Create successful ePaper yourself
Turn your PDF publications into a flip-book with our unique Google optimized e-Paper software.
4 TRIBUNA • E premte, 04.02. 2011 - e enjte, 10.02. 2011<br />
Politikë - GR<br />
Nga Foto V.<br />
MALO<br />
Greqia e ditëve tona<br />
është nje vend i pushtuar<br />
trefish: nga grevistët<br />
dhe demonstruesit, nga<br />
BE-ja dhe nga emigrantët<br />
e ligjëruar e klandestinë.<br />
Është e pushtuar nga<br />
problemet e brendshme<br />
dhe e mbytur nga borxhi i<br />
jashtëm.<br />
Për punonjësit e Athinës<br />
është ngjarje funksionimi i linjave të<br />
trafikut urban. Punonjësit e sektorit të Komunikacionit<br />
po i kundërqëndrojnë planit<br />
të qeverisë për të privatizuar transportin<br />
e pasagjerëve dhe për të dhënë leje për<br />
automjete transporti e taksi edhe tek të<br />
huajt. Grevistët shpallin se transporti urban<br />
duhet të jetë një e mirë e përgjithshme<br />
shoqërore dhe protestojnë duke nxitur<br />
kundërshtimin e hapur ndaj qeverisë, e cila<br />
merr masa e miraton ligje kundër vullnetit<br />
të punonjësve dhe duke shkelur edhe normën<br />
demokratike të dialogut paraprak me<br />
përfaqësuesit e punonjësve dhe të institucioneve<br />
të ndryshme. Kjo u duk në qëndrimet<br />
e ministrit të Shëndetsisë Loverdhos,<br />
i cili u bë shkas për greva të farmacistëve<br />
dhe të mjekëse të I.K.A –s, një pjesë e mirë<br />
e të cilëve ka afro dy vjet pa u paguar. Vetëm<br />
vitin e kaluar u shkuartun 1300 vende<br />
pune të mjekëve dhe personelit ndihmës,<br />
duke bërë një amputacion të ri në sistemin<br />
shëndetësor publik të vendit.<br />
Po rritet rryma dhe lëvizja e “Mospagimit”<br />
si mjet mosbindjeje dhe kundërshtimi<br />
për të mos paguar biletë. Dhe si kundërpërgjigje<br />
qeveria rriti 50% çmimin e biletës<br />
së urbanit, rriti nga 35 në 45 Euro kartën<br />
mujore qytetëse dhe shumë më tepër biletat<br />
e komunikacionit interurban. Në ditët<br />
e grevës së punonjësve të komunikacionit<br />
një lëvizje me taksi për disa kilometra<br />
arrinte në 10 Euro, aq sa ka arritur edhe<br />
ditëpuna minimale në këtë periudhë krize.<br />
Por, a është mospagimi rruga më e drejtë?<br />
Ç’do të ndodhte po të mos paguheshin<br />
këstet e bankave, të blerjes së shtëpive, të<br />
automjeteve, etj.?<br />
Qeveria greke e Papandreut të ri zbaton<br />
me përpikmnëri direktivat dhe urdhërat<br />
e Evropës në sektorët kryesorë të jetës<br />
ekonomike dhe shoqërore: Shëndetësi,<br />
Arsim, Punësimin Sigurime Shoqërore dhe<br />
asistencën sociale, një politikë e djathtë e<br />
zbatuar dikur nga “zonja e hekurt” Margaret<br />
Theçer në Angli. Me dorë të hekurt po<br />
vepron edhe i buzëqeshuri supersocialist<br />
Papandreu, duke ia kaluar mjaft paraardhësit<br />
të tij.<br />
Sipas orientimeve të BE, në Greqi u rrit<br />
mosha e daljes në pension për burra dhe<br />
për gra. U shkurtua në mënyrë drastike<br />
