika<br />
ishte e ndërtuar në një vend<br />
të banuar, pa asnjë kusht sigurie,<br />
ndërsa demontimi bëhej nga<br />
fshatarët e zonës, të cilët ishin të<br />
paspecializuar. Kjo sillte përfitime<br />
për politikanët në Shqipëri dhe<br />
bashkëpunëtorët e tyre amerikanë.<br />
Ministri i Mbrojtjes e justifikoi<br />
shpejtësinë me të cilën e dha<br />
këtë licencë, me kushtet që, sipas<br />
tij, paskësh vendosur NATO, duke<br />
ia veshur kështu me një shpullë<br />
perëndimore fytyrës së atyre që<br />
vendosën të vinin në diskutim një<br />
iniciativë të tillë.<br />
Fshati shqiptar sot është në<br />
një degradim total, prodhimet<br />
bujqësore shqiptare nuk e arrijnë<br />
dot tregun. Që pas marrëveshjes<br />
së imponuar të heqjes së tarifave<br />
doganore fqinjët tanë, por dhe<br />
vende të tjera të BE-së, zaptojnë<br />
çdo lloj tregu. Shqipërisë i ndalohet<br />
subvencionimi apo ndihma<br />
për fshatarët, gjë që nuk ndodh<br />
në vende të tjera. Në këto kushte,<br />
bujqësia shqiptare, një prej kolonave<br />
të pakta ende funksionale të<br />
ekonomisë sonë, është në një kolaps<br />
total. Gjendja po e shtyn fshatarin<br />
drejt një varfërimi ekstrem.<br />
Megjithatë, ajo që e rëndon<br />
situatën është perversiteti i imponimit<br />
të kësaj ideologjie në<br />
kushte gati utopike. Rregullat<br />
e BE-së nuk diskutohen, ata e<br />
kanë dashur këtë e ne nuk kemi<br />
rrugë tjetër veçse t’ua japim. Pra,<br />
fshatari shqiptar jo vetëm që nuk<br />
ndërhyn dot përballë kësaj hegjemonie,<br />
në mënyrë që të ndryshojë<br />
termat ekonomikë për të garantuar<br />
mbijetesën, por as që mundet<br />
t’i diskutojë ato në rrafsh publik.<br />
Ditët e fundit, nga Parlamenti<br />
Europian u hap drita jeshile<br />
për liberalizimin e vizave për<br />
Shqipërinë. Shpresa e fundit që<br />
po gatuhet në tryezat bosh të<br />
shqiptarëve është fakti që eventualisht<br />
në një të ardhme shqiptarët<br />
do të jenë pjesë e një tregu<br />
të madh pune, e kjo do të mund<br />
ta amortizojë plagën 20-vjeçare<br />
të shqiptarëve, atë të papunësisë.<br />
Ky “plan”, jo vetëm deklarohet nga<br />
politika zyrtare, por ka gjithashtu<br />
një mbështetje të madhe në<br />
popull. Në mendje mbahet ende<br />
Europa e pasur që do të pasurojë<br />
këdo që është në të.<br />
Mirëpo ky plan për punësimin<br />
është i kotë, jo vetëm kur shkojnë<br />
shqiptarët jashtë, por edhe kur<br />
vijnë të huajt këtu, për të investuar.<br />
Një shembull është eksperienca<br />
e kompanisë “Bechtel” në<br />
Shqipëri, kompani e kontraktuar<br />
nga shteti për të ndërtuar veprën<br />
më të madhe që pas rënies<br />
së komunizmit. Një rrugë që<br />
lidh Tiranën me skajin verior të<br />
vendit, kufirin me Kosovën dhe<br />
eventualisht me Prishtinën. Në<br />
ndërtimin e kësaj vepre kompania<br />
u detyrua të eksportonte<br />
forcë punëtore nga Turqia, edhe<br />
pse zona në të cilën po ndërtohej<br />
është më e varfra në Shqipëri, me<br />
nivelin më të lartë të papunësisë,<br />
25 deri në 30%. Por kompania nuk<br />
mund t’i punësonte vendasit, sepse<br />
rezulton që ata nuk kanë asnjë<br />
aftësi. Janë vetëm të papunë dhe<br />
kaq, totalisht të patrajnuar për t’u<br />
përshtatur me cilëndo industri<br />
moderne. Shqiptarët e papunë<br />
