Edukata - Erik Botime

Demokraci liberale
Mbështesin teorinë e individit në
qendër të shoqërisë, për to përparësitë
i jepen individit në raport me shoqërinë
dhe sistemi politik duhet të dalë nga
individi në bashkëpunim me individët e
tjerë të lirë, ndërsa institucionet mbrojnë
të drejtat ekonomike, politike e personale.
Të drejtat ekonomike
1. Sipërmarrje e lirë ekonomike;
2. Liria e pronës private;
3. Mbrojtje e ekonomisë së tregut.
Demokraci joliberale
Në qendër veprimet kolektive të individëve
në tërësi. Këto sisteme kanë për qëllim të përmirësojnë
jetën, në mënyrë të përgjithshme të
shoqërisë, duke mbrojtur interesat e të drejtat e
shoqërisë si një e tërë në raport me të drejtat e
individëve në veçanti.
Synimi i tyre është të mbrojnë e pranojnë të
drejtat publike pa lënë mënjanë dhe të drejtat e
shprehjes së individit e të drejtën e jetës private.
Çfarë pritet nga demokracitë joliberale?
1. rritje e qëndrueshmërisë së marrëdhënieve
shoqëri – qeveri;
2. rritje e sigurisë dhe e mirëqenies së popullsisë;
3. zhdukje e pabarazisë në shoqëri;
4. rritje e edukimit moral të shoqërisë;
Demokracia qoftë ajo e tipit liberal, apo ajo e tipit joliberal, duhet të jenë harmonizim i
elementeve të përbashkëta, të cilat çojnë në përsosmërinë e sistemeve politike në interes të
individëve si pjesë e shoqërisë dhe në përsosmërinë e saj.
Përforcimi (konsolidimi i të nxënit)
Mësuesja drejton pyetje dhe pret përgjigje nga të gjithë nxënësit.
Stuhi mendimesh:
- Si ndikon individi në demokracitë e tipit liberal?
- Nga se varet zhvillimi i demokracisë liberale?
- Çfarë pritet nga demokracitë joliberale?
Detyrë
Analizoni: Çfarë pritet nga demokracitë joliberale?
Mendimet tuaja mund t’i hidhni në fletore në trajtën e një eseje.
13