LIGJI DOGANOR KAPITULLI I DISPOZITA TË PËRGJITHSHME ...

27. “Posedimi i mallit” – është zotërimi me mallin ose mbajtja e rëndomtë e tij.
28. “Rrezik” - është mundësia për ikje nga tagrat ose rrezikim i sigurisë së Republikës së
Maqedonisë, në aspektin e shëndetit të përgjithshëm, ambientit jetësor dhe
konsumatorëve, duke përfshirë edhe sigurimin e zbatimit të drejtë të masave, që kanë
të bëjnë me futjen dhe nxerrjen e mallit në Republikën e Maqedonisë dhe nga
Republika e Maqedonisë.
29. “Menaxhim me rrezik” – është identifikimi sistematik dhe zbatimi i të gjitha masave
të nevojshme për kufizimin e paraqitjes së rrezikut. Kjo përfshinë veprime si
grumbullimin e të dhënave dhe informatave, analizën dhe vlerësimin e rrezikut,
përcaktimin dhe marrjen e veprimeve dhe mbikëqyrjen e rregullt dhe shqyrtimin e
sërishëm të rezultateve nga veprimet e ndërmarra, të bazuara në burimet dhe
strategjitë e vendit dhe ndërkombëtare.
KREU 2
DISPOZITAT E PËRGJITHSHME, TË CILAT I RREGULLOJNË TË
DREJTAT DHE OBLIGIMET E PERSONAVE NGA ASPEKTI I
RREGULLAVE DOGANORE
PJESA 1
E DREJTA E PËRFAQËSIMIT
Neni 5
1) Me kushtet nga neni 74 paragrafin (2) dhe (3) i këtij ligji, secili person mund të caktoj
përfaqësues që do ta përfaqësojë për punën e tij para organit doganor për zbatimin e
veprimeve dhe formaliteteve të përcaktuara me rregullat doganore.
2) Përfaqësimi mund të jetë:
i. i drejtpërdrejt, kur përfaqësuesi ndërmerr veprime në emër dhe për llogari të personit
tjetër; ose
ii. tërthorazi, kur përfaqësuesi ndërmerr veprime në emër të vet, por për llogari të
personit tjetër.
3) Përfaqësuesi duhet doemos të deklarojë para organit doganor se ndërmerr veprime
për llogari të personit të cilin e përfaqëson, të shënoj se përfaqësimi është i
drejtpërdrejtë ose i tërthortë dhe të jetë i autorizuar për të ndërmarrë veprime si
përfaqësues. Personi i cili nuk deklaron para organit doganor se ndërmarr veprime në
emër ose për llogari të personit tjetër, ose i cili deklaron se ndërmerr veprime në
emër ose për llogari të personit tjetër pa qenë i autorizuar për këtë, konsiderohet se
ndërmerr veprime në emër të vetë dhe për llogari të vetë.
4) Organi doganor mund të kërkojë nga personi i cili deklaron se ndërmerr veprime në
emër ose për llogari të personit tjetër, të paraqes dëshmi për autorizimin e tij për të
ndërmarr veprime si përfaqësues.