numri i profesioneve që cilësoheshin të<br />
rënda dhe trajtoheshin me përparësi për<br />
daljen në pension. U shkurtuan edhe pensionet<br />
e ulëta, u hoq rroga e trembëdhjetë<br />
për punonjësit dhe dhurata tradicionale e<br />
Krishtlindjeve, dhe po vihet dorë edhe mbi<br />
shumën speciale që merrnin punonjësit<br />
sipas ligjit pas daljes në pension.<br />
Shtrenjtësimi i ushqimeve, i karburanteve<br />
dhe i vajgurit për ngrohje u shtohet<br />
shtrenjtësimit të barnave dhe të shërbimeve<br />
publike, duke ulur e përkeqësuar<br />
ndijshëm nivelin e jetesës të qytetarit dhe<br />
fshatarit grek. Strategjia e qeverisë greke<br />
ngjan se është jo rimëkëmbja e ekonomisë<br />
por thjesht mbushja me çdo mënyrë<br />
e arkave të zbrazëta. Kjo dëshmohet jo<br />
vetëm nga rritja e papërligjur e çmimeve<br />
dhe e taksave por edhe nga fakti i freskët<br />
se shumë miliona Euro nga fondi i caktuar<br />
për zhdëmtimin e të djegurve nga zjarret<br />
në krahinën e Ilias iu kaluar pronarëve që<br />
Një ditë nga<br />
aktualiteti grek<br />
Strategjia e qeverisë greke ngjan se është jo<br />
rimëkëmbja e ekonomisë, por thjesht mbushja<br />
me çdo mënyrë e arkave të zbrazëta.<br />
iu tjetërsuan tokat e pasuritë në një vepër<br />
shtetërore.<br />
Skandali i pashembullt i Siemensit, për<br />
marrje rryshfetesh nga qeveritarë dhe politikanë,<br />
si dhe skandali i Vatopedit u sabotuan<br />
sistematikisht nga pozita dhe opozita,<br />
sepse në të janë implikuar të dyja palët.<br />
Amoraliteti politik është ngritur në sistem.<br />
Fatkeqësia është se, siç u shpreh regjisori<br />
i shquar grek Kostas Gavras, populli imitoi<br />
politikanët, teksa politikanët ishin ata<br />
që duhet të ndiqnin pas popullin. Të mësuar<br />
me mospagim taksash dhe fshehje<br />
të veprimtarisë tregtare - ekonomike, me<br />
mosdeklarim të pasurisë së vërtetë, nën<br />
shembullin e politikanëve, masa të mëdha<br />
qytetarësh “kontribuan” në varfërimin<br />
e shtetit dhe pafuqishmërinë e tij për të<br />
kryer vepra me dobi shoqërore. Figurojnë<br />
rreth 60-70 mijë pensione të pamerituara,<br />
me të dhëna false, midis të cilëve mijëra<br />
të mbiquajtur “vorioepirotë”. Në vend të<br />
punës konkrete, njerëzia u mësuan me përfitime<br />
të paligjshme dhe kombinacione,<br />
me rekrutimin partiak, për të përfituar një<br />
vend pune apo subvencion pas zgjedhjeve,<br />
nga qeveria e ngjyrës që pëlqejnë.<br />
Greqia e mësuar të mbijetojë me paketat<br />
ekonomike evropiane u ndie ngushtë kur<br />
ato u prenë dhe tani pret me ankth marrjen<br />
e ndonjë doze të re huaje evropiane. Përpara<br />
një viti qeveria Papandreu i kërkoi Evropës<br />
së Bashkuar një hua prej 110 miliardë<br />
Evro, të cilat do të shkojnë për shlyerjen<br />
e aksioneve, letrave me vlerë të të huajve,<br />
si dhe për shlyerjen e borxhit të jashtëm, i<br />
cili e ka kaluar shifrën 300 miliardë Euro.<br />
