LIGJI DOGANOR KAPITULLI I DISPOZITA TË PËRGJITHSHME ...

3. Informatat e evidentuara të bartësit të të dhënave mund të barten dhe ruhen te bartësi
tjetër i të dhënave me kusht që informatat të barten saktësisht dhe plotësisht dhe të
jenë të kapshme gjatë tërë afatit të ruajtjes obligative.
4. Personat të cilët në pajtim me dispozitat doganore janë të obliguar të mbajnë
evidencë, patjetër të njëjtën ta mbajnë në mënyrë e cila mundëson lidhje me
evidencën tatimore dhe evidencën tjetër nga paragrafi (1) i këtij neni.
5. Si evidencë nga paragrafi (4) i këtij neni konsiderohen të gjitha dokumentet doganore
që kanë të bëjnë me atë evidencë.
6. Evidenca duhet të jetë e organizuar dhe e ruajtur, përkatësisht bartësit e të dhënave
duhet të ruhen në mënyra e cila mundëson kontrollin e tyre nga organet doganore. Për
atë qëllim, personat të cilët janë të obliguar të mbajnë evidencë duhet të ofrojnë
ndihmën e nevojshme, përfshirë edhe sigurimin e arsyetimit të hollësishëm për
formën, organizimin dhe funksionimi i sistemit të llogaritarisë.
Neni16
Të gjitha informatat të cilat sipas natyrës janë të besueshme ose janë fituar në bazë të
besueshmërisë, organi doganor obligohet t’i ruaj si sekret zyrtar. Informatat e
besueshme nuk do të zbulohen nga organi doganor pa pajtimin e personit ose organit
nga i cili të njëjtat janë marrë. Dorëzimi i informatave të besueshme lejohet nëse me
dispozitat në fuqi, për mbrojtjen e të dhënave, organi doganor është i obliguar apo i
autorizuar që ti zbuloj ose ti ofrojë informatat në lidhje me procedurat konkrete
juridike.
Neni 17
1. Personi pjesëmarrës në procedurën doganore obligohet t’i ruajë dokumentet nga neni
14 të këtij ligji për shkak të kontrollit nga ana e autoriteteve doganore, në afatin e
përcaktuar me dispozitat në fuqi, por jo më shkurtë se pesë vjet kalendarikë, pa dallim
te çfarë bartësi i të dhënave të njëjtat gjenden. Afati fillon të llogaritet:
a) në rastet e mallit të lëshuar në qarkullim të lirë përveç rasteve nga pika b) të këtij
paragrafi, ose mallit të deklaruar për eksport, nga dita e fundit e vitit kalendarik në të
cilën është pranuar deklarata doganore për lëshimin e mallit në qarkullim të lirë ose
deklarata doganore për eksport;
b) në rastet e mallit të lëshuar në qarkullim të lirë me aplikimin e detyrime të zvogëluara
ose detyrimeve zero të importit, varësisht nga përdorimit i fundit të saj, nga dita e vitit
të fundit kalendarik në të cilën përfundon mbikëqyrja doganore;
c) në rastet e mallit të lëshuar në procedurat tjera doganore, nga dita e fundit e vitit
kalendarik në të cilën ajo procedurë doganore ka mbaruar;
ç) në rastet kur malli është vendosur në zonën e lirë ose në depo të lirë, nga dita e fundit
të vitit kalendarik në të cilën ajo është nxjerrë nga zona e lirë ose depoja e lirë.
2. Kur me kontrollin nga organi doganore për borxhin doganor konfirmohet se duhet
doemos të bëhet përmirësimi i shkresës së caktuar në evidencë, afati për ruajtjen e
dokumenteve i paraparë në paragrafin (1) të këtij neni vazhdohet për periudhën që
është e mjaftueshme për përmirësimin dhe kontrollin e saj. Dispozitat e këtij ligji nuk
e përjashtojnë zbatimin e dispozitave nga nenit 246 i këtij ligji.