nuk dinë të përdorin asnjë mjet<br />
teknologjik e në shumicën e rasteve<br />
nuk kanë as patentë për drejtimin<br />
e makinës. Janë punëtorë<br />
krahu, si në Mesjetë. Kështu që në<br />
tregun e modernizuar europian<br />
kjo klasë e lënë në mëshirë të fatit<br />
nga shteti shqiptar, pa asnjë aftësi,<br />
do të rezultonte sërish e papunë<br />
dhe pse kësaj here e integruar në<br />
një territor gjeografik më të madh.<br />
Nuk ka asnjë dyshim nga ana<br />
tjetër, që Perëndimi, me vlerat e<br />
tij politike, sociale dhe kulturore,<br />
është sot rruga e vetme për t’u<br />
ndjekur nga shqiptarët. Nocioni<br />
modernist që propozon Perëndimi<br />
dhe filozofia përfaqësuese e tij<br />
është në thelb emancipimi dhe<br />
progresi shoqëror. Por në kushtet<br />
e gjendura, Shqipëria, siç do thoshte<br />
Stiglitz, është një varkë letre<br />
që përpiqet të kalojë oqeanin.<br />
Mbytja është e sigurt.<br />
Në këto kushte, shteti shqiptar,<br />
por mbi të gjitha institucionet<br />
europiane që janë ndërtuar për<br />
zhvillimin e këtij projekti, duhet<br />
domosdoshmërish ta zhvendosin<br />
vëmendjen prej diskursit thjesht<br />
legjislativ e të shkojnë në propozimet<br />
konkrete në terren. Programe<br />
trajnimi që do të krijonin aftësi për<br />
klasën punëtore shqiptare që të<br />
përshtatet me tregun e ri në të cilin<br />
po futet. Duhet synuar zhvillimi<br />
i kësaj klase jo vetëm në aspektin<br />
teknik, por dhe atë politik,<br />
nëpërmjet përfaqësimit sindikal.<br />
Kjo do të thotë që Europa duhet ta<br />
shohë urgjentisht përqasjen e saj<br />
neo-liberale të tregut të lirë, kur<br />
flitet për Shqipërinë. Kjo përqasje,<br />
nëse me vende të zhvilluara<br />
ka sjellë probleme, me vendin<br />
tonë do të ishte tragjike. Integrimi<br />
i Ballkanit në këto kushte do<br />
të sillte një amplifikim të rastit<br />
rumun në shumë celula të tjera,<br />
të cilat eventualisht do të sillnin<br />
një atmosferë të pakëndshme në<br />
Europë e do të shtynin drejt pushtetit<br />
parti të ekstremit të djathtë,<br />
një “luks” që Europa sot nuk ia lejon<br />
dot vetes.<br />
Pasionimi ynë me tregun e lirë<br />
e me politikat neoliberale mund<br />
të sjellë në afatshkurtër një përfitim<br />
për ekonominë e shteteve<br />
të zhvilluara europiane, por asgjë<br />
të qëndrueshme dhe afatgjatë.<br />
Nëse Ballkani nuk transformon<br />
ekonominë e tij, nga një ekonomi<br />
magazinimi dhe konsumi në një<br />
ekonomi prodhuese, atëherë do<br />
të krijohet një peshë që Europa<br />
nuk e mban dot, e Ballkani do jetë<br />
gjithmonë i paqëndrueshëm. Për<br />
këtë arsye, më shumë sesa krijimi<br />
i një tregu të madh europian, do<br />
të duhej që vështrimi të hidhej<br />
në krijimin e tregjeve të vogla<br />
europiane të partikulariteteve<br />
për çdo vend. Shqipëria në Bashkimin<br />
Europian do të thotë një<br />
vend për njerëzit që punojnë dhe<br />
ndërtojnë këtu, e jo një mundësi<br />
arratisje nga vendi i tyre. E për<br />
fat të keq, ky proces nga mënyra<br />
se si trajtohet sot nga politikat<br />
neoliberale europiane në raport<br />
me Ballkanin e posaçërisht<br />
Shqipërinë, po e transformon nga<br />
një problem lokal në një problem<br />
global, si në aspektin social, ashtu<br />
dhe në atë kulturor e politik.