Pra, siç erdhën do të ikin, pa arritur të<br />
lubrifikojnë makinën e ekonomisë greke në<br />
stanjacionin më të madh të Pas- Luftës.<br />
Evropa e Bashkuar, me të drejtë, e<br />
orientoi Greqinë të gjejë së pari burime<br />
të brendshme për të përballuar borxhin<br />
e madh dhe për të rimbursuar veprimtaritë<br />
ekonomike, gjë që nuk ishte ndonjë<br />
zbulim. Por, në vend që qeveria ta gjejë<br />
zgjidhjen tek ata që e shkaktuan krizën dhe<br />
përvetësuan shuma kolosale si politikanë,<br />
qeveritarë apo sipërmarrës e pronarë të<br />
mëdhenj, e drejtoi shiringën në qafën e<br />
punonjësve. Le të mos shkojmë larg: Nga<br />
drejtuesit e ministrisë së Komunikacionit<br />
në të kaluarën e afërt u shkaktuan dëme<br />
kolosale, që arrijnë në disa miliardë Euro.<br />
Qindra mijëra bileta urbani u shtypën dhe<br />
u përvetësuan nga ata që i porositën. Një<br />
tren i blerë jashtë shtetit mbeti batall në<br />
Selanik, sepse nuk hynte në shina. Të tillë<br />
njerëz inkompetentë dhe të papërgjegjshëm<br />
ka jo pak në administratën qendrore<br />
greke, ndaj edhe ekonomia e saj nuk po<br />
hyn në shina.<br />
Kryeministri aktual grek deklaroi se do<br />
të mundë edhe të burgosë disa ikanakë të<br />
mëdhenj, që i detyrohen miliona e miliarda<br />
arkës së shtetit, por dritë në horizont nuk<br />
po duket. Ndërkohë një përfaqësues i qeverisë<br />
greke deklaroi se do të merren masa<br />
të ashpra ndaj mospaguesve të biletës së<br />
trafikut urban dhe se nuk do të ngurrojë të<br />
rrisë më tej çmimin e biletave! E besojmë<br />
se të dytën qeveria mund ta bëjë me lehtësi.<br />
A është mospagimi rruga e zgjidhjes dhe<br />
a duhet të ketë masë në ndërprerjen e shërbimeve<br />
ndaj një pjese të madhe të popullsisë<br />
si p.sh. Komunikacioni dhe shërbimi<br />
shëndetësor? Sepse dëgjojmë të thuhet se<br />
ndërprerja e trafikut dhe dëmet materiale<br />
nga grupe të caktuara kanë bërë të tkurret<br />
veprimtaria tregtare dhe turizmi në kryeqytetin<br />
grek. Dhe investimet e huaja, aq të<br />
dëshiruara, pothuajse mungojnë.<br />
Në këtë periudhë krize por edhe ndërgjegjësimi<br />
politik, populli grek është i ftuar<br />
të dalë në pararojë, për një zgjidhje ballore<br />
dhe rrënjësore që do t’i përgjigjej qytetërimit<br />
të tij të lashtë dhe betejave për ka dhënë<br />
për liri, demokraci dhe progres.<br />
Gjendjen e krizës së gjithanshme vjen<br />
dhe e rëndon qëndrimi ndaj emigrantëve,<br />
duke marrë shkas nga pushtimi i ndërtesës<br />
së Fakuletit të Drejtësisë në Athinë prej<br />
300 klandestinëve marokenë, të cilët kërkojnë<br />
doemos ligjërim. Qeveria greke, duke<br />
iu përgjigjur negativisht atyre, deklaroi se<br />
nuk do të ketë ligjërim masiv të emigrantëve<br />
të paligjshëm. Nga ana e vet ky episod<br />
ngjalli debat e qëndrime të kundërta midis<br />
pozitës dhe opozitës, me pasojë që Këshilli<br />
Kombëtar i Drejtësisë të rishikojë vendimin<br />
e qeverisë Papandreu për votim në<br />
zgjedhjet bashkiake nga ana e emigrantëve,<br />
duke e nxjerrë atë antikushtetues. Ka gjasë<br />
që pas kësaj të rishikohen rezultatet e<br />
zgjedhjeve, deri në rishikimin e të fituesve<br />
si kryetarë bashkie, ndoshta edhe duke i<br />
deklaruar të pavlefshme gjithë zgjedhjet!<br />
Νuk besojmë të arrihet në këtë vendim,<br />
por ajo që duket qartë është se ksenofobia<br />
po rritet dhe segmente të caktuara ekstremiste<br />
po hedhin parrulla për largimin e<br />
të huajve nga Greqia. Ngritja e një muri<br />
special në Evro, në kufi me Turqinë, sipas<br />
shembullit të murit amerikan në kufi me<br />
Meksikën, nuk është zgjidhja e dëshiruar.<br />
Paarësisht se Turqia nuk e quajti fyrje një<br />
ndërmarrje të tillë, muri i kërkuar nga Papuçiu<br />
dhe qeveria e Pasokut, nuk është ai<br />
që do të shpëtojë Greqinë. Valët e emigrantëve<br />
klandestinë nuk mund të ndërpriten<br />
për sa kohë Azia, Afrika kanë regjime despotike,<br />
varfëri e mjerim proverbial dhe<br />
janë shesh luftrash me pasoja tragjike. Pas<br />
ngjarjeve në Egjipt dhe në Tunizi, valë të<br />
reja emigrantësh priten drejt Greqisë dhe<br />
Europës. Ndihma e Evropës dhe botës së<br />
pasur ndaj popujve të atyre vendeve, ndalimi<br />
i luftërave shkatërrimtare dhe vendosja<br />
e regjimeve demokratike do të bëjnë<br />
që edhe këto valë mjerimi të përplasen më<br />
pak në brigjet e “parajsës” greke, evropiane<br />
apo amerikane.<br />
Humanizmi i popullit grek është ende<br />
veprues dhe del mbi racizmin që nxjerr<br />
krye herë pas here dhe kultivohet e nxitet<br />
qëllimisht. Por ka edhe një arsye praktike<br />
që na sugjeron të jemi të rezervuar<br />
ndaj vërshimit pa cak e në pafundësi të<br />
emigrantëve klandestinë: a ka burime të<br />
mjaftueshme ky vend për t’i trajtuar ata<br />
dhe familjet e tyre, kur papunësia ka prekur<br />
afro një milion banorë në një popullsi<br />
dhjetëmilionëshe? Κëtu nevojitet ndihma e<br />
shteteve të zhvilluara evropiane, e Evropës,<br />
cila, me dhe pa të drejtë, kërkon që Greqia<br />
të bëjë më tepër në këtë drejtim.<br />
Pyetja e fundit: Do të falimentojë Greqia<br />
apo kroçeri grek do të fundoset këtë herë<br />
në tokë? Në gjendje të përafërt me Greqinë<br />
janë edhe disa shtete të tjera evropiane, për<br />
të cilat Evropa po ndërmerr programe trajtimi<br />
dhe ndihme me kosto të lartë. Njerëzit<br />
e përparuar të Greqisë kërkojnë që kjo të<br />
trajtohet njëlloj me shtetet e tjera dhe jo e<br />
diskriminuar. Nga ana tjetër, populli grek,<br />
pas gjithë këtyre sakrificave dhe trajtimi të<br />
padenjë, do të dijë të gjejë forca për t’u mëkëmbur<br />
dhe ecur normalisht. Një arsye më<br />
tepër është se Evropës dhe botës i duhet<br />
një vitrinë klasike si Greqia, për t’u kujtuar<br />
të gjithëve se dritat e qytetërimit dhe modeli<br />
i shtetit të sotëm perëndimor erdhën<br />
së pari nga brigjet e Egjeut.