Gjuha shqipe 2 - Albas

Libër mësuesi për tekstin “Gjuha shqipe 2”
ERA NË SHTËPI
Rubrika: Lexojmë
Tema: Albumi i familjes (Ora I)
Objektivat: Në fund të orës së mësimit nxënësi duhet të jetë i aftë:
• Të lexojë bukur, me intonacion, emocion dhe duke respektuar shenjat e
pikësimit.
• Të pasurojë fjalorin me fjalë të reja rreth temës dhe të formojë fjali me to.
• Të flasë për faqen e një albumi me fotografi.
• Të hartojë një pesëvargësh, duke u bazuar në mendimet e dhëna për një
album.
Mjetet: teksti, albume, fotografi, fisha me terma paraprakë.
Fjalët kyç: albumi i vjetër, gjyshja e Erës, shikojnë.
STRUKTURA PNP Metoda, teknika e veprimtari Koha
Parashikimi
Ndërtimi i njohurive
Përforcimi
Zhvillimi i mësimit
Parashikimi me terma paraprakë
Lexim i drejtuar
Pesëvargësh
Parashikimi: Parashikimi me terma paraprakë
Mësuesi/ja paraqet fishat e parapërgatitur (ose i shkruan në dërrasë) dhe pyet:
- A mund të formoni një tregim me këto fisha (këta terma paraprakë)?
albumi i vjetër gjyshja e Erës shikojnë albumi i Erës
U lihet nxënësve një kohë e mjaftueshme dhe mirëpritet çdo krijim i nxënësve,
duke nxitur dhe ngacmuar imagjinatën e tyre.
Ndërtimi i njohurive: Leximi i drejtuar
Mësuesi/ja lexon paragrafin e parë të pjesës.
Ndalesa I. Gjyshja e Erës... deri te... pranon me dëshirë.
- A do t’i pëlqejnë fotografitë Erës?
- A do të njohë ndonjërën prej tyre?
- A do të jetë ajo në ndonjërën nga fotografitë?
Nxënësit shprehin hamendjet e tyre dhe mësuesi/ja vazhdon leximin.
Ndalesa II. Ja, këta këtu...deri te ... se sa shumë i ngjan.
- A do t’i pëlqejë fotografia e gjyshes, kur ka qenë nuse